【福岡親子遊】天神博多行街全攻略-必到購物景點大公開

0
3816

福岡係熱門嘅親子遊景點,去福岡唔係唔行街呀?天神地下街、中洲川端商店街、JR博多城……咁多地方店鋪可以行,時間又有限,到底行邊啲地方,食咩,買咩手信好?唔洗煩以下我地精選咗啲天神博多必食必行必買嘅清單,等你慢慢跟住行冇煩惱,咁就唔洗去旅行都要諗住買乜手信番香港啦!

【更多福岡資訊】
【福岡】四日三夜親子遊懶人包
福岡必食!博多拉麵大集合
天神博多屋台攻略(內含屋台潛規則同屋台推介)

美食篇

天神地下街

天神地下街係一條好長嘅商店街,都有少少似我地平時係香港行商場咁,不如一齊去片望下天神地下街係點啦。

BAKE﹕人氣半熟芝士撻,用上北海道產芝士,即烤即賣,每次出爐嘅香氣都會吸引好多人排隊,造成長長人龍。芝士撻細細個,小朋友都食得哂,味道口感平衡,食落唔會太多膩唔怕滯,可以過下口癮又留到肚繼續食其他野!
營業時間:09: 00 – 21: 00
價錢:¥216 (1個)

中洲川端商店街

吉塚鰻魚﹕百年歷史鰻魚飯名店,皮脆肉嫰,連唔鍾意食鰻魚都會覺得好味。有普通碗裝嘅鰻魚飯,亦有鰻魚盒飯同鰻魚三食得可以揀,大多都附送鰻魚肝湯。餐廳仲有提供BB凳同兒童餐具,帶小朋友去都非常方便。
營業時間:11:00 – 21: 00
預算: ¥3000- ¥3999

 

JR博多城周邊-阪急百貨 B1

努努雞:平時食炸雞都係熱辣辣,凍冰冰放入雪櫃嘅炸雞你又試過未?努努雞嘅炸雞出名賣凍,酥脆微辣,外皮香甜,雞肉比較乾硬,但別有一番凡味,令人愈食愈上癮!

營業時間:10: 00 – 21: 00
預算: ¥1000- ¥1999

【閱讀更多】東京搵食 – 欲罷不能甜品篇

藥妝篇

天神地下街

DHC:香港人最熟悉嘅應該係佢嘅潤唇膏,除咗藥妝店買到之外,喺天神地下街DHC嘅直營店都搵得到,仲可以試下佢其他保濕滋潤產品。


大國藥妝:堪稱最平嘅藥妝店,喺天神地下街西2A , 2B或3A出口天神ビル內。要買藥妝產品前記得去依到格下價先呀!

松本清:寬敞明亮,貨品齊全, 大國搵唔到嘅產品可以去依到睇下有冇。

JR博多城

@cosme store:有齊最新最熱門流行彩妝、護膚品,而佢嘅@cosme排行榜更加係非常出名,代表住日本時下藥妝產品大趨勢,唔知買咩跟住買就冇錯!

購物篇 – 抵買雜貨店

天神地下街

Seria:產品非常有質感,完全看不出只售¥ 100+稅。走清新自然的生活風格,連日本人都十分喜愛,非常適合喺到大手入貨裝飾家居。位於天神地下街東1A出口ノース天神內。


Natural Kitchen:日本設計的鄉村雜貨用品,主要售賣餐具等廚房用品,商品售價由¥ 100起,所以買之前要睇清楚價錢牌,洗多咗就唔好啦!


salut!:售家居商品,風格小清新帶鄉村感,不過價格就比前面幾間貴少少,由¥ 990+稅起。

大創DAISO:最為港人熟悉的¥ 100店,貨品種類最多,價廉物美,計番港紙真係平過香港$12店唔少,仲多好多選擇。喺天神地下街東5出口MMTビル B2F。

JR博多城

Tokyu Hands:咩都有嘅百貨公司,特別推介行文具、貼紙、玩具、寵物用品區。另外亦有很多有趣的實用生活小物、香氛美妝保養品。如果想買份有心思嘅手信俾熟人,依到係唔錯嘅選擇。


3COINS:精美生活雜貨,風格清新,大部份商品只售¥ 300+稅,不時仲會同唔同卡通crossover出產品,例如之前就同多啦A夢合作過,黎緊仲會推出以Pokemon為題嘅家品,各位fans可以留意下!

購物篇 – 親子購物

天神地下街

Disney Store:迪士尼精品,位於天神地下街西3B出口PARCO B1層。

Sanrio:大人細路都鍾意嘅Sanrio角色,通通都可以係到搵到!如果覺得依到唔夠行,可以去埋博多運河城嘅Sanrio旗艦店睇睇。

天神キャラパーク:集合幾個可愛卡通人物嘅週邊店鋪,包括Rilakkuma Store同Snoopy Town Shop,另外仲設有Kiddy Land,專賣日本國內外最紅嘅卡通人物周邊商品、最新流行商品同各式玩具,由迪士尼、Sanrio、多啦A夢到動漫角色都應有盡有。位於天神地下街西3B出口PARCO 8樓。


BIC CAMERA:位於天神地下街西12A、B出口,家電雜貨一應俱全,想平啲買番啲日牌電器,去依到就啱啦。

中洲川端商店街

わ・らび:賣日式雜貨及和服。產品多為帶有日式圖樣的雜貨飾品,非常有質感,買啲和風手信俾人或者自己留個紀念都唔錯。

JR博多城​

Disney Store:白色迪士尼專賣店,全日本只有幾間,專為女生設計,非常夢幻,最啱媽媽帶住囡囡去,唔買嘢都要影張相打個卡!


Petit Main:非常時尚的童裝品牌,風格及款式多元化,品質有口碑保證,尺寸由50cm到130cm不等,適合0~9歲嘅小朋友。

Markey’s:日系親子裝,選擇非常多,好啱一家大細一齊裝身。

 

手信篇

中洲川端商店街

明月堂﹕名產「博多通りもん」,蛋糕口感鬆軟加上微甜的餡,冇一般菓子咁甜膩,非常受當地人歡迎。
營業時間: 09:30 – 20:00

JR博多城-博多DEITOS

如水庵:曾獲選為Monde Selection最高金賞的「筑紫麻糬(筑紫もち)」,是福岡傳統甜點,麻糬外面佈滿黃豆粉,食用時再沾上黑糖蜜。包裝精美得體,自用定送人都非常適合。
營業時間: 08:00 – 21:00


福太郎:明太子係博多特產,福太郎依到唔單止有得買明太子到同明太子醬,仲有明太子仙貝,唔敢直接食明太子嘅人都可以試試。
營業時間: 08:00 – 21:00

 

咁多鋪頭花多眼亂,都唔知點行好,又或者想知多啲福岡有咩一家大細好去處,就可以我地呢個FB Post 到留言+1, 我地就會PM福岡完整攻略同Google My Map地圖比你咖啦。
🚪傳送門﹕https://l.flynow.hk/2018fc63d0

【閱讀更多】
【福岡】四日三夜親子遊懶人包
大阪心齋橋好食好買好打卡景點全包圍
日本便利店必買TOP10
【必收藏】東京駅食買玩必備!地下一番街地圖全攻略