【日本愈夜愈精彩】東京居酒屋入門精選-7大歡迎外國人嘅居酒屋推介

0
4505

講到日本飲食文化,不得不提居酒屋。黎到東京旅行,想感受下居酒屋文化食下宵夜飲下酒,但又無從入手唔知去邊間好?睇下以下幾間入門精選啦!我地就有7間東京居酒屋可以比唔識日本嘅人去試,而且部分係有中文同英文餐牌,適合香港人又飲去食去玩。有居酒屋精選就知可以幾間居酒屋放落行程。全部都想去? 。我地仲搵到個居酒屋體驗,有導遊帶大家去玩,就唔洗驚入到居酒屋口啞啞啦。

想知更多東京必食推介,記得去睇東京系列第一彈:食盡東京啦!

鳥良商店

分店眾多,大多都有中文餐牌,非常方便。主打菜式係手羽先唐揚,即炸雞翼,有唔同辣度揀。炸雞翼外皮酥脆,仲搽咗一層甜醬汁同胡椒鹽,咬落去雞肉鮮甜多汁,令人回味無窮。
平均預算:¥2,000~¥3,999
分店位置:參考官網分店
(南池袋店)東京都豊島区南池袋1-20-1 横田ビル 1階・2階
營業時間﹕24小時營業
官網

鳥貴族

平價居酒屋,無論串燒定飲品都均一價¥298加稅,非常抵食。主賣雞類串燒,亦有豬肉牛肉串燒、飯類、拉麵等,選擇甚多。鳥貴族強調「國產國消」,所有食材都係日本國產,等顧客食得安心。分店非常之多,如果夜晚想食居酒屋宵夜唔知揀咩好,搵依間就最方便冇死啦!
平均預算:¥2,000~¥2,999
分店位置:參考官網分店
官網

釣船茶屋ざうお

有得食有得玩嘅居酒屋!餐廳佈置到好似漁船咁,漁船上面係座位餐枱,而環繞側邊嘅大水池入面有好多魚游黎游去,食客可以同職員購買魚竿魚餌,再按自己預算去釣想食嘅魚,釣到交俾廚房烹調,仲可以落order想點整刺身、燒魚、壽司任君選擇。部份分店仲有專為小朋友而設握壽司體驗,詳請可以上番官網參考。
平均預算:¥4,000~¥4,999
分店位置:新宿、目黒、渋谷及亀戸均有分店
(新宿店)東京都新宿区西新宿3-2-9 新宿ワシントンホテル 1階
營業時間﹕
11:30-14:30 、17:00-23:00(平日)
11:30-14:30、16:00-23:00(週末及假日)

呢條就係佢地嘅簡單訪問,片入面個女仔都可以好輕鬆釣魚上黎食。然後佢地就會擊鼓慶祝添呀,成個體驗都好得意。

官網

戦国武勇伝 新宿

對日本戰國歷史有興趣嘅朋友一定唔可以錯過!依間居酒屋以戰國武將為主題,一入門口就有幾副武將盔甲歡迎你,成間鋪由裝修、包廂設計到飲品食物都充滿戰國特色,店員仲會打扮成忍者,好有氣氛!離新宿站東口只需3分鐘。
營業時間﹕
17:00 – 24:00 (星期一至四)
17:00 – 03:00 (星期五及六)
17:00 – 23:30 (星期日及假日)
平均預算:¥3,000~¥3,999
地址:東京都新宿區歌舞伎町1-6-2 T-wingビル4樓
官網

思い出橫丁

想感受更地道嘅居酒屋文化,可以去新宿嘅思い出橫丁,成條街都係好似小食攤嘅居酒屋,煙霧瀰漫、香氣四溢,非常有氣氛。以下介紹幾間評分較高嘅小店:

もつ焼き ウッチャン


Tabelog上有3.59分,一直很受歡迎,主打內臟串燒。
營業時間﹕16:00 – 23:00
平均預算:¥2,000~¥2,999
Tabelog評價

カブト


歷史悠久嘅串燒老店,Tabelog評分高達3.6分,專賣鰻魚各部位串燒。
營業時間﹕13:00 – 20:00
平均預算:¥2,000~¥2,999 (星期日及假日休息)
Tabelog評價

ささもと


Tabelog評分為3.59分,主打用味噌煮成,一串串嘅燉煮物(串煮込み) ,味噌香味濃郁。
營業時間﹕15:30 – 23:00
平均預算:¥2,000~¥2,999
Tabelog評價

東京居酒屋體驗

睇完咁多間居酒屋,都係決定唔到去邊間,又或者驚唔知規矩,享受唔到真正居酒屋嘅樂趣?其實都可以試下參加tour,跟居酒屋達人去不同居酒屋,飲飲食食之餘,仲可以聽達人講日本夜生活文化同點餐技巧。全程仲有英文嚮導,唔怕聽唔明日文冇癮。
報名按此

【延伸閱讀】

【懶人救星】2018最新!五日四夜 玩盡大阪全攻略

大阪心齋橋好食好買好打卡景點全包圍

【去居酒屋必備】 不可不知嘅5件事 連新手點菜指南