【福岡自由行】未食過呢樣等於無去過福岡!5大天神地下街必買手信

0
2261

天神地下街多店舖、多嘢買就眾所周知,不過如果想買福岡手信比親朋好友,到底買邊樣最好?小編就整理咗2018年超級受歡迎、連日本人都忍唔住要買嘅5大福岡必買手信,其中一樣仲要係堪稱福岡第一名產,係必食嘅福岡美食!計劃去福岡嘅你一定要bookmark喇!

福岡住宿

天神地下街咁多野買當然要揀返間近地鐵站嘅酒店啦!以下呢幾間福岡酒店都好近車站,去購物超方便!
【福岡自由行】Dormy Inn嘆免費溫泉及拉麵!5間超啱親子遊福岡酒店推介

天神地下街必買手信

1. 大丸饅頭

又平又好食懷舊饅頭

大丸饅頭有多款口味,任君選擇(圖片來源:seesaa.net)
大丸饅頭有多款口味,任君選擇(圖片來源:seesaa.net)

大丸饅頭係好受歡迎嘅日本懷舊小食,最大特色就係饅頭上面印有「大」字,饅頭餡用咗北海道出產嘅手亡豆,味道甘甜,而且饅頭嘅包裝沿用以前嘅設計,所以日本無論大人或小朋友都好鍾意食!而且一個饅頭未連稅只係40円(大約HK$3)!又平又好食,買多幾個比親朋好友就最啱!

小編溫馨提示:因為饅頭全部都係新鮮整,無落防腐劑,記得係賞味期限之前食完呀!

營業時間:11:00~20:00
地址:福岡市中央区 天神 1-4-1 博多大丸福岡天神店 B2F
官網:https://www.daimaru.co.jp/fukuoka/

天神地下街咁多店舖,當然有好多野值得買啦!睇埋下面呢個清單就肯定萬無一失!
【福岡親子遊】天神博多行街全攻略-必到購物景點大公開

2. 鈴懸

鈴懸必買多啦A夢甜品

鈴懸嘅草莓大福有成隻士多啤梨做饀,肯定超濃士多啤梨味!(圖片來源:mi-journey.jp)
鈴懸嘅草莓大福有成隻士多啤梨做饀,肯定超濃士多啤梨味!(圖片來源:mi-journey.jp)

「鈴懸」係已經創業96年嘅福岡老店,專門售賣日本傳統和菓子,呢間老店有好多種甜品都好出名,例如鶯餅、草莓大福等,連羊羹都有賣!

呢款和菓子造型好容易聯想到多啦A夢!(圖片來源:anfunfukuoka.com)
呢款和菓子造型好容易聯想到多啦A夢!(圖片來源:anfunfukuoka.com)

不過小編特別想介紹店舖最受歡迎嘅「鈴乃最中」及銅鑼燒,「鈴乃最中」嘅外型好似多啦A夢嘅鈴鐺,內餡用咗北海道產嘅紅豆蓉,加埋多啦A夢最愛嘅銅鑼燒(豆沙包),童年回憶即刻返晒來!而且包裝精美,用來當手信送比人就最啱!

營業時間:10:00~20:00
地址:福岡市中央区天神2-5-35 福岡天神岩田屋地下2階
官網:https://www.suzukake.co.jp/

淨係行地下街當然唔夠,想去埋其他福岡景點可以睇埋呢個福岡懶人包!
2019更新版【福岡懶人包】四日三夜福岡親子遊

3. JEAN-PAUL HEVIN

超多日本人鍾意朱古力品牌

朱古力上面嘅圖案好可愛!女仔肯定會鍾意!(圖片來源:NAVER)
朱古力上面嘅圖案好可愛!女仔肯定會鍾意!(圖片來源:NAVER)

如果唔鍾意日本傳統甜品,其實都有其他選擇!JEAN-PAUL HEVIN係來自法國嘅朱古力品牌,喺全日本都有分店,好受日本人歡迎,JEAN-PAUL HEVIN最出名就係口味香濃嘅朱古力,而且部分朱古力嘅表面仲會有唔同圖案,非常可愛!除咗朱古力之外,亦有蛋糕及馬卡龍,咁啱來到一定要試下!

營業時間:10:00~20:00
地址:福岡市中央区天神2-5-35 岩田屋本店 本館 B2F
官網:https://www.jph-japon.co.jp/

4. 久原本家・茅乃舎

家庭主婦最愛 無添加劑湯包

茅乃舎嘅湯包無加任何化學添加劑,啱晒重視健康嘅人!(圖片來源:官網)
茅乃舎嘅湯包無加任何化學添加劑,啱晒重視健康嘅人!(圖片來源:官網)

茅乃舎係得到好多日本太太們喜愛嘅店舖,店舖主要出售自家製嘅湯包,不過最犀利嘅係佢地嘅湯包係無加化學調味料、無加任何添加劑,味道天然,無味精對健康都好D!而且用法非常簡單,直接將湯包加熱幾分鐘就煮好,無論用來煮麵、煮粥或者當湯飲都無問題,簡單煮好又健康,簡直係料理恩物!難怪有網民每次見到都會買一箱!

除咗湯包,亦有火鍋湯底、調味料,當手信送比鍾意煮野食嘅朋友就最啱!

營業時間:10:00~20:00
地址:福岡県福岡市中央区天神2-5-35岩田屋本館 地下1F
官網:http://www.kayanoya.com/

5.博多あごおとし魚匠庵

福岡第一美食 辛子明太子

博多あごおとし魚匠庵嘅獨立包裝辛子明太子,當手信送比人就最啱!(圖片來源:Maioka FC)
博多あごおとし魚匠庵嘅獨立包裝辛子明太子,當手信送比人就最啱!(圖片來源:Maioka FC)

「明太子」係福岡嘅第一名產,周圍都好容易搵到有明太子嘅食物,其中最受歡迎肯定係辛子明太子,即係喺原本嘅明太子上加添辣味嘅唐辛子,變成更惹味嘅辛子明太子,來到福岡一定要試下!

店舖亦有獨立包裝嘅明太子出售,可以買來當手信,比親朋好友試下福岡最地道嘅美食!

博多あごおとし魚匠庵福岡三越店
地址:福岡市中央区天神2-1-1 地下2F
官網:http://www.agootoshi.com/

試完福岡嘅地道美食,會唔會想試埋其他九州美食?其實九州嘅鹿兒島及熊本都有唔少美食及手信,仲可以浸溫泉添!
【必睇必買必食】鄰近東京大阪北海道!5大日本天然溫泉及玩樂推介

天神地下街交通

呢條片可以見到點樣行去地下街,不過基本上一出天神站就會見到,非常方便!

 

【其他福岡景點】
【東京大阪都有!】烏龍茶$3炭燒咖啡$2!日本隱世超平批發超市
7大天神博多屋台攻略(內含屋台潛規則同屋台推介)