介紹過大阪、福岡酒店，當然要介紹埋超多讀者查詢嘅 東京酒店 ！呢兩年都有唔少新落成嘅東京酒店，交通方便之餘，酒店設施亦比較新淨，咁就可以住得更舒服！其中一間酒店仲可以免費喺頂層嘆露天spa，想知道邊幾間超正東京住宿，就要睇下文喇！
內容
抵住 東京酒店
1. 東京新橋光芒酒店(Candeo Hotels Tokyo Shimbashi)
免費嘆sky spa 附近超多餐廳
東京新橋光芒酒店 係2018年1月開業嘅新酒店，啱啱開業一年，酒店設施新淨，距離成田國際機場大約1小時車程，酒店附近有地鐵新橋站，由酒店行過去都只係6分鐘步程，超方便！
呢間酒店咁近車站，咁去東京站買野就最啱！
【必收藏】東京駅食買玩必備！地下一番街地圖全攻略
呢間酒店喺大阪都有，因為頂樓嘅sky spa好受遊客歡迎而令酒店喺東京都開設,玩完一日浸係熱嘅spa入面真係超舒服，而且spa嘅屋頂可以見到天空，睇住靚景浸spa肯定好治癒身心！酒店附近有超多餐廳，新橋站外面就已經有好受香港人歡迎嘅一蘭拉麵，食宵夜最啱！
住客評價
地址：東京都港區新橋3-6-8
價格：雙人房HK$936起
訂房網址：https://l.flynow.hk/128f0
2. 品川王子大酒店(Shinagawa Prince Hotel)
超近品川站 商場超市林立
品川王子大酒店 雖然已經開業咗好長時間，不過酒店2013年嘅時候重新裝修，所以都唔洗擔心設施會太殘舊。品川王子大酒店距離成田國際機場大約1小時車程，酒店附近有地鐵品川站，由酒店行過去都只係4分鐘步程，交通超方便！
呢個影片可以360度睇品川王子大酒店嘅環境！
來酒店記得去埋水族館玩呀！
酒店仲有個水族館，帶小朋友去東京親子遊最啱！樓下就有就有便利店，而且附近仲有超市、商場等購物點，想shopping都好方便！而且酒店附近有超多餐廳，嘆美食就最正！
住客評價
地址：東京都港區高輪4-10-30
價格：雙人房HK$1,111起
訂房網址：https://l.flynow.hk/53bb2
3. 格拉斯麗新宿酒店(Hotel Gracery Shinjuku)
位於新宿鬧區 附近多便利店餐廳
格拉斯麗新宿酒店 距離成田國際機場大約1小時車程，由酒店行去地鐵新宿站都只係10分鐘步程，交通方便！
酒店樓下就有便利店及藥房，想買日本最出名嘅藥妝真係夠晒方便！酒店附近有歌舞伎町一番街，所以有超多餐廳可以選擇，淨要食勻酒店附近嘅餐廳都有排食！而且酒店喺正新宿中心，超多購物點可以盡情掃貨！
喺新宿購物記得去埋呢間超市，入面嘅貨品全部都超抵價，唔買肯定走寶！
【東京大阪都有!】烏龍茶$3炭燒咖啡$2！日本隱世超平批發超市
住客評價
地址：東京都新宿區歌舞伎町1-19-1
價格：雙人房HK$1,238起
訂房網址：https://l.flynow.hk/27eea
歌舞伎町附近有唔少居酒屋，唔知去邊間好就要睇定喇！
【日本愈夜愈精彩】東京居酒屋入門精選-7大歡迎外國人嘅居酒屋推介
尊貴東京酒店
4. 東京銀座凱悅尚萃酒店(Hyatt Centric Ginza Tokyo)
百貨公司餐廳雲集
東京銀座凱悅尚萃酒店 係2018年1月新開嘅酒店，開業只有一年，所以設施都非常新淨。酒店距離成田國際機場大約1小時車程，最近嘅銀座站，由酒店行過去都只係4分鐘步程，交通都算方便！
由酒店過去新宿都只係20分鐘車程，想去購物都好方便！酒店附近亦有百貨公司、餐廳等，可以喺酒店放低「戰利品」再去嘆美食，啱晒想買到盡、食到盡嘅人！
酒店附近其實仲有個好好行嘅商店街，記得要過去睇下呀！
【東京懶人包系列】[第2彈] 2018 五日玩盡東京山手線
住客評價
地址：東京都中央区銀座6-6-7
價格：雙人房HK$3,057起
訂房網址：https://l.flynow.hk/88270
5. 特倫克酒店(TRUNK HOTEL)
酒店設計型格 位於澀谷方便觀光
TRUNK HOTEL 位於澀谷區，係2017年5月開業嘅新酒店，距離成田國際機場大約1個半鐘車程，小編覺得距離機場有D遠，不過距離酒店10分鐘步程有地鐵澀谷站及巴士站，來往東京其他景點都算方便！而且酒店就喺澀谷區，去澀谷購物都近D！
酒店設計非常特別，連房間間隔都有別於一般酒店，部分房間仲設有露台，置身其中可能會有種住其他人屋企嘅感覺。酒店內嘅酒吧會定期舉行不同活動，比住客互相認識交流，住喺呢間酒店應該可能有比較特別嘅住宿體驗！
住客評價
地址：東京都渋谷区神宮前5-31
價格：雙人房HK$3,764起
訂房網址：https://l.flynow.hk/85b69
【東京其他景點推介】
【購物攻略】價錢超平仲可以退稅！東京必去超抵買零食店
【必睇必買必食】鄰近東京大阪北海道！5大日本天然溫泉及玩樂推介
