【聖誕新年限定】距離車站只係5分鐘!東京必睇5大聖誕燈飾!

0
352

聖誕節嘅節目除咗食聖誕大餐,當然唔少得睇聖誕燈飾啦!日本每年聖誕節都會有唔少燈飾活動,今次小編就推介5個東京超靚聖誕燈飾活動比大家,而且地點好近車站,夠晒方便!打算去東京過聖誕節及新年嘅你,記得bookmark定以下地點喇!

1. 丸之內【東京站】

成條街都金光閃閃,超靚!(圖片來源:[email protected]

距離東京站只需要7分鐘步程嘅丸之內,今年就準備咗超過200棵掛滿燈飾嘅樹木,樹木喺馬路嘅兩旁,排列整齊,一眼望過去,燈光聚埋一齊睇落超級靚!而且燈飾獨有嘅「香檳金色」感覺特別,絕對係影相呃like首選!

聖誕樹外面仲有聖誕鹿圖案,好可愛!(圖片來源:[email protected]

另外,丸之內大樓入面亦都有一棵用燈飾砌成嘅聖誕樹,如果來丸之內一定要過來睇埋,裝飾好有聖誕氣氛!

開放日期:2018年11月8日~2019年2月17日
點燈時間:17:00~24:00
地址:東京都千代田区丸の内2丁目1−1
官網:https://www.marunouchi.com/

 

2. 六本木新城【六本木站】

金黃色燈光同樹上嘅紅色花好襯!(圖片來源:官網)

六本木新城距離六本木站只係6分鐘步程,每年都會有唔同設計嘅聖誕樹,今年嘅聖誕樹喺燈飾襯托下顯得金光閃閃,而且喺六本木新城仲可以遠距離見到著燈嘅東京鐵塔,夜晚來睇燈飾就最啱!

六本木新城就喺東京鐵塔附近,影相一流!(圖片來源:官網)

六本木新城展望台門票預訂網址:https://l.flynow.hk/klook994b1

上年嘅聖誕節市集有好多人參加,相信今年嘅氣氛肯定同樣熱鬧!(圖片來源:官網)

睇完聖誕樹仲可以去埋喺六本木新城舉行嘅聖誕節市集,市集今年以德國作主題,有各種售賣德國食品嘅店舖,可以飲紅酒、食德國最出名嘅香腸等,未有時間去歐洲,都可以同日本人一齊感受歐式聖誕節氣氛!

聖誕節市集開放日期:2018年12月23日~2018年12月25日
聖誕節市集開放時間:11:00-21:00

開放日期:2018年11月16日~2018年12月25日
點燈時間:17:00~24:00
地址:東京都港区六本木6丁目11−1
官網:http://www.roppongihills.com/en/sp/christmas/2018/illumination/66plaza.php

 

3. 表參道【表參道站】

馬路兩邊都係金黃色燈光嘅樹木,就算唔開街燈都夠光!(圖片來源:jorudan.co.jp)

距離表參道站10分鐘步程嘅並木道有150棵裝有燈飾嘅樹木,樹木整齊排喺馬路兩旁,香檳金色嘅燈飾夜晚睇特別靚!

用好似冰柱咁嘅裝飾物慶祝聖誕節,真係好特別!(圖片來源:omotesandohills.com)

參觀完室外嘅燈飾,亦都可以睇埋位於表参道Hills嘅聖誕節燈飾!今年嘅裝飾好似一條發光嘅冰柱咁,「冰柱」由心型及鑽石型嘅裝飾組成,外型可愛,加埋天花板嘅燈飾,景色又靚又特別!喺商場入面行街掃貨之餘,記得影返張靚相留念喇!

開放日期:2018年11月29日~2018年12月25日
點燈時間:17:00~22:00
地址:東京都渋谷区神宮前

 

4. 青の洞窟【澀谷站】

藍色燈光嘅樹木加埋地面嘅倒映,影出來嘅景色真係超靚!(圖片來源:[email protected]

青の洞窟位於澀谷公園及代代木公園之間,全長800m,道路兩旁嘅樹木全部都會掛上藍色嘅燈飾,好有冬日氣息!因為景色特別,所以每年舉辦活動嘅時候都會受到網民熱烈討論!

餐廳外型同樣係由藍色燈光組成,加埋旁邊嘅樹木,遊客就好似入咗藍色世界咁!(圖片來源:官網)

青の洞窟入面亦有一間以藍色燈光為主題、叫做「BLUE PARKS」嘅餐廳,菜單有肉醬意粉、藍色香檳等,價錢由460円至980円(大約HK$32至HK$67),行到攰都可以去BLUE PARKS食嘢休息下。

開放日期:2018年11月30日~2018年12月31日
點燈時間:17:00~22:00
地址:東京都渋谷区神南1丁目5−11
官網:http://shibuya-aonodokutsu.jp/

 

5. 惠比壽花園廣場【惠比壽站】

企喺紅地毯上面影聖誕節相感覺應該幾特別!(圖片來源:[email protected]

惠比壽花園廣場距離惠比壽站只係5分鐘步程,好方便!惠比壽花園廣場除咗有掛滿燈飾嘅樹木,地下仲鋪有紅地毯,企喺呢度影相肯定有種瞬間變明星嘅感覺,夠晒特別!

聖誕樹又大又靚,係超級受歡迎嘅打卡熱點,來到一定要喺度影返張相!(圖片來源:官網)

喺惠比壽花園廣場嘅時鐘廣場仲有一棵超巨型聖誕樹,聖誕樹附近更加會舉辦聖誕節市集,氣氛熱鬧,想感受濃厚嘅聖誕節氣氛一定要過來喇!

開放日期:2018年11月3日~2019年2月28日
點燈時間:16:00~24:00
地址:東京都渋谷区恵比寿4丁目20
官網:https://gardenplace.jp/event/detail.php?id=276

 

【閱讀更多】
【購物攻略】價錢超平仲可以退稅!東京必去超抵買零食店
【任何仁注意!】東京鐵塔都有份?日本民選十大中伏景點