【東京自由行】櫻花+摘水果一日遊!4大超啱 東京親子遊 賞櫻景點

0
502

3月至4月又係賞櫻花嘅季節,上次介紹過大阪京都嘅賞櫻景點,當然要介紹埋東京嘅櫻花景點啦!咁靚嘅櫻花景當然想同小朋友一齊分享,不過帶住佢地去唔同地方賞櫻花並唔容易,淨係交通已經有排煩~Shirley今次特別為想去 東京親子遊 嘅人揀咗4個超正東京櫻花一日遊,唔止有櫻花睇,仲可以去果園任摘士多啤梨食!想知櫻花景色及果園有幾正就要睇下文喇!

4大 東京親子遊 賞櫻景點

1. 河津櫻川賞櫻+伊豆水果樂園

東京最早開櫻花嘅地方

河津櫻川嘅櫻花已經開咗,2月去東京嘅人都可以賞花喇!(圖片來源:klook)
河津櫻川嘅櫻花已經開咗,2月去東京嘅人都可以賞花喇!(圖片來源:klook)

河津櫻川距離東京市中心大約2小時40分鐘車程,位於東京近郊,係東京最早開櫻花嘅地方,其他地方嘅櫻花通常都要3月尾先開花,不過河津櫻川而家已經有得睇櫻花喇,啱晒最近打算去東京嘅人!

河津櫻川總長度大約4公里,總共有8,000棵櫻花樹,地方咁大就唔洗怕同其他人逼,可以慢影張櫻花靚相,帶住小朋友都比較方便!

伊豆水果樂園有30分鐘時間可以摘士多啤梨,不過我覺得如果係士多啤梨迷可能就會覺得摘水果嘅時間太短!(圖片來源:klook)
伊豆水果樂園有30分鐘時間可以摘士多啤梨,不過我覺得如果係士多啤梨迷可能就會覺得摘水果嘅時間太短!(圖片來源:klook)

不過河津櫻川比較遠,帶住小朋友轉車都唔太方便,所以我就揀咗呢個河津櫻川賞櫻+伊豆水果樂園一日遊比大家,除咗可以賞櫻花,仲可以去伊豆水果樂園任摘士多啤梨,咁啱呢個月仲係士多啤梨當造嘅季節,同小朋友一齊邊摘邊食水果就最開心喇!

櫻花祭時間:2019年2月10日~3月10日
開放時間:8:30~21:00
地址:静岡県賀茂郡河津町
預約網址:https://l.flynow.hk/klook-731ef

其實唔止冬季有得摘水果,其實夏天都有架!想知夏天日本有咩水果摘就要mark實呢篇文喇!
【任摘任食秋季水果】HK$46無限時任食! 大阪福岡東京超正果園推介

 

2. 東京兩大地方賞櫻+東京鐵塔

2月至4月中都可以賞櫻花 超長櫻花期

喺新宿御苑賞櫻花仲可以見到DoCoMo大廈!(圖片來源:官網)
喺新宿御苑賞櫻花仲可以見到DoCoMo大廈!(圖片來源:官網)

新宿御苑係好出名嘅東京賞櫻花景點,有多達65種櫻花,現場有超過1,000棵櫻花樹,雖然數量無河津櫻川咁多,不過因為新宿御苑嘅櫻花種類多,所以由2月至4月都可以欣賞到唔同種類嘅櫻花盛開,由2月開花嘅寒櫻,到4月中先開花嘅八重櫻都見到,咁就唔洗擔心plan唔切去東京賞櫻喇!

新宿御苑
開放時間:09:00-16:30(逢星期一休息)
地址:東京都新宿區內藤町11

昭和紀念公園可以一次過睇晒櫻花及油菜花,影相都特別靚!(圖片來源:日本頭條資訊)
昭和紀念公園可以一次過睇晒櫻花及油菜花,影相都特別靚!(圖片來源:日本頭條資訊)

除咗新宿御苑,昭和紀念公園亦係另一個好出名嘅東京賞櫻景點,可以見到大約35種、超過1,500棵櫻花樹,而且公園仲有油菜花,可以見到櫻花及油菜花一齊盛開嘅靚景!另外,呢個一日遊仲會去埋東京地標東京鐵塔參觀,全日都可以睇靚景,夠晒滿足!

昭和紀念公園
開放時間:9:30-17:00
地址:東京都立川市綠町3173
預約網址:https://l.flynow.hk/klook-7aeb5

除咗東京鐵塔之外,東京仲有好多景點都值得去架!
【東京懶人包系列】[第2彈] 2018 五日玩盡東京山手線

 

3. 富士河口湖櫻花+忍野忍者村

一次過欣賞富士山及櫻花

河口湖可以影到春季限定嘅富士山及櫻花靚景,影相打卡最啱!(圖片來源:klook)
河口湖可以影到春季限定嘅富士山及櫻花靚景,影相打卡最啱!(圖片來源:klook)

河口湖係非常出名欣賞富士山嘅地方,到咗春天仲可以一次過影低湖景、富士山及櫻花嘅「進化版」靚景,影相打卡必去!

忍野忍者村可以比一家大小一嘗做忍者嘅滋味, 東京親子遊 必去!(圖片來源:klook)
忍野忍者村可以比一家大小一嘗做忍者嘅滋味, 東京親子遊 必去!(圖片來源:klook)

呢個一日遊仲會去埋好啱小朋友玩嘅忍野忍者村!成條村都有好多比「忍者」挑戰嘅關卡,小朋友換上忍者衫之後就可以一嘗做忍者嘅滋味,大人小朋友都可以一齊參與,東京親子遊最啱!

富士河口湖
櫻花祭時間:2019年4月6日~14日
地址:山梨縣南都留郡富士河口湖町船津1700
預約網址:https://l.flynow.hk/klook-d3315

如果去東京親子遊,我建議去埋呢個超可愛嘅哈姆太郎cafe,東京嘅分店到2月24號就完喇,要去就快喇!
【大阪自由行】20周年紀念限定大阪景點!朝聖必去大阪哈姆太郎cafe

 

4. 常陸風土記之丘公園+士多啤梨果園

超密集櫻花樹 任摘任食士多啤梨


呢段影片可以見到常陸風土記之丘公園嘅櫻花樹靚景!

常陸風土記之丘公園係其中一個東京賞櫻嘅出名景點,公園內有超過500棵櫻花樹,而且樹嘅位置比較密集,撞啱開花時期仲可以影到由櫻花樹砌成嘅「櫻花通道」,最啱一家大小一齊影靚相!

除咗賞櫻花,呢個一日遊仲會去士多啤梨果園,有差唔多1個鐘時間可以比大人小朋友一齊摘士多啤梨,日本士多啤梨出晒名又甜又好食,鍾意士多啤梨嘅人一定唔可以錯過呀!

櫻花祭時間:2019年4月
開放時間:09:00-16:00(逢星期一休息)
地址:茨城県石岡市染谷1646
預約網址:https://l.flynow.hk/klook-9ed37

 

東京酒店

以上嘅櫻花一日遊集合地點都係東京市區,揀間交通方便嘅東京酒店就非常重要喇!以後5間都係新落成嘅東京酒店,交通方便之餘,酒店設施亦比較新淨,咁就可以住得更舒服!
【東京自由行】頂層嘆露天spa!5間新開張東京酒店推介

 

【東京其他景點推薦】
【東京自由行】$33望住晴空塔嘆溫泉!熊本熊陪你浸東京溫泉
【購物攻略】價錢超平仲可以退稅!東京必去超抵買零食店