鐘意動物嘅朋友去日本，除咗去動物園水族館，一定唔可以錯過動物cafe！日本人出名鐘意小動物，所以無論東京大阪京都定其他地方，都有各色各樣嘅動物cafe，有常見嘅貓狗Cafe，亦有好多另類動物Cafe例如刺猬、貓頭鷹、鸚鵡等等，無論鐘意咩動物都總有一間啱你！咁多間可以揀有啲無從入手？所以今次小編就專登搜集咗一系列日本必去超萌特色動物cafe，地點都係喺港人遊日熱點東京、大阪同京都，方便你plan行程！首先等我地睇下 東京動物cafe ~
想知大阪京都又有咩動物cafe好去？可以去睇【任摸任抱】超萌水獺陪你食午餐！6間必去京都大阪動物cafe
內容
貓奴必去：猫カフェ MOCHA
等我地由一啲大路少少嘅選擇入手啦！ 東京動物cafe 又點少得主子呢？依間貓cafe喺東京有成七間分店，大家成日去嘅新宿、澀谷、原宿、秋葉原同池都有分店，非常方便，店入面有差唔多20位貓店員，係非常出名嘅貓奴必訪cafe。Cafe裝修以木色為主，營造一種溫暖柔和嘅感覺，希望可以為咁多位大人提供一個療癒空間。而且店內空間非常之大，有絕對足夠嘅設施同空間俾主子同貓奴活動同休息，秋葉原分店仲特別有漫畫同switch提供，等大家可以真係有種翻到屋企休息嘅感覺。
注意：cafe只限中學生以上入場，如果想帶小朋友親子遊嘅爸爸媽媽可能要考慮下以下其他嘅cafe啦。
每日嘅10:30同19:30係餵飼時間，想親身睇一次片入面咁樣貓貓圍圈圈食飯嘅話，就記得要留意時間啦~
- 營業時間﹕10:00-20:00/10:00-22:00，因分店而異
- 收費：¥200/10分鐘，飲品另外收費¥350
- 地址：
(池袋西口店)東京都豊島区西池袋1-15-6-3F
(澀谷店)東京都渋谷区宇田川町32-12 アソルティ渋谷8F
(原宿店)東京都渋谷区神宮前1-14-25クロスアベニュー原宿4階
(原宿竹下通店)東京都渋谷区神宮前1-19-9プライム原宿2F
(池袋東口店)東京都豊島区東池袋1-22-5 サンケエビル4F
(秋葉原店)東京都千代田区外神田4-4-3秋葉原SILビル2F
(新宿店)東京都新宿区新宿3-31-5新宿ペガサス館6F
(立川店)東京都立川市曙町2-11-2 フロム中武 6階 - 網站：http://catmocha.jp/
貓頭鷹出沒注意：Cafe HOOTHOOT
講到日本動物cafe，好多人都會諗起曾經掀起一陣風潮嘅貓頭鷹cafe。依間cafe養左六個品種一共七隻貓頭鷹，最受歡迎嘅一定係好似Harry Potter嘿美嘅雪鴞。
依到可以預約亦可以walk-in，不過就會預約嘅客人優先，所以建議最好都係預約咗先呀！ 價錢方面同大部份動物cafe都係差唔多會包括一杯嘢飲，可以一邊飲嘢， 一邊同貓頭鷹近距離接觸。如果撞啱時間仲可以試下餵佢地咖。Cafe仲搜羅左好多得意嘅貓頭鷹精品，啱哂各位貓頭鷹fans！
- 營業時間﹕平日15:00-22:00，週末及假日12:00-22:00
- 收費：
¥1,500(30分鐘＋1杯飲料)
¥2,500(1小時＋1杯飲料)
超過1小時後每個10分鐘收費¥500
小學生以下半價 - 地址：東京都澀谷區神泉町10-16 GOLD CREST澀谷（ゴールドクレスト渋谷）１階
- Klook預約：http://l.flynow.hk/klook4120a (1小時＋一杯飲料=$176)
刺蝟+兔仔+耳廓狐：HARRY (ハリー)
同小編一樣鐘意刺蝟嘅話一定唔可以錯過依間！雖然日本有好多動物cafe，但用刺蝟做主角嘅始終比較少見，而且依間仲可以將刺蝟抱喺手(但記得抱之前要消毒！)，可以見到刺蝟窩喺自己手心入面捲成一團咁，可愛度爆登！除咗刺蝟之外店內仲有其他可愛嘅小動物咖，例如喺原宿表參道嘅分店就仲有兔仔同毛絲鼠，六本木分店仲有耳廓狐添呀！但留意翻cafe係冇賣嘢食，但大家可以自己帶嘢食嘢飲入去，只要唔好係酒精飲品就得啦。
- 營業時間﹕11:00-19:00
- 收費： ¥1400-¥1500不等(30分鐘)
- 地址：
(原宿表參道店)東京都渋谷区神宮前4-26-5 神宮前426ビル 3F
(原宿店)東京都渋谷区神宮前 1-13-21 シャンゼール原宿2号館4F
(六本木店)東京都港区六本木 6-7-2 IWAHORIビル2F&3/F
(橫濱店)神奈川県横浜市中区山下町１０３-３ M’sPort 2F - 網站：http://www.harinezumi-cafe.com/en/hedgehog/
鸚鵡Cafe：Kotori Cafe (ことりカフェ)
色彩繽紛嘅小清新café，主角係同樣色彩繽紛嘅鸚鵡。店家為咗店內衛生同雀仔安全着想，所以係唔會俾鸚鵡喺店入面亂飛，而係放佢地喺特製嘅透明大鳥籠入面，等大家可以一邊舒舒服服食嘢，一邊欣賞可愛嘅鸚鵡，好適合又怕動物又想望嘅朋友去呀。如果真係好想同雀仔玩近距離接觸下佢地嘅話，cafe亦有「摸摸區」可以親密接觸佢地，每節5分鐘每次最多可以容納3個人，價錢方面每間分店都各有不同，有興趣可以上翻佢地官網睇一睇，通常都係¥500左右。
另外Cafe所有食物都係雀仔造形，特別係佢嘅鸚鵡咖哩，係會將啲飯整成一隻隻鸚鵡嘅樣，得意到唔捨得食呀~
- 營業時間﹕11:00-19:00，吉祥寺店10:30-18:00
- 平均預算： ¥1500，無入場費
- 地址：
(上野本店)東京都台東区上野桜木1-8-6
(吉祥寺店)東京都三鷹市下連雀1-14-7 ビューノ三鷹の森 1F
(巢鴨店)東京都豊島区巣鴨3-18-13 メゾンドカメリア1階
(心齌橋店)大阪府大阪市中央区南船場4-14-1 南船場BRICK3F - 網站：http://kotoricafe.jp/
Cafe最近仲擴展到大阪！想知多啲可以睇： 【任摸任抱】超萌水獺陪你食午餐！6間必去京都大阪動物cafe
企鵝餐廳：Penguin Bar (ペンギンのいるBAR)
平時去水族館、海洋公園就睇企鵝睇得多，但原來係東京嘅餐廳都可以見到！依間餐廳有一個特製嘅泳池飼養企鵝，喺到食飯可以一路食一路望住企鵝搖下搖下咁行，真係好得意好relaxing呀！餐廳仲養左對企鵝夫婦同一對小企鵝，聽講係祝福夫婦情侶可以長長久久，新婚旅行黎依到就啱哂啦。每晚7點同9點半就係企鵝餵飼時間，可以見到啲企鵝圍住你拎嘢食，想試下嘅記得唔好錯過呀。
- 營業時間﹕18:00-翌日01:00
- 平均預算：¥4000-¥4999
- 地址：東京都豊島区池袋2-38-2 COSMY1ビル 1F
- 網站：https://www.penginbar.jp/
【閱讀更多】
東京除咗去動物cafe仲有咩好做？睇下：
睇完都唔係好知點plan大阪行程？咁就要睇：
【東京懶人包系列】[第1彈]美食地圖 | [第2彈]山手線 | [第3彈]近郊指南
、鸚鵡Cafe Kotori Cafe (ことりカフェ)、企鵝餐廳Penguin Bar (ペンギンのいるBAR)，無論鐘意咩動物都總有一間啱你！){kind=link}