【東京自由行】浸朱古力溫泉仲有美容功效?箱根必去創意 東京溫泉

0
442

有無人同Shirley一樣好鍾意浸溫泉?浸得多甚至覺得平日嘅露天溫泉太普通?咁呢個東京近郊嘅溫泉樂園就啱晒你!除咗有情人節限定嘅朱古力溫泉,仲有紅酒溫泉等多個創意溫泉,好有新鮮感!而且溫泉樂園附近仲有好多好正嘅溫泉酒店,房間入面有埋私人溫泉,肯定滿足到同我一樣咁鍾意溫泉嘅你!我仲會話埋比你知點樣用最抵玩嘅方法去箱根浸溫泉,想知道 東京溫泉 可以幾有創意就唔好錯過喇!

1. 創新 東京溫泉 箱根小涌園

箱根小涌園 位於東京近郊嘅箱根,距離東京市中心大約2個鐘車程,雖然距離市中心有D遠,不過箱根係出晒名多溫泉嘅地方,所以每年冬天都有好多遊客專程過去浸溫泉!

呢兩個溫泉池都係箱根小涌園嘅森之湯範圍,環境睇落婕舒服!(圖片來源:官網)
呢兩個溫泉池都係箱根小涌園嘅森之湯範圍,環境睇落婕舒服!(圖片來源:官網)

箱根小涌園係比較大型嘅溫泉主題樂園,有分為傳統和式溫泉區「森之湯」以及可以著泳衣嘅Yunessun區,兩個區域都有室內及室外溫泉區,而今次我想介紹嘅創意溫泉就位於Yunessun區!

如果鍾意浸傳統和式溫泉嘅話,東京市區都可以浸架!
【東京自由行】$33望住晴空塔嘆溫泉!熊本熊陪你浸東京溫泉

情人節限定 朱古力溫泉

好鍾意朱古力嘅我都好想試下浸朱古力溫泉,唔知朱古力味有幾濃呢?(圖片來源:官網)
好鍾意朱古力嘅我都好想試下浸朱古力溫泉,唔知朱古力味有幾濃呢?(圖片來源:官網)

以為2月情人節已經過咗應該無晒情人節活動?其實喺日本3月14號白色情人節同樣多人慶祝!所以箱根小涌園特別整咗個為期一個月嘅朱古力溫泉!職員會每日倒2次各1公升嘅朱古力醬,令到溫泉池全日都可以保持朱古力嘅甜香味,朱古力嘅溫泉水仲可以擦喺臉上,令成個人都充滿朱古力味!

職員每日都會加1公升朱古力醬入溫泉池,情侶一齊浸朱古力溫泉會唔會特別sweet?(圖片來源:官網)
職員每日都會加1公升朱古力醬入溫泉池,情侶一齊浸朱古力溫泉會唔會特別sweet?(圖片來源:官網)

以為朱古力溫泉純粹係噱頭,無咩用?其實朱古力嘅成分「多酚」對身體健康非常好,今次園區使用嘅朱古力溫泉入浴劑可以促進血液循環,而且仲有保濕效果,簡直係女士嘅至愛!

朱古力溫泉舉辦日期:2019年2月2日 〜 2019年3月17日

箱根小涌園 其他創意溫泉

紅酒溫泉好有美肌效果,注重美容嘅女士一定要試下!(圖片來源:官網)
紅酒溫泉好有美肌效果,注重美容嘅女士一定要試下!(圖片來源:官網)

唔鍾意朱古力味?唔緊要!園區仲有其他「飲品」可以選擇,最受歡迎肯定係聲稱可以「回復年輕」嘅紅酒溫泉!呢個溫泉除咗可以見到鮮艷嘅紅酒顏色之外,成個溫泉池都散發葡萄嘅香味,聽講以前埃及及法國皇后都好鍾意用紅酒浸溫泉,有非常好嘅美肌效果,女士必試!

呢個係可以消除疲勞嘅咖啡溫泉,將飲品用來當成溫泉,應該係最有創意嘅 東京溫泉 !(圖片來源:官網)
呢個係可以消除疲勞嘅咖啡溫泉,將飲品用來當成溫泉,應該係最有創意嘅 東京溫泉 !(圖片來源:官網)

另外園區仲有可以消除疲勞嘅咖啡溫泉、綠茶溫泉、日本酒溫泉等,你可以根據個人口味揀要浸嘅溫泉!而且Yunessun區嘅溫泉溫度唔算太高,小朋友都可以浸,啱晒去東京親子遊嘅人!

箱根小涌園
營業時間:森之湯:11:00~20:00/Yunessun:9:00~19:00
入場費:大人 1,900円起(大約HK$135)、小童 1,200円起(大約HK$85)
地址:神奈川県足柄下郡 箱根町二ノ平1297
門票預訂網址:https://l.flynow.hk/klook-1cb52

打算去東京親子遊嘅人,有無打算同小朋友一齊睇櫻花?以下呢幾個櫻花一日遊行程好啱一家大小一齊去架!
【東京自由行】櫻花+摘水果一日遊!4大超啱東京親子遊賞櫻景點

 

2. 超正溫泉酒店 箱根小涌園天悠旅館
(Hakone Kowakien TEN-YU)

Hakone Kowakien TEN-YU嘅露天溫泉可以見到超靚山景,浸溫泉嘅時候心情都好D!(圖片來源:agoda)
Hakone Kowakien TEN-YU嘅露天溫泉可以見到超靚山景,浸溫泉嘅時候心情都好D!(圖片來源:agoda)

箱根小涌園有咁多種類嘅溫泉,當然要玩全日慢慢浸啦!因為車程比較長,所以我建議想去箱根浸溫泉嘅人可以喺呢度留宿一晚先返東京。如果玩完箱根小涌園想返酒店休息嘅人,就可以去呢間箱根小涌園天悠旅館,距離箱根小涌園只係3分鐘步程,可以喺酒店放低行李先去箱根小涌園浸溫泉,夠晒方便!

箱根小涌園天悠旅館嘅每間客房都備有露天溫泉,而且房間空間都幾大,感覺舒服!(圖片來源:agoda)
箱根小涌園天悠旅館嘅每間客房都備有露天溫泉,而且房間空間都幾大,感覺舒服!(圖片來源:agoda)

箱根小涌園天悠旅館 嘅5樓及6樓都有公眾溫泉,可以見到超靚山景,如果想一個人浸溫泉,其實都可以浸房間內嘅私人溫泉,每間客房都有,幾時浸溫泉都得,好方便!酒店有提供晚餐,可以食到懷石料理及超出名嘅松阪牛肉,住呢間酒店必試!

箱根小涌園天悠旅館嘅膳食好豐富!(圖片來源:agoda)
箱根小涌園天悠旅館嘅膳食好豐富!(圖片來源:agoda)

另外預訂酒店仲會為女性住客免費提供浴衣,著住浴衣影靚相就最啱喇!

地址:神奈川縣足柄下郡箱根町二平1297
價格:雙人房HK$3,239起
訂房網址:https://l.flynow.hk/kowakien-ten-9c85b

訂完箱根嘅溫泉酒店,記得訂埋東京市區嘅酒店先出發呀!
【東京自由行】頂層嘆露天spa!5間新開張東京酒店推介

3. 箱根小涌園 東京交通

箱根周遊卷

箱根周遊卷嘅路線可以去多個出名嘅觀光景點,去箱根就更加抵玩!(圖片來源:klook)
箱根周遊卷嘅路線可以去多個出名嘅觀光景點,去箱根就更加抵玩!(圖片來源:klook)

如果打算喺箱根住一晚,玩兩日一夜嘅話,咁買 箱根周遊卷 就比較抵玩,周遊卷有分2日及3日卷,如果買2日卷就可以2日內任搭箱根8種交通工具,去箱根各個景點都方便D,箱根周遊卷已經包含小田急線往返車票,而且去箱根小涌園仲會有門票優惠,咁就可以用更抵嘅價錢玩箱根喇!

箱根周遊券(2日/3日券)
訂購網址:https://l.flynow.hk/klook-57e8b

想知道箱根有咩其他景點值得去?可以參考下呢個東京近郊懶人包,行程已經為你準備好,隨時都可以出發!
【東京懶人包系列】[第3彈] 2018 東京近郊指南 | 繁華大都會以外嘅選擇 + 交通教學

箱根小涌園 詳細交通方式

想知道由新宿出發可以點去到箱根小涌園就要睇下面張圖喇!

 

【東京其他景點推薦】
【購物攻略】價錢超平仲可以退稅!東京必去超抵買零食店
【必睇必買必食】鄰近東京大阪北海道!5大日本天然溫泉及玩樂推介