【杜拜水底酒店】一世人總要試一次 與6萬條魚一齊訓

0
304

但住酒店海景房就聽得多啦,有冇諗過聽過海底房?

 

杜拜棕櫚島亞特蘭蒂斯酒店(Atlantis The Palm Dubai)

講緊嘅就係係杜拜人工棕櫚島嘅Atlantis。依間酒店嘅名黎自傳說中嘅水底文明亞特蘭提斯,最特別嘅地方就係佢有海底豪華套房,套房分別以兩位神話中嘅海神命名,充滿海洋氣息,住係入面每朝睜開眼就見到震撼嘅水底景色。套房嘅浴室入面都設有落地玻璃窗,一邊浸浴一邊望住6萬條魚係湛藍嘅海底遊黎遊去,真正放鬆自己!唯一缺點就係海底豪華套房實在太搶手啦,唔早番大半年都未必book得到,不過就算book切仲有其他類型套房可以揀,一樣可以悠閒渡假。

水世界冒險樂園

酒店以海洋為主題,設有水世界冒險樂園,大把刺激設施俾你玩,樂園嘅兒童遊樂區亦有專為小朋友而設嘅設施,非常適合一家大細去玩。

The Lost Chamber水族館

酒店嘅水族館將海洋生物揉合亞特蘭提斯傳說,非常多嘢睇之餘仲有少活動同體驗,例如可以係水族館入面做瑜伽,仲可以同館入面嘅鯊魚一齊潛水添!

私人沙灘

酒店附設700米私人原始沙灘,住客可以一邊同陽光玩遊戲,一邊眺望棕櫚島同杜拜嘅天際線。沙灘附近仲有兩個大泳池,鍾意點玩都得!

 

呢條係官方宣傳片,可以一眼睇完佢點起。成間酒店真係超宏偉超壯觀同超靚。入面仲有劉德華咖 !

酒店資料:

杜拜棕櫚島亞特蘭蒂斯酒店 (Atlantis The Palm Dubai)
Agoda 傳送門:http://l.flynow.hk/atlanff375

【更多酒店】
【迷你兵粉絲必到】日本環球影城迷你兵主題房