【北海道自由行】$400晚嘆露天溫泉!5間網民心水 札幌酒店 推介

0
991

通常可以免費浸溫泉嘅日本酒店,每晚房價麵接近$1000,不過喺札幌就搵到只要一半價錢就可以嘆溫泉嘅酒店,到底邊間酒店咁抵住?小編搵咗2018年備受網民推薦嘅5間 札幌酒店 ,部分酒店仲要上年先開業,設施好新淨!而且酒店好近車站,就算落大雪都唔怕攞唔到行李返酒店,2019年計劃去北海道嘅人記得睇定喇!

5間超正 札幌酒店

1. 札幌格蘭大酒店(Sapporo Grand Hotel)

價格實惠5星級酒店 接近札幌大通站

Sapporo Grand Hotel嘅房喺 札幌酒店 來講都算大間!(圖片來源:agoda)
Sapporo Grand Hotel嘅房喺 札幌酒店 來講都算大間!(圖片來源:agoda)

札幌格蘭大酒店喺1934年開業,已經經營咗好多年,不過喺2013年嘅時候做過大型裝修,所以都唔洗擔心酒店設施太殘舊。酒店距離新千歲機場45分鐘車程,而且接近JR札幌站,經地下通道行10分鐘就到酒店,就算落雨、大雪都唔洗驚攞唔到大型行李返酒店!

酒店除咗近札幌站,亦接近大通站,想去狸小路行街shopping都好方便!酒店附近亦有多間餐廳,想嘆美食都有好多選擇!

酒店咁近地下鐵站,想去其他景點就更方便!月寒公園係位於札幌嘅親子公園,有超多遊樂設施比小朋友放電,來北海道親子遊一定要去!
【親子遊攻略】免費玩足全日!5大放電必去北海道親子公園推介

住客評價

地址:北海道札幌市中央區北一西四丁目
價格:雙人房HK$680起
訂房網址:https://l.flynow.hk/0ae0e

 

2. 札幌JR Tower日航酒店(JR Tower Hotel Nikko Sapporo)

位於JR札幌站上蓋 附近多大型商場

JR Tower Hotel Nikko Sapporo嘅房間景觀好開揚!(圖片來源:agoda)
JR Tower Hotel Nikko Sapporo嘅房間景觀好開揚!(圖片來源:agoda)

札幌JR Tower日航酒店喺2018年啱啱完成大型裝修,所以設施仍然新淨。酒店距離新千歲機場只係39分鐘車程,而且位置就喺JR札幌站上面,一出站就見到,非常容易搵,而且去其他景點都比較方便!

JR Tower Hotel Nikko Sapporo雖然都有溫泉,不過需要另外收費。(圖片來源:agoda)
JR Tower Hotel Nikko Sapporo雖然都有溫泉,不過需要另外收費。(圖片來源:agoda)

酒店附近已經有幾個大型商場,購物超級方便,如果想唔想行商場,經過地下街都可以去到超高人氣嘅狸小路,就算落大雪都可以照shopping,簡直係購物狂嘅天堂!如果行到攰都可以浸酒店嘅溫泉放鬆身心,不過溫泉需要另外收費架!

如果想去購物,一定要認住以下呢幾個購物點,部分購物點超近酒店,購物狂必去!
【購物攻略】5大北海道必去購物景點!(內附優惠券)


呢個影片介紹晒所有JR Tower Hotel Nikko Sapporo嘅設施,可以望下酒店嘅環境先!

住客評價

地址:北海道札幌市中央區北五條西2丁目-5
價格:雙人房HK$1,199起
訂房網址:https://l.flynow.hk/ae9c2

 

3. 世紀皇家酒店(Century Royal Hotel Sapporo)

全日本最佳早餐第三名 樓下直達地下商店街

Century Royal Hotel Sapporo嘅房間都算大,開晒行李箱應該無問題!(圖片來源:agoda)
Century Royal Hotel Sapporo嘅房間都算大,開晒行李箱應該無問題!(圖片來源:agoda)

世紀皇家酒店雖然已經開業多年,不過2013年重新裝修過,所以設施唔會太殘舊,酒店距離新千歲機場41分鐘車程,而且酒店接近JR札幌站,由車站行去酒店都只要4分鐘,交通方便!

Century Royal Hotel Sapporo嘅自助餐款式都幾多,來到一定要試下!(圖片來源:agoda)
Century Royal Hotel Sapporo嘅自助餐款式都幾多,來到一定要試下!(圖片來源:agoda)

講到世紀皇家酒店就一定要提佢地嘅早餐,2018年榮獲日本全國最佳酒店早餐第三名,而且已經連續多年獲得呢個獎,食物質素肯定有保證!早餐有2種,包括西式自助餐及日式早餐,唔少網民都紛紛表示酒店早餐味道非常好食,住呢間酒店必試!

酒店樓下就喺商店街,而且附近有多間大型商場,想購物都好方便!

如果行商店街,記得去埋距離酒店只係6分鐘路程嘅奧芝商店,佢地嘅湯咖哩好受歡迎,必試!
【美食攻略】連日本人都大推!5間超正北海道湯咖哩餐廳推介

住客評價

地址:北海道札幌市中央區北5條西5丁目
價格:雙人房HK$729起
訂房網址:https://l.flynow.hk/f4198

 

4. 東急Stay札幌大通東(Tokyu Stay Sapporo)

房內可免費洗衣 購物點集中地

Tokyu Stay Sapporo超啱想瘋狂shopping嘅人住!(圖片來源:agoda)
Tokyu Stay Sapporo超啱想瘋狂shopping嘅人住!(圖片來源:agoda)

東急Stay札幌大通東喺2018年4月先開業嘅新酒店,所以設施都非常新淨!酒店距離新千歲機場大約1小時車程,酒店非常接近大通站,由車站行去酒店都只要1分鐘步程,超近超方便!

酒店附近超多購物點!行2分鐘就已經到二条市場及狸小路,附近仲有超多百貨公司,一向好受港人歡迎嘅百円店DAISO、藥妝店等都只係隔一條街,淨係行購物點都有排行,仲可以將戰利品放酒店之後再落街買過,購物好方便!

如果係自駕遊,酒店亦設有停車場,不過租車之前記得先格價,咁先可以用最抵價車租最好嘅車!
【自駕遊攻略】北海道5間租車公司大比拼!究竟邊間最抵玩?

住客評價

地址:北海道札幌市中央区南一条西1-13-4
價格:雙人房HK$668起
訂房網址:https://l.flynow.hk/0686d

 

5. 札幌Karaksa酒店(karaksa hotel Sapporo)

超抵住狸小路酒店 提供免費溫泉

karaksa hotel Sapporo嘅房間用色特別,感覺舒服!(圖片來源:agoda)
karaksa hotel Sapporo嘅房間用色特別,感覺舒服!(圖片來源:agoda)

札幌Karaksa酒店同樣係2018年落成嘅新酒店,距離新千歲機場52分鐘車程,位置喺正狸小路商店街,無論購物或嘆美食都超方便,如果想去其他景點,距離酒店2分鐘步程就有狸小路站,啱晒想去北海道唔同景點嘅人!


呢段影片介紹咗karaksa hotel Sapporo嘅設施,仲可以預先睇定個溫泉有幾正!

酒店仲有免費溫泉,行到攰可以返酒店浸溫泉好好休息,而且每晚平均都只係$400,好抵住!無論購物、美食、交通、設施都好切合遊客需要,值得推薦!

住客評價

地址:北海道札幌市中央區南三條西5-24
價格:雙人房HK$437起
訂房網址:https://l.flynow.hk/2fe16

 

【北海道其他景點推介】
【親子遊必去】小朋友都可以揸電單車?超受歡迎 北海道星野TOMAMU度假村
【必睇必買必食】鄰近東京大阪北海道!5大日本天然溫泉及玩樂推介