好多人都認為日本邊到都好玩、咩景點都靚、咩野都好食。
實際上，中伏嘅景點都有嘅，小編就根據當地日本人嘅睇法，嚴選咗十大中伏景點俾你地過一過目，睇下你地又同唔同意啦！
內容
第十位 東京鐵塔(東京)
著名嘅東京鐵塔你一定聽過啦！好多人都認為係東京必去景點，150公尺高嘅大展望台可以遠眺富士山、筑波山等，仲可以360度睇到東京大街小巷嘅景色，係東京知名地標！
不過，好多日本人就唔係咁睇啦，究竟點解呢？
中伏原因：
- 票價貴：要登頂差唔多要港幣$190蚊，好多人覺得攞去食野好過
- 人流太多：只得3部lift去到大展望台(150米)，去特別展望台(250米)更加只有1部lift，所以計排隊嘅時間都有排你計
- 受其他建築影響：位於市中心嘅鐵塔，附近有唔少高樓大廈，係地面好難先搵到位影到鐵塔全相
- 鐵塔老舊：有60年歷史嘅難免會有甩漆損毀嘅情況，所以都唔怪得當地人覺得佢伏伏地
其他網民評論：
基本資料：
地址：東京都港區芝公園4-2-8
開放時間：全年無休 （營業時間依店家或設施而異）
- 大展望台：09:00 – 23:00（最後入場時間為22:30）
- 特別展望台：09:00 – 23:00（最後入場時間為22:15）
門票資訊：
| 大展望台 | 特別展望台 | |
| 成人 | 900日圓 （約HKD$62） | 2800日圓（約HKD$192） |
| 兒童 （13 – 18歲） | 500日圓（約HKD$35） | 1800日圓（約HKD$125） |
| 幼童（4 – 12歲） | 400日圓（約HKD$28） | 1200日圓（約HKD$83） |
交通指南：
- 由羽田機場前往:
- 從東京單軌電車「濱松町」站，北口落車步行15分鐘
- 搭乘電車前往:
- 都營大江戶線，於「赤羽橋」站落車，從赤羽橋口步行5分鐘
- 都營三田線，於「御成門」站落車，從A1號出口步行6分鐘
- 東京Metro地鐵日比谷線，於「神谷町」站落車，從2號出口步行7分鐘
- 搭乘巴士前往:
- 搭乘都營巴士，從「東京鐵塔」落車，步行1分鐘
- 從東急巴士「東京鐵塔」站落車，步行3分
第九名 金閣寺(京都)
金閣寺係一間禪宗寺廟，又稱為鹿苑寺。金閣殿本來係作為舍利殿之用，係收藏神聖嘅佛陀遺骨。庭園以鏡池湖為中心，園內可走動嘅範圍唔大，而佢嘅外牆由金箔鋪成，所以陽光下成座建築會閃閃發光。
中伏原因：
- 人流太多：係觀光客熱點嘅金閣寺，人流非常多，想影張靚相實在困難
人山人海嘅園區，想影張相都難 (圖片來源：欣傳媒) - 園區細：整個園區大約只有半個鐘嘅路程，話咁快就行遠
其他網民評論：
基本資料：
地址：京都府京都市北區金閣寺町1
開放時間：9:00 – 17:00，全年無休
門票資訊：
- 成人：400日圓（約HKD$28）
- 中小學生：300日圓（約HKD$20）
交通指南：
- 從JR京都站
JR「京都站」轉搭往京都市巴士101、102、204、205約30分鐘於「金閣寺道」落車，徒歩約3分鍾即可抵達 - 京都市巴士
12、59、特59路，金閣寺前站落車
第八位 小樽運河(北海道)
有「北方的華爾街」嘅小樽運河，從明治時期到大正時期一直都係北海道重要嘅商港，曾經係北海道經濟發展中心同埋繁華嘅商城，運河附近有好多舊銀行同舊倉庫，宜家就變左做觀光景點。
中伏原因：
- 河水污糟：各網民都話小樽運河嘅河水有啲污糟，影響景觀
- 過份商業化：運河附近嘅商舖同餐廳由舊倉庫改造成，但被評為過於商業化，浪漫情懷減半
- 運河太短：因為已經唔需要用運河嘅關係，有一半運河已經被填平作為馬路之用，所以條運河短左好多
其他網民評論：
基本資料：
地址：北海道小樽市港町4
開放時間：全年無休
門票資訊：自由參觀
交通指南：
- 從JR站
- 從JR小樽火車站：出小樽車站後，一直向前直行大約10分鐘，到左中央橋，過橋後右手邊就可以見到售票中心
- 從JR札幌火車站：無論係火車定巴士每隔幾分鐘15分鐘都有去小樽車站嘅班次，非常方便
- 從新千歲機場
- JR「快速エアポート(Airport)」有一部分嘅車班可以直接到小樽，需要時間最少約75分鐘
第七位 平城宮跡(奈良)
平城宮遺跡係1952年獲指定為特別史蹟，1998年作為「古都奈良的文化財產」之一獲登錄為聯合國教科文組織嘅世界遺產，亦係日本第一個考古世界遺跡。入面著名景點有朱雀門、第一次大極殿同第二次大極殿等。
中伏原因：
- 園區太大：園區東西寬1.3公里，南北寬1公里，睇兩三個景點都要用兩三個鐘，行到天荒地老都未行遠，有網民指如果要睇哂啲景點，四個鐘都未必得！
- 未完全重建好：宜家暫時只係重建好朱雀門同埋大極殿，園區其他地方俾人感覺空蕩
其他網民評論：
基本資料：
地址：奈良縣奈良市佐紀町
開放時間：星期一休息
星期二至日：09:00 – 16:00
門票資訊：平成宮內免費參觀
- 平成京歷史館收費
- 成人500日圓（約HKD$35）
- 高中生、大學生250日圓（約HKD$17）
- 中小學生200日圓（約HKD$14）
交通指南：
- 從ＪＲ奈良站
出閘後往西口方向行，走出JR站後到西口5番轉搭12或14號路線巴士，係平城宮跡站落車 - 從京阪電鐵「伏見站」
係「伏見站」坐到丹波橋落車，轉坐近鐵大和西大寺站南口落車，徒步經玉手門入園區
第六位 鳥取砂丘(鳥取)
位於山陰海岸地質公園嘅鳥取砂丘地帶，南北橫跨2.4公里，東西縱橫16公里為日本規模最大嘅海岸砂丘，由「馬之背」小高丘上面，可以見日本海嘅景色，仲可以坐小纜車同駱駝遊覽砂丘
中伏原因：
- 陡坡太斜：最大嘅沙丘聽說落差約有90公尺，加上果到無阻礙物，啲強風一野吹埋黎變到好難行
- 夏天太熱：如果你咁岩揀正夏天去，我真係恭喜你呀，由於無野遮擋，個太陽一野照落黎都咪話唔熱，記住唔好咁傻夏天走去曝曬啦
日本網民評論：
基本資料：
地址：鳥取市福部町湯山 2164-661
開放時間：09:00 – 21:00
門票資訊：平成宮內免費參觀
- 平成京歷史館收費：
- 吊車來回車票 – 300日圓（約HKD$20）
- 沙之美術館
- 成人300日圓（約HKD$20）
- 中小學生200日圓（約HKD$14）
交通指南：
- 從JR東京（約5個鐘）
搭乘新幹線NOZOMI到新大阪站，轉特急SUPER HAKUTO（超級白兔）到鳥取站，然後轉搭巴士約20分抵達 - 從JR大阪（約2個半鐘）
搭特急SUPER HAKUTO（超級白兔）到鳥取站，然後轉搭巴士約20分抵達 - 從JR博多（約4個鐘）
搭新幹線到岡山站，轉搭特急SUPER INABA（超級因幡）到鳥取站，然後轉搭巴士約20分抵達
第五位 天橋立(京都)
被稱為日本三景之一嘅狹長沙洲「天橋立」，位於京都府嘅北部，全長約3.5公里、寬40至100米。因為潮汐堆積起來嘅沙所形成嘅沙堤上生長著約8000棵松樹，造成左白沙綠松相映嘅效果
中伏原因：
- 理想與現實嘅反差：係網上會見到好多天橋立嘅靚相，但好多人一去到就知咩事，眼睇其實無相睇咁靚，再加上天氣又未必好，所以更加影響觀感
但遇著天氣唔好嘅話，我真係恭喜你呀！(圖片來源：cn.odigo.jp) - 沙洲太長：全長大約3.5公里嘅天橋立，對於日本網民黎講實在太長，行到腳仔軟都未行完（其賓網民們係咪唔鐘意行路？）
其他網民評論：
基本資料：
地址：京都府宮津市字文珠314-2
門票資訊：免費
開放時間：全年無休
- 京都丹後鐵道：05:40 – 22:50
- 旅客諮詢處：09:00 – 18:00
第四位 京都塔(京都)
總高131公尺嘅京都塔位於日本京都市下京區，同京都車站烏丸中央口隔街相望。除左係車站地區嘅知名地標，同時都係一棟集結左瞭望台、旅館、餐廳、美食街、溫泉（大浴場）、名產紀念品販售、旅遊服務中心等嘅綜合商場。
中伏原因：
- 無特色：網上近乎所有京都塔嘅介紹都會講到佢好高好犀利咁，但係原來實物睇起上嚟一啲都唔高架，外型亦唔無咩特別。如果山長水遠，難得去日本玩番次嘅朋友仔就建議去下其他有特色嘅景點好過啦
- 好逼好難行：京都塔咁出名都難怪佢多人嘅，有網民就話佢已經避開咗多人嘅時間去，點知都係好多人好難行，咁如果去旅去到咁唔方便係會有啲唔開心嘅
其他網民評論：
基本資料：
地址：京都府京都市下京區烏丸七條下行道 600-8216 (下京區)
開放時間：全年無休
- 瞭望台
時間：09:00~21:00(入場時間至20:40) - 公共澡堂
時間：07:00~22:00(入場時間至21:30) - 京都塔樓Kyoto Tower Sando
時間：1F・2F 09:00～21:00、B1F 11:00～23:00※營業時間依商店不同
門票資訊：
- 瞭望台
門票：770日圓(使用線上優惠券者700日圓) - 公共澡堂
門票：750日圓(使用線上優惠券者700日圓) - 京都塔樓Kyoto Tower Sando
時間：1F・2F 9:00～21:00、B1F 11:00～23:00※營業時間依商店不同
交通指南：
- 搭乘JR或地鐵烏丸線至京都站，從中央口出來步行約2分鐘即到。
第三位 荷蘭坂(長崎)
荷蘭坂位於大浦天主堂嘅附近嘅一條斜坡，係明治時代時外國人聚居及領事館嘅區域，所以好多舊式西方建築都仲保留係果到。
中伏原因：
- 斜坡唔特別：荷蘭坂只係一條幾百米長嘅斜路，話咁快就行完
- 路邊商店普通：係條路嘅旁邊有啲舊建築改建成嘅商店，但每間都好細而且賣嘅野唔特別，有啲建築仲要唔俾入添
其他網民評論：
基本資料：
地址：長崎県長崎市東山手町３−７
開放時間：全年無休
門票資訊：免費
第二位 札幌市鐘樓(北海道)
於1878年建成嘅鐘樓，係北海道大學嘅前身，建築特點係採用左被稱為氣球結構嘅木建築式樣，係開拓時期流行於美國中部及西部嘅建築風格，紅色嘅屋頂同白色嘅牆壁係佢嘅特點。
中伏原因：
- 睇落好細：本身佢嘅設計係唔差嘅，但由於附近好多高樓大廈，令到棟野好似好細咁，啲氣勢無哂
其他網民評論：
基本資料：
地址： 札幌市中央區北1條西2丁目
開放時間：08:45 – 17:10（17:00停止入館）
定休日：1月1-3日
門票資訊：成人200日圓
第一位 高知縣的播磨屋橋(四國)
位於高知市中心嘅播磨屋橋，呢條紅色嘅太鼓橋最早係藩政時代高知嘅豪商播磨屋同櫃屋作為兩家來往便利，自己起嘅簡單木橋。木橋旁邊仲有個紀念像，紀念僧人「純信」同補鍋工匠女兒「阿馬」嘅愛情故事
中伏原因：
- 唔特別：呢條全長得廿米嘅木橋，雖然佢有佢嘅歷史價值，但講真睇落真係一啲都唔吸引
其他網民評論：
基本資料：
地址： 高知縣高知市播磨屋町
開放時間：免費參觀
交通指南：
- 從JR「高知站」
- 高知站落車，步行10分鐘到達
其實，睇左咁多個景點，覺唔覺得伏就真係見仁見智（小編戴返個頭盔先），要親身去過先感受到果陣伏味啦，出發前做足資料搜集啦！
【閱讀更多】
【必睇必買必食】鄰近東京大阪北海道！5大日本天然溫泉及玩樂推介
【小心中伏】要同小強一齊瞓？盤點大阪福岡超級中伏酒店
