【訂房最後機會】最啱一家大細過聖誕!4大北海道滑雪度假村推介

0
817

相信唔少人都計劃緊過一個白色聖誕,除咗睇雪景、砌雪人、掟雪球,仲想滑吓雪?出名粉雪嘅北海道一定係好多人嘅心頭之選!但而家嘅酒店房已經非常緊張,想快啲把握最後機會訂房,但又未諗掂去邊到先最啱小朋友?以下4個超級受歡迎嘅度假村就啱曬你!

1. 喜樂樂KIRORO滑雪度假村

距離小樽只係40分鐘車程嘅滑雪度假村,如果去小樽旅行,絕對可以加插一日滑雪行程!

喜樂樂KIRORO滑雪度假村外觀被白雪覆蓋超浪漫!(圖片來源:marriott.com)

雪上活動

雪上樂園:喺樂園入面可以玩各式各樣嘅雪橇、滑雪輪胎等等,入場費¥1500/日(大約HK$105),10歲以下小童必須由成人陪同,而4歲以下小童嘅監護人可以免費入場。

大人同小朋友一齊踩單車,盡情享受親子樂!(圖片來源:官網)

其他活動:度假村入面仲有得玩雪上泡泡球、香蕉船、橡皮艇、摩托車、越野車、單車、Segway等等,費用由¥1000起(大約HK$70)。

詳情: http://www.kiroro.co.jp/winter-activities/

玩雪上泡泡球,小朋友可以盡情橫衝直撞,又唔洗擔心佢地受傷(圖片來源:官網)

滑雪資訊

滑雪課程:滑雪學校提供以英語授課嘅滑雪課程,3至12歲兒童嘅2小時課程收費係¥7000(大約HK$490)、4小時課程¥9000(大約HK$630)。
詳情: http://www.kiroro.co.jp/ski_kids_lessons/

吊椅/纜車票價錢:5歲或以下小童免費!初學人士可以考慮購買「初學者一日票」,可以無限次乘坐2條適合初學者嘅吊椅,6至12歲小童¥2200(大約HK$154),成人¥4200(大約HK$294)。

詳情: http://www.kiroro.co.jp/lift_price/

此外,度假村將會推出早鳥優惠,請密切留意 http://www.kiroro.co.jp/buy-pass/

租用滑雪裝備價錢:http://www.kiroro.co.jp/rental_price/

其他遊玩設施

入住度假村期間,可以免費使用健身室同室內游泳池。而石板桑拿、溫泉、遊戲中心、手作班等,就要另外收費。

朝早滑完雪,夜晚當然要浸個溫泉,舒緩疲勞(圖片來源:官網)

酒店住宿

度假村入面有兩間酒店,分別係「Sheraton Hokkaido Kiroro Resort」、「Kiroro, a Tribute Portfolio Hotel」,前者就喺滑雪場隔離,住後者嘅話,就要搭免費穿梭巴去滑雪場,每10分鐘一班,車程2至3分鐘。

雙人房(包早餐)價錢:聖誕學校假期間,大約每晚HK$6317起;農曆新年學校假期間,大約每晚HK$3790起。

交通方便, 酒店樓下就係滑雪場, 方便滑雪(圖片來源:starwoodhotels.com)

Sheraton Hokkaido Kiroro Resort訂房網址:https://l.flynow.hk/spg9fd92
Kiroro, a Tribute Portfolio Hotel訂房網址:https://l.flynow.hk/offic9e3e7
注意晚上絕大部分住客都會留喺酒店,所以晚餐一定要預早訂位!

交通:由新千歲空港坐巴士,車程大約2小時,成人車費¥4000(大約HK$280),小童¥3000(大約HK$210)。乘客必須網上預約,詳情有待公佈:http://www.kiroro.co.jp/access/

2. 星野TOMAMU度假村

度假村入面有2間酒店,分別係「Tomamu The Tower」、「Risonare Tomamu」。前者價錢親民啲,就喺滑雪場隔離;後者全部都係套房,而且仲好奢華,每間套房入面都有觀景按摩浴缸、私人桑拿(三溫暖),咁價錢當然貴好多啦!

星野TOMAMU度假村有個超大滑雪場,最啱滑雪人士!(圖片來源:官網)

滑雪資訊

滑雪課程:滑雪學校為7至12歲兒童提供以英語授課嘅小組滑雪課程,1.5小時收費係¥5250(大約HK$367);
3至6歲兒童嘅小組滑雪課程就只係以日語授課,或者可以考慮參加私人教學課程,仲可以揀中文教練,1.5小時課程收費係¥15750(大約HK$1102)。
課程預約:https://www.snowtomamu.jp/winter/cn/ski/academy/index.php

吊椅/纜車票價錢:6歲或以下小童免費!初學人士可以因應自己嘅體能狀況,考慮購買不限時刻嘅回數劵(入面有11張),成人、7至12歲小童都係¥5000(大約HK$350),每次坐吊椅/纜車扣1-3張不等。
詳情:https://www.snowtomamu.jp/winter/cn/ski/ticket/index.php

租用滑雪裝備價錢:https://www.snowtomamu.jp/winter/cn/ski/rental/index.php

雪上活動&遊玩設施

詳見:【親子遊必去】小朋友都可以揸電單車?超受歡迎 北海道星野TOMAMU渡假村

酒店住宿

聖誕同農曆新年學校假期間,酒店房暫時已經售罄,要密切留意網站,睇下有無人取消預訂,或者試下買旅行社嘅Package。

訂房網址:
The Tower – https://l.flynow.hk/tomamf1d39
Risonare – https://l.flynow.hk/tomamu-risonare

交通:由新千歲空港坐巴士,車程大約2小時,成人車費約¥3800(大約HK$266),小童約¥2800(大約HK$196),詳情有待公佈:http://www.access-n.jp/summer2018/en/

3. 留壽都度假村

北海道最大型嘅滑雪度假村,降雪量極佳,同二世古一樣被譽為粉雪天堂!

留壽都度假村嘅白色外牆,超級襯白色聖誕(圖片來源:官網)

蠟筆小新兒童滑雪學校

專為3至12歲兒童而設嘅滑雪學校,由外籍或日本教練以英語教授。小朋友先從獨家開發嘅室內練習場學起,透過唔同嘅遊戲關卡學習唔同嘅滑雪基本技巧。

小朋友有專業教練指導,肯定好快學識滑雪!(圖片來源:官網)

熟習咗之後,再出去滑雪場,信心一定大大提升!即使喺戶外,滑雪學校都設計咗各式各樣嘅遊戲關卡,比小朋友邊學邊玩,喺不知不覺間就學識滑雪喇!

蠟筆小新兒童滑雪學校設有唔少工具輔助,學滑雪肯定事半功倍!(圖片來源:官網)

課程價錢:兩小時 ¥8,500(大約HK$595),四小時 ¥13,500(大約HK$945);費用已包括滑雪板、滑雪杆、滑雪靴和頭盔。

課程預約:http://www.pandaruman.com/shinchan/booking/

蠟筆小新兒童玩雪樂園&滑雪專區

小朋友可以安全地喺園區入面練習滑雪,同埋享受玩雪嘅樂趣。

可以同蠟筆小新一齊玩雪圈肯定超開心!(圖片來源:官網)

入園價錢:¥1,300/人(大約HK$91),3歲或以上就要買入場券,全日通行。

開放時間:9am-4pm

滑雪資訊

吊椅/纜車票價錢:初學人士可以因應自己嘅體能狀況,考慮購買不限時刻嘅點數劵(入面有15點),成人¥4800(大約HK$336),4至12歲小童¥2400(大約HK$175),而適合初學者玩嘅山腰線道,每次坐吊椅扣2點。
詳情:https://www.hokkaido-rusutsu.com/zh-tw/mountains/lift

租用滑雪裝備價錢:https://www.hokkaido-rusutsu.com/zh-tw/mountains/rental

其他遊玩設施

入住度假村期間,可以免費玩兩層高嘅旋轉木馬,同埋室內波浪池!

難得有免費嘅旋轉木馬,一定要帶小朋友來玩!(圖片來源:官網)
室內波浪池就唔怕凍親!(圖片來源:官網)

度假村入面仲有遊戲中心、4-D影院、購物中心等緊你!

遊戲中心超啱小朋友!(圖片來源:官網)

想增添聖誕氣氛嘅話,仲可以同馴鹿影相,同埋坐馴鹿雪橇!影相 ¥500(大約HK$35),最多4個人一齊影;雪橇最多2個人一齊坐,6歲以上 ¥1500(大約HK$105),6歲以下¥1000(大約HK$70)。

同馴鹿雪橇影相簡直係打卡呃like首選!(圖片來源:官網)

酒店住宿

雙人房(包早餐)價錢:聖誕同農曆新年學校假期間,大約每晚HK$3710起。5歲以下兒童可以免費入住,但如果需要加床,每晚¥3240(大約HK$227),請以英語電郵 [email protected] 聯繫度假村。

環境優美,飲食方便,服務一流,好似樂園咁嘅渡假村,適合一家大細同遊(圖片來源:官網)

North Wing & South Wing訂房網址:https://l.flynow.hk/3b423
Annex – Run of House訂房網址:https://l.flynow.hk/05b78

注意訂房嗰時或者會出現2種房型,分別係「North & South Wing」同「Annex – Run of House」,佢地係屬於2間唔同嘅飯店,後者係廉價住宿,所以價錢會平好多,記住唔好揀錯喇。

交通:由新千歲空港坐巴士,或者由札幌市坐免費巴士,車程大約2小時,詳情有待公佈:https://www.hokkaido-rusutsu.com/zh-tw/access/from-chitose-airport-summer

4. 富良野滑雪場

王子滑雪度假中心管理及經營嘅9個滑雪場之一,價錢係最親民!滑雪場分為富良野區同北之峰區,而新富良野王子大飯店就係位於富良野區喇。

富良野滑雪場超靚雪山!(圖片來源:princehotels.com)

雪上樂園&富良野歡寒村

雪上樂園位於富良野區,就喺新富良野王子大飯店門口,開放時間係9am-4pm,可以玩雪上香蕉船、橡皮艇、摩托車等等,費用由¥600起(大約HK$42)。
詳情:https://www.princehotels.co.jp/furano-area/winter/activity/index03.html

雪上香蕉船及橡皮艇啱曬鍾意刺激活動嘅旅客!(圖片來源:princehotels.com)

就算入黑都仲有嘢玩,喺樂園隔離嘅「富良野歡寒村」會喺4pm-9pm開放(8pm最後入場),入面有各式各樣嘅冰雕、1間冰雪咖啡館,仲有1條長達200公尺嘅滑道,等你可以坐上滑雪輪胎,享受滑行嘅刺激快感 。入場費¥300(大約HK$21),小學生或以下免費,但必須有成人陪同。

去富良野歡寒村,就算入夜都可以繼續玩雪上活動!(圖片來源:princehotels.com)

滑雪資訊

滑雪課程:富良野滑雪訓練學校提供以英語授課嘅滑雪課程,6至12歲兒童嘅2小時課程收費係¥7000(大約HK$490)、4小時課程¥11000(大約HK$770)。
詳情:http://www.spfurano.com/en/furanosnowschool.html

吊椅/纜車票價錢:富良野滑雪場嘅收費的確係最親民!12歲以下小童唔洗錢,只須喺售票處換取免費纜車票!初學人士可以因應自己嘅體能狀況,考慮購買不限時刻嘅回數劵(入面有12枚),¥5500(大約HK$385),而適合初學者玩嘅山腰線道,每次坐吊椅扣1枚。
詳情:http://www.princehotels.com/zh-tw/ski/furano/index.html

【SEIBU PRINCE CLUB Demi會員卡】購買各種纜車票可享¥500(大約HK$35)折扣優惠。免費入會方法(非住客都適用):向酒店接待處職員表示想成為SEIBU PRINCE CLUB emi會員,佢就會拎一份小冊子連會員卡比你,只須按照小冊子上嘅指示完成簡單嘅網上登記即可。注意:每張會員卡每日只可購買一張優惠纜車票,所以記得一人申請一張喇!

【不需會員卡】同時購買指定嘅纜車票+溫泉/飲品/餐廳/商店代用券,唔同嘅配搭有唔同嘅折扣優惠。詳情:http://www2.princehotels.co.jp/ski/furano/lift/coupon.html

租用滑雪裝備價錢:http://www.spfurano.com/en/rentalski.html

其他遊玩設施

有興趣嘅話可以報名參加觀星團,睇完星星再返酒店浸露天溫泉!又或者到訪喺「富良野歡寒村」隔離嘅「Ningle Terrace木屋村」,嗰到除咗有一間咖啡室之外,每間木屋小店都售賣唔同嘅特色手作,例如香薰蠟燭、萬花筒、手飾、明信片、木雕公仔等。

Ningle Terrace木屋村嘅燈光超浪漫!(圖片來源:princehotels.com)

酒店住宿

雙人房(包早餐)價錢:訂房嗰時記住同時申請成為SEIBU PRINCE CLUB Demi會員,即可享有優惠價格。(入會教學:https://emi.seibugroup.jp/zh-tw/about/#anc-02)聖誕學校假期間,大約每晚HK$3500起;農曆新年學校假期間,大約每晚HK$2800起。

【唔執房就有¥500代用劵!!!】

如果連續住2晚,又選擇同酒店接待處講明唔洗執房同替換/補充用品(垃圾桶係可以每朝放出房門外),每日4pm後就可以喺酒店接待處領取¥500代用劵一張 (適用於新富良野王子大飯店及富良野王子大飯店嘅商店同餐廳),而第3晚係一定要執房嘅,詳情可見房間內枱面上嘅單張。

飯店內有溫泉、森林精靈露天就在飯店、裡面還有許多自費設施、早餐也超棒超豐盛。(圖片來源:princehotels.com)

訂房網址:https://l.flynow.hk/c526c

交通:由新千歲空港坐巴士,車程大約2.5小時,成人車費約¥4000(大約HK$280),乘客必須網上預約,詳情有待公佈:http://www.access-n.jp/sp/

5. 後記

如果而家想預訂聖誕學校假期間嘅滑雪度假村,喜樂樂KIRORO嘅雙人房一晚都過HK$6000,星野TOMAMU就更加一房難求。如果你想享受到性價比更高嘅滑雪旅程,今個聖誕一於就飛轉留壽都或富良野啦!

喜樂樂KIRORO滑雪度假村訂房網址

Sheraton Hokkaido Kiroro Resort:https://l.flynow.hk/spg9fd92
Kiroro, a Tribute Portfolio Hotel:https://l.flynow.hk/offic9e3e7

星野TOMAMU度假村訂房網址

The Tower – https://l.flynow.hk/tomamf1d39
Risonare – https://l.flynow.hk/tomamu-risonare

留壽都度假村訂房網址

North Wing & South Wing:https://l.flynow.hk/3b423
Annex – Run of House:https://l.flynow.hk/05b78

富良野滑雪場

訂房網址:https://l.flynow.hk/c526c