日本便利店必買TOP10

0
608

成日去日本嘅你一定知道日本嘅便利店係幾時都唔會令你失望!樣樣望落都咁吸引,真係多幾個胃都食唔晒呀!又出發去日本嘅你,仲唔快D mark定有咩要食

第十位:MAX BRENNER 士多啤梨白朱古力雪榚

7-11同MAX BRENNER舊年合作推出嘅棉花糖朱古力雪糕大受歡迎,今年換做士多啤梨白朱古力口味回歸!細細杯但有白朱古力雪糕同士多啤梨果肉、士多啤梨醬、烤杏仁、棉花糖等,味道同口感層次十足。

發售地點:7-11

價錢:280円(含稅)

第九位:Uchi Café × GODIVA 朱古力馬卡龍

每次推出都大受好評嘅Lawson × GODIVA聯乘甜品又返嚟啦!今次同時推出兩款甜品,其中一款係朱古力馬卡龍。面層係朱古力脆皮,餡料口感綿密,黑朱古力味食落唔會太甜,而且充滿清爽橙味。

發售地點:Lawson

價錢:350円(含稅)

【延伸閱讀】

【東京懶人包系列】[第1彈] 2018 美食地圖 | 同場加映築地 + 居酒屋攻略 !
大阪心齋橋好食好買好打卡景點全包圍
東京搵食 – 欲罷不能甜品篇

第八位:Uchi Café × GODIVA 朱古力芭菲

聯乘甜品另一款係芭菲,唔單止朱古力慕絲好幼滑,仲有內含脆脆嘅榛果朱古力、濃郁朱古力醬、富可可香嘅朱古力忌廉。一杯就試到哂咁多種不同口感嘅朱古力,絕對係朱古力控必食。

發售地點:Lawson

價錢:450円(含稅)

第七位:日清 「唐揚炸雞君」小雞拉麵

為紀念日本國民拉麵「小雞拉麵」推出60週年,日清同Lawson人氣小食角色「唐揚炸雞君」玩聯乘,推出「唐揚炸雞君」杯麵。杯麵附送迷你唐揚炸雞粒,加熱水之前落埋,等3分鐘食得。炸雞唔會太乾身,仲同濃郁嘅雞湯好夾添。

發售地點:Lawson

價錢:216円(含稅)

第六位:朱古力忌廉包

麵包以160度低溫焗製,所以外層係白色而唔係啡色,入面嘅朱古力忌廉以3種不同的朱古力製成,又香又濃又好味。

發售地點:7-11

價錢:130円(含稅)

第五位:星之卡比大福

Lawson嘅人氣角色和菓子又有新搞作,將和菓子變成大福。大福皮煙煙韌韌,入面有吉士忌廉同朱古力忌廉。卡比嘅表情仲有5款,其中一個仲係隱藏表情嚟添,夠哂心思,fans必試。

發售地點:Lawson

價錢:280円(含稅)

第四位:宇治抹茶芝士蕨餅

以裹滿抹茶粉嘅彈牙蕨餅,包住軟滑忌廉芝士同濃郁宇治抹茶醬,味道層次豐富,又抵食,當飯後甜品啱哂!

發售地點:7-11

價錢:118円(含稅)

第三位:脆脆生菜三文治

「包」如其名,主打爽脆的生菜,食過的人都會讚歎便利店能做出如此新鮮的生菜三文治!原來過程八成都是人手製造,更以肉眼揀菜!

發售地點:7-11

價錢:250円(含稅)

第二位:日清杯麵 壽喜燒味

日本合味道推出咗壽喜燒口味杯麵,甜醬油湯底最啱自己再加隻溫泉蛋~當然就算唔加蛋,裡面本身都有大豆牛肉同蔥等配料嘅。反正唔少日本便利店都有溫泉蛋賣,宵夜又有新選擇啦。

發售地點:Lawson

價錢:216円(含稅)

第一位: Häagen-Dazs 雙重芝士蛋糕味

日本哈迪大師又有新口味呀!今次呢杯雪榚分咗兩層,第一層係焗芝士蛋糕味,選用金文畢芝士加車打芝士,仲加咗啲牛油曲奇添。第二層係檸檬忌廉芝士凍餅味,用上北海道產忌廉芝士,酸度啱啱好又唔漏。一杯雪榚有多重芝士風味,必食!

發售地點:全國便利店期間限定發售 (2018年4月24日開始發售)

價錢:294円(含稅)

呢條片就係有youtuber 試食啦,睇到都覺得好吸引呀 !

 

【閱讀更多】
【必收藏】東京駅食買玩必備!地下一番街地圖全攻略
【懶人必看】原宿竹下通 原宿周邊 必吃必逛盡推介!
【東京懶人包系列】[第1彈] 2018 美食地圖 | 同場加映築地 + 居酒屋攻略 !
【東京懶人包系列】[第2彈] 2018 五日玩盡東京山手線
【東京懶人包系列】[第3彈] 2018 東京近郊指南 | 繁華大都會以外嘅選擇 + 交通教學
【懶人救星】2018最新!五日四夜 高雄台南文青美食行程
【沖繩必備】那霸國際通 必食必買地圖攻略