7大天神博多屋台攻略(內含屋台潛規則同屋台推介)

0
3539

成日都聽人講屋台,見到啲相好正好溫馨,食得好開心,回憶滿滿,自己都心思思想去,但又唔知道可點,咁我地呢篇就啱哂啦,下面仲有一啲福岡嘅屋台推介分享呀 !

想一家大細去福岡旅行,但又好怕自己編行程?
去我地嘅FB Post 到留言+1,我地小編就會PM 大家【2018四日三夜 福岡親子遊懶人包】,仲有Google MyMap咖啦。
??  https://l.flynow.hk/2018fc63d0  ??

屋台

屋台(路邊攤),係福岡有好幾個,比較大型嘅主要聚集係春吉橋、冷泉公園、中洲川端站附近。大多都係一間小食店,老闆係中間個位煮嘢食,客人就圍住迫迫地坐高凳,所以屋台比較適合有番四五歲唔洗坐BB凳嘅小朋友。

屋台因為空間細同座位少,所以客人同老闆可以有多啲互動搭訕,客人之間都可能會互相搭訕,氣氛都比較好。有部分屋台剩係可以用日文或者簡單英文溝通,都未必有中文同英文餐牌,望下有冇外國人幫襯就知道可唔可以同店方溝通。

屋台攻略

日本咁多禮儀要跟,而屋台都有好多唔講唔知嘅潛規則。想食得開心,又唔會失禮人前,就要睇定以下嘅貼士就萬無一失啦。

  • 營業時間同繁忙時間

屋台一般都係夜晚6點開店,夜晚9-10點就最多人。如果唔想排隊,就要早少少到。不過如果係人氣屋台,都有可能一開店就排大隊。同埋每一間鋪都有自己嘅休息日,同埋天氣唔好就唔會開,所以出發前要查清楚呀。

  • 洗手間

屋台係唔會有洗手間,所以大家可以去之前搵定附近嘅公家洗手間,通常公園入面都會有。如果係隻身去屋台,或者係小朋友要大人陪去洗手間而無人留係店內,就應該先埋單再出去,避免造成食霸王餐嘅誤會。

  • 攞位注意事項

要有位坐先可以食嘢, 就唔可以話,兩大兩小一齊去,但得兩個位,比小朋友坐低食,大人企係到食。如果人數真係多,可以考慮兵分兩路分去食,始終人數愈少愈快拎到位。

  • 用餐注意事項

習慣坐低係先叫飲品,一人一份。如果外面有人排隊就唔好食咁耐, 同埋隨行最好唔好拎咁多嘢,因為啲座位其實都唔應該用黎放袋阻住人地個位。因為屋台好多都好細間,所以大家都要體諒同忍讓下啦。

  • 常客專用位

係一啲鋪頭係會有啲常客會想坐番自己常坐嘅特定坐位。如果遇到調位嘅請求,都盡量配合番比較好。

  • 做好預算

因為屋台唔似大排檔,一般食嘢都唔太平。如果怕超出預算,都可以揾啲有標明收費食肆。 怕比人抬價或者收多左,都可以問清楚價錢先落單,同埋記清楚自己食左幾多,因為唔係每一間屋台都有標明價錢。

  • 窮食必備 — 天神博多屋台優惠卷

憑卷可以去指定14 屋台嘅其中一間,食佢地指定菜式。優惠卷會有屋台簡介同可以食到嘅嘢,記得要中文版呀 ! ¥1050其實真係好抵 ! 優惠卷可以兩人同行用一張, 再自己叫多少少嘢咁用,咁可以更加容易控制預算。
發售地點﹕博多車站綜合服務中心/福岡市旅客服務中心(天神)
價錢﹕ ¥1050(含稅)

官網﹕https://l.flynow.hk/be335

呢條片就影哂屋台入面嘅開心氣氛,一眼睇哂,但就非常溫馨。

【更多福岡資訊】
福岡必食!博多拉麵大集合
【福岡親子遊】天神博多行街全攻略-必到購物景點大公開

 

屋台推介

其實福岡有好多好正嘅屋台, 以下一啲推介。

小金ちゃん-屋台炒麵王

屋台式炒麵嘅元祖店,更令炒麵成為福岡屋台名物!老闆先用骨湯煮好拉麵,然後再炒,香氣四溢,口感一流,所以非常受歡迎,人龍幾乎冇斷過!另外仲有明太子玉子燒同餃子都好受歡迎。

營業時間:18:30 – 02:00 (逢星期四及日休息)

屋台bar えびちゃん-福岡唯一酒吧屋台

店內裝修是西洋風格,是開業約 50 年嘅名店。酒類從日本清酒、燒酎、自家調製的雞尾酒都應有盡有,女仔在8點前來到有雞尾酒一杯 500 日圓的優惠。而10 月至 5 月仲有冬季限定的牛尾湯關東煮。

營業時間:19:00 – 02:00 (休息日不定)

屋台おかもと-必食拉麵之選

非常出名嘅屋台,好多福岡嘅藝人都經常番去幫襯。招牌菜係長濱拉麵,用熬煮十小時嘅豚骨湯頭煮成。想食肉嘅話可以試下和牛肋脊肉燒烤,都非常受歡迎。

營業時間 19:00-03:00

博多屋台めでたい屋-特色鄉土料理

平時嘅屋台都係室外,依間就喺室內,可以坐得輕鬆舒服啲。食物方面,依間屋台出名「釜玉明太烏冬」,烏冬上面有明太子同生蛋可以撈埋一齊食。亦可以試到室外屋台比較少見嘅道地鄉土料理,例如牛腸鍋。

營業時間18:00 – 03:00 (休息日不定)

法式料理屋台レミさんち-地道法式風味  [可使用屋台優惠券]

街邊都有得食法國菜?依間福岡首間由法國人開嘅屋台,用平民價錢就可以享受地道法國料理,而飲品除咗日本酒,仲有葡萄酒可以揀。唔想食拉麵、日本料理嘅話,都可以去依間試下。

營業時間:18:30-00:00(逢星期日及一休息)

喜柳 – 鐵板燒 + 創意料理   [可使用屋台優惠券]

以鐵板燒為主,店內招牌嘅創意料理係もちもち餃子,用梅枝餅嘅皮包住內餡,再用專用器具煎烤而成,口感非常特別。

營業時間:19:00 – 02:00 (星期日及不定期休息)

笑平 – 一口餃子+ 豬骨拉麵  [可使用屋台優惠券]

餃子都係店員現包,煎完係會連完整嘅羽衣成碟上。 用的拉麵係細麵,吸哂白雲豬骨湯。仲有福岡特產嘅明太子玉子燒,如果唔知叫乜好,直接跟人氣榜叫啦 ! 而且有中文餐牌咖。

營業時間:19:00 – 02:00 (星期一休息)

【閱讀更多】
【福岡親子遊】天神博多行街全攻略-必到購物景點大公開2018
【懶人救星】2018最新!五日四夜 玩盡大阪全攻略
【東京懶人包系列】[第2彈] 2018 五日玩盡東京山手線
【東京懶人包系列】[第3彈] 2018 東京近郊指南 | 繁華大都會以外嘅選擇 + 交通教學
【沖繩必備】那霸國際通 必食必買地圖攻略