【購物攻略】價錢仲平過去outlet!2019年必搶5大日本福袋

0
4176

即將到年尾,又係搶日本福袋嘅時期,除咗喺日本新年(1月1號)當日去店舖門口排隊搶購福袋,其實而家好多公司已經可以喺網上預約福袋,慳返排隊嘅時間,而且上網就買到超方便!不過究竟邊到嘅福袋最抵買?小編就搵咗D每年都有好多人搶購、連日本人都好鍾意嘅福袋介紹比大家,而且有D貨品嘅價錢仲要平過outlet,想搶平貨嘅你記得留意喇!

生活雜貨篇

1. SHIMAMURA(しまむら)【男女裝、童裝】

しまむら有超多種福袋售賣,係掃平貨嘅最佳地點!(圖片來源:官網)

SHIMAMURA係日本連鎖式服裝零售公司,喺全日本都遍佈分店,主打平價休閒服飾。呢間公司有多種福袋提供,而且有部分福袋仲要係同大牌子合作出嘅福袋,例如FILA、OUTDOOR、PUMA等。

女裝卡通角色襪子福袋 ¥1,000(大約HK$69) (圖片來源:官網)

其中最受日本人歡迎嘅肯定係Disney福袋,服裝花紋可愛又抵買,以女裝為例,女裝迪士尼襪福袋,一個¥1,000(大約HK$69)有齊4對唔同款式嘅襪,而且仲有印有米奇可愛圖案嘅袋裝住,喺香港買一對正版嘅迪士尼襪起碼都要HK$26,買福袋就平好多。

男裝FILA 福袋 ¥10,000(大約HK$690) (圖片來源:官網)

不過男裝同樣超抵買,以FILA為例,一個福袋售價¥10,000(大約HK$690),裡面有齊13種衣物,包括3件外套、3條長褲、T-shirt等,平日淨係一件外套都要起碼HK$600,福袋真係超級抵買!

不過SHIMAMURA嘅福袋不設網上售賣及預約,如果想買就要喺售賣日早D去店舖排隊喇!

開始發售日期:2019年1月1日
營業時間:10:00~20:00(分店時間各有不同)
地址:
(東京)東京都新宿区高田馬場1-28-7【距離高田馬場5分鐘步程】
(大阪)大阪府大阪市浪速区塩草2-9-1【距離芦原橋4分鐘步程】
(福岡)福岡県福岡市博多区博多駅中央街2-1【距離博多站1分鐘步程】
官網:https://www.shimamura.gr.jp/shimamura/2018/happybag/

2. gelato pique【女裝】

gelato pique嘅睡衣出晒名質地舒服,難怪每年推出嘅福袋都有咁多人搶購!(圖片來源:官網)

呢個係超級受歡迎嘅女性家居服裝品牌,係每年銷售量最多嘅福袋前3名!雖然設有網上預約,不過通常開售幾分鐘之內就會賣完,人氣超高!除咗因為粉色系嘅睡衣對於年輕女性非常吸引,而且睡衣質地柔軟舒服,著住軟棉棉嘅睡衣休息肯定可以放鬆身心。

2019年gelato pique福袋 ¥8,640(大約HK$594) (圖片來源:官網)

2019年嘅福袋售價¥8,640(大約HK$594),雖然內容唔會公開,不過每年福袋嘅內容都差唔多,只係顏色或圖案會有所分別,所以都唔需要太擔心會中伏。

2018年福袋嘅粉色睡衣超可愛!(圖片來源:[email protected]

上年嘅福袋入面有兩套睡衣:一套冬季及一套夏季,另外仲有厚襪及髮帶,如果逐樣貨品咁買起碼要¥24,000(大約HK$1650),福袋嘅價錢平一半有多,鍾意gelato pique嘅人記得要留意發售日期喇!

網上預約日期:2018年12月5日【會員限定】、2018年12月6日(樂天等網站開賣)
店舖發售日期:2019年1月1日
營業時間:10:00~21:00(分店時間各有不同)
地址:
(東京)東京都新宿区新宿3-38-1 ルミネエスト新宿 B2F【距離新宿站3分鐘步程】
(大阪)大阪市中央区西心斎橋1-4-3 1F【距離心齋橋站4分鐘步程】
(北海道)札幌市中央区北5条西4-7 大丸札幌2F【距離札幌站3分鐘步程】
(福岡)福岡県福岡市博多区博多駅中央街1-1 JR博多シティ1F【距離博多站2分鐘步程】
(沖繩)沖縄県那覇市泉崎1-20-1那覇OPA 2F【距離旭橋站3分鐘步程】
官網:https://gelatopique.com/Form/Product/ProductDetail.aspx?shop=0&pid=PFKB191000&vid=PFKB19100000661200&bid=PIQ01&cat=&swrd=

時裝篇

3. CECIL McBEE【女裝】

2019年Cecil Mcbee福袋睇落好大份!(圖片來源:官網)

經常出現喺日本雜誌出現、係東京涉谷109最受歡迎嘅品牌CECIL McBEE,因為款式多而且價錢唔算太貴,所以好多日本女仔都好鍾意買,往年嘅福袋開售日,東京涉谷109前一定大排長龍!2019年CECIL McBEE將會推出4種福袋,其中3種仲要係網上限定,想買唔同種類福袋嘅人記得及早上網預訂喇!

CECIL McBEE ¥10,800福袋(大約HK$742) (圖片來源:官網)

第一種係連外套嘅¥10,800(大約HK$742)福袋,裡面除咗一件厚外套之外,仲有7件衣物,包括2條長褲、4件上衫及1條連身裙,逐件買嘅話起碼要¥40,000(大約HK$2750)!

CECIL McBEE 【包括2種外套的 CARRY BAG】¥21,600(HK$1485) (圖片來源:官網)

第二及第三種係用行李箱裝嘅福袋,第二種同樣有1件厚外套,2件上衫、1件睡衣及化妝包,售價係¥21,600(HK$1485),第三種就放咗唔同嘅生活用品,售價¥7,560(大約HK$520),小編覺得淨係個行李箱都已經「值回票價」!

CECIL McBEE【Fitness Wear&Goods】¥10,800(大約HK$742) (圖片來源:官網)

第四種係運動服裝福袋,售價¥10,800(大約HK$742)。

網上預約日期:2018年11月13日起(樂天等網站開賣)
店舖發售日期:2019年1月1日
營業時間:10:00~21:00
地址:東京都渋谷区道玄坂2-29-1
官網:https://ailand-store.jp/cts/cecilmcbee/181114_cmb_fuku.html

4. hakka kids【童裝】

hakka kids嘅衫以天然材料製作,對小朋友嘅皮膚都好D(圖片來源:官網)

童裝來講,hakka kids肯定係最受日本人歡迎嘅品牌,呢個品牌衣物以天然材料製作,質地舒服,小朋友著上身都唔洗擔心引起敏感反應,所以每年嘅福袋一推出就立即銷售一空!2019年都會有福袋推出,雖然內容仲未公開,不過都可以用上年嘅福袋作參考。

2018年女童福袋嘅服裝外型可愛,相信小朋友見到肯定會鍾意!(圖片來源:[email protected]

2018年嘅福袋有2種,分為男仔及女仔福袋,2種都包括4件商品,例如外套、連身裙(男仔轉做衛衣)、針織衫及頸巾。如果逐件買嘅話起碼要¥35,000(大約HK$2406),不過福袋只係¥10,800(大約HK$742),好抵買!

如果網上賣完嘅話,店舖未必有得買,所以穩陣起見都係網上預約比較好!

網上預約日期:2018年11月30日
店舖發售日期:2019年1月1日或2日
地址:
(東京)東京都渋谷区千駄ヶ谷5-24-2 新宿髙島屋9F【距離新宿站5分鐘步程】
(大阪)大阪府大阪市北区梅田1-13-13 阪神梅田本店7F 子供服売場【距離梅田站3分鐘步程】
(北海道)北海道札幌市中央区北4条西2-1 札幌東急5F【距離札幌站5分鐘步程】
(福岡)福岡県福岡市博多区博多駅中央街1番1号 博多阪急7F【距離博多站3分鐘步程】
官網:https://hakka-online.jp/

食品篇

5. KALDI coffee farm

KALDI coffee farm有超多來自世界各地嘅咖啡,簡直係咖啡迷嘅天堂!(圖片來源:官網)

KALDI coffee farm是日本人氣咖啡品牌,舖頭入面有超多來自世界各地嘅咖啡,簡直係咖啡迷嘅天堂!除咗咖啡之外,仲有零食及生活雜貨售賣,所以福袋都有唔同種類。

咖啡福袋價錢由¥1,700(大約HK$117)至¥5500(大約HK$380) (圖片來源:官網)

2019年嘅福袋分咗4類,作為人氣咖啡品牌當然會有唔同嘅咖啡福袋,價錢由¥1,700(大約HK$117)至¥5500(大約HK$380),另外亦有酒類福袋,價錢由¥2,800(大約HK$193)至¥6,000(大約HK$414),用來送禮就最啱用!

2018年食品福袋,超多零食塞爆福袋!(圖片來源:[email protected]

不過最受歡迎嘅肯定係食品福袋及もへじ和風福袋!食品福袋裝有15款唔同外國品牌嘅零食,有D零食仲要係福袋限定發售,平日無得買架!售價係¥3,500(大約HK$242)。

呢2種福袋需要事先喺網上抽「兌換卷」先買到,就咁去舖頭買係買唔到架!(圖片來源:官網)

另一款もへじ和風福袋就裝有8種日本食材及零食,售價¥2,000(HK$138),鍾意食日本野嘅人可以買返袋。不過由於食品福袋及もへじ和風福袋每年都有好多人搶購,所以呢2種福袋需要事先喺網上抽「兌換卷」,成功搶到兌換卷嘅人就可以之後去店舖換領福袋。

網上預約日期:2018年12月1日~2018年12月3日
店舖發售日期:2019年1月1日
營業時間:10:00-21:00(分店時間各有不同)
地址:
(東京)東京都新宿区西新宿1-5-1 小田急百貨店 新宿店 ハルクフード B2F【距離新宿站6分鐘步程】
(大阪)大阪府大阪市中央区難波3-8-9 なんばマルイ B1F【距離難波站3分鐘步程】
(北海道)北海道札幌市中央区北5条西3丁目 アピア【距離札幌站3分鐘步程】
(福岡)福岡県福岡市中央区天神2丁目 地下1号011号 天神地下街東11番街【距離西鐵福岡(天神)站2分鐘步程】
(沖繩)沖縄県那覇市おもろまち4-4-9 サンエー那覇メインプレイス 1F【距離歌町站7分鐘步程】
官網:https://www.kaldi.co.jp/kaldinews/event/seasonal/2019fukubukuro.php

 

【閱讀更多】
【購物攻略】價錢超平仲可以退稅!東京必去超抵買零食店
【東京大阪都有!】烏龍茶$3炭燒咖啡$2!日本隱世超平批發超市