【東京懶人包系列】[第2彈] 2018 五日玩盡東京山手線

0
769

東京咁大,鐵路系統複雜,成日轉線又煩又貴,想玩都唔識玩?Flynow 今次就設計咗入門版嘅山手線五日四夜行程俾大家,搭住循環線就可以輕輕鬆鬆玩轉熱門遊日聖地!

想原更加詳盡嘅介紹同Google My Map 地圖,可以去我地Facebook望下啦

傳送門﹕五日玩盡山手線懶人包

【更多東京懶人包】
【東京懶人包系列】[第1彈] 2018 美食地圖 | 同場加映築地 + 居酒屋攻略 !
【東京懶人包系列】[第3彈] 2018 東京近郊指南 | 繁華大都會以外嘅選擇 + 交通教學

比你地偷睇下啦

 

第一日  池袋

Sunshine City

無論係同一家大細、男女朋友定成班朋友,黎到池袋去sunshine city就冇錯啦,Sunshine city都一定有嘢啱你地!依到唔單止有「alpa」同「ALTA」兩個商場,仲有水族館、天文館、展望台,同埋兩個室內主題遊樂園,絕對可以係依到玩足一日!

官網:https://www.sunshinecity-global.com/zh-TW/overview/

 

Sunshine Aquarium陽光水族館

日本咁多個水族館,依個又有咩特別?特別在於佢起喺屋頂!依間水族館位於sunshine city世界進口商場大廈頂層,最特別嘅一定要數佢嘅企鵝園區,利用高空特點,特設圓弧形玻璃水箱,等大家可以睇到企鵝喺天空中暢泳。另外仲有好多其他超治癒嘅動物咖!
營業時間﹕
10:00 – 20:00(4月-10月)
10:00 – 18:00(11月-3月)
門票﹕¥2200(成人),¥1200(中小學生),¥700(4歲以上幼兒)
官網:http://www.sunshinecity.co.jp/aquarium/

 

J-WORLD TOKYO

跟據Jump人氣漫畫而設計嘅室內主題遊樂園,有三個常設園區,以海賊王、火影忍者同龍珠為主題,各自有相應嘅遊樂設施同唔少打卡位,亦有唔少攤位遊戲同扭蛋等。玩到攰仲可以去餐廳食番漫畫入面嘅食物,例如曾經推出過銀魂嘅宇治銀時丼,絕對滿足到動漫迷嘅期待。樂園門票分兩種,如果只係想入去打個卡感受下氣氛嘅可以只買入場券,但如果想玩入面嘅設施就要揀通票啦!
營業時間﹕10:00 – 22:00
入場券﹕¥800(成人),¥600(15歲以下小童)
通票﹕¥2600(成人),¥2400(15歲以下小童)
Klook購票:l.flynow.hk/jworle515a

東京大都會酒店

玩完一日係時候番酒店啦!依間東京大都會酒店位置超級方便,去羽田機場都係半個鐘左右車程,酒店隔籬就已經係池袋站。附近又有便利店同兩間百貨公司,近近地都有嘢買。
雙人房一晚價錢﹕HKD$ 1200-1800
Agoda訂房:https://l.flynow.hk/hotelf46de

第二日  東京站+濱松町站

皇居


日本皇室住嘅皇居聽落好神秘,但其實只要提前上官網申請,就可以免費參觀內苑部份區域,仲有專人解說。就算冇預約,都可以去公開嘅東御苑參觀,一邊散步一邊欣賞眾多歷史建築同庭院風景,例如充滿江戶風情嘅二重橋。一旁嘅千鳥之淵更係皇居知名的賞櫻景點,每年3月下旬到4月上旬櫻花季都會吸引賞花人潮。
參觀時間:(東御苑)09:00-16:30 (週一及週五休息)
Klook私人導覽: https://l.flynow.hk/klookada82

東京駅一番街

TOKYO Me+

共有26間商店,咸嘅甜嘅樣樣齊,係買手信最佳嘅選擇

拉麵一番街

共有8間日本各地超嚴選嘅拉麵店,每一家嘅湯底同食材都各有特色且各自擁有一大班支持者

東京オカシランド

東京零食天堂有齊零食三大巨星「森永」、「Calbee」和「glico固力菓」,建議一定要食Calbee即炸嘅香噴噴薯條同薯,森永和glico會不定期推出只有東京車站才買得到嘅限定零食

Character Street

共有26間主題專賣店,包括Hello Kitty, 小新Official Shop, Pokemon Store等,讓你一次過網羅所有鐘意嘅角色系列商品

更多一番街資訊:【必收藏】東京駅食買玩必備!地下一番街地圖全攻略

駅弁屋 祭

在日本超過130年歷史,網羅了200種以上、各地知名及人氣的鐵路便當,海鮮類駅弁係聚集了日本從南到北嘅新鮮漁獲而製成,吉祥物駅弁以人氣卡通為便當盒主題,肉類駅弁係使用日本知名和牛而製成,十分受歡迎!
營業時間: 05:30-23:00

官網﹕http://www.nre.co.jp/ekiben/tabid/231/stoid/609/brnid/66/Default.aspx

第三日  新宿站+原宿站+涉谷站

明治神宮

供奉明治天皇同皇后嘅神社,係東京相當出名嘅結緣神社,保祐夫妻圓滿,家庭和樂。神社由森林包圍,係熱鬧嘅原宿特別顯得寧靜,喺到慢慢散步影下相,都係唔錯嘅選擇。神宮日出就開門直到日落,所以每個月嘅開放時間都有所不同,詳情可以睇番官網。
開放時間:參考官網

呢條片就可以帶大家睇明治神宮,仲有一對新人結婚,可以望下日本傳統結婚儀婚。

官網:http://www.meijijingu.or.jp/english/map/4.html

竹下通

東京潮流嘅中心!依家日本年輕人最流行嘅衫褲鞋襪,美食餐廳,通通都係到搵到!黎到記得一定要試下名物可麗餅。竹下通仲有4層高超大型Daiso,堪稱東京最大Daiso。

竹下通懶人包:【懶人必看】原宿竹下通 原宿周邊 必吃必逛盡推介!

忠犬八公廣場

忠犬八公嘅故事好多人都聽過,感動過好多人,而日本人為紀念依隻忠心嘅狗狗,仲係涉谷車站外整人咗佢嘅銅像,而好多日本人約朋友個陣,都會約係依到等。銅像側邊電車樣嘅旅客服務中心亦係另一打卡熱點,依節電車車廂已前真係有用黎載客,後來退役就變成旅客服務中心,仲不時會同打扮成唔同主題,曾經就試過同Hello Kitty crossover。

十字路口

鐘意日劇日本電影嘅朋友,應該都對忠犬八公廣場外依個十字路口有印象。佢係全世界最出名、最繁忙嘅路口之一,其他國際電影入面,例如《生化危機4》,亦都曾經出現過依個十字路口。想影到電影入面多人過馬路嘅畫面,可以去隔籬TSUTAYA第二層嘅Starbucks,坐係窗邊飲咖啡影靚相。

涉谷 109

潮流達人必去!商場入面有齊各大潮牌,非常方便女士門血拼,但男士都唔使驚悶親,側邊仲有涉谷 109 men’s,有大把男裝店鋪可以慢慢行。
營業時間:10:00 – 21:00

官網:https://www.shibuya109.jp/SHIBUYA/

新宿御苑

御苑分成 5 個不同風格的園區,分別為:「日本庭園」、「英格蘭風景式庭園」、「法蘭西式整形庭園」、「溫室」和「母子森林」。一大樂趣是可以同時欣賞到風格各異其趣的庭園設計。一年四季各有不同花種盛開,因此每次前往都能感受不一樣的景觀變化,其中又以春天櫻花與秋天紅葉特別吸引遊客。每年春天會有65種,約1100棵的櫻花樹於廣大的庭園綻放,包括染井吉野櫻、日本山櫻、關山櫻等,是東京首屈一指的賞櫻聖地。

這裏也是新海誠作品《言葉之庭》的取景地,吸引不少影迷前往朝聖。
門票: ¥200 (成人) ,¥50 (小孩) 
開放時間:9:00 – 16:30 (週一休息)
官網:http://www.env.go.jp/garden/shinjukugyoen/

新宿打擊中心

只係經過附近都聽到球棒揮擊嘅金屬撞擊聲,無論日頭夜晚都好熱鬧。依個擊球中心只要¥ 300就可以打26球,非常抵玩。店內亦設有舊款的遊戲機,營造出一種懷舊氛圍。

開放時間 : 10:00 – 04:00
官網:http://metro-net.co.jp/business/amusement/batting_center/

六歌仙

食物種類極多嘅燒肉放題,唔食牛嘅朋友都可以揀食海鮮,海鮮唔止蝦同帆立貝等,仲有蟹食,另外亦有石鍋飯等熟食供應,一定有樣啱食唔驚冇得揀。燒肉之外六歌仙亦有火鍋放題套餐,同樣有肉有海鮮有熟食。
營業時間:11:00 – 05:00
平均預算:¥7700(基本燒肉或火鍋放題)

官網:http://www.rokkasen.co.jp/cn/index.html

歌舞伎町

歌舞伎町大多嘅店鋪都係夜晚先開始營業,區內聚集大量戲院、酒店、居酒屋、卡啦OK、餐廳、流行店舖等,所以到夜晚就更加熱鬧,大家稱之為「不夜城」。依到嘅TOHO戲院更有1:1大小嘅哥斯拉模型從大樓頂樓伸個頭出黎,係歌舞伎町嘅地標,鐘意打卡嘅你一定唔可以錯過。
官網:http://www.kabukicho.or.jp/

第四日  上野

上野恩賜公園

日本首個公園,有成半個海洋公園咁大,入面有成幾個博物館、美術館、動物園同神社寺廟等,仲有蓮花池同大大小小嘅植物,動靜皆宜。一到櫻花季成個公園都係粉白色,迫滿哂人。

官網:http://www.tokyo-park.or.jp/park/format/index038.html

阿美橫町

超平超好買嘅商店街,好多平價藥妝店、餐廳、電器鋪、雜價都喺到搵到。想買手信記得要去二木の菓子,專賣零食,貨品堪稱最平最齊,仲有得退稅咖!

官網:http://www.ameyoko.net/

淺草寺雷門

行完上野,可以去番上野車站搭東京メトロ銀座線,幾分鐘就到淺草啦!去到淺草當然要去雷門朝聖下影下佢門口個大燈籠,再行入面嘅仲見世通商店街,沿途好多日本小食同手信,保證令你目不暇及。想特別啲仲可以試下和服體驗或者坐人力車。
Klook和服體驗:http://l.flynow.hk/klook5c656
Klook人力車體驗:http://l.flynow.hk/klook3c8fd

晴空塔

晴空塔又名天空樹,有世界最高塔之稱。喺到除咗可以一覽東京都嘅風景之外,下面嘅晴空街道仲有唔少店鋪可以行,例如テレビ局公式ショップ,有賣各家電視台人氣動漫同電視劇嘅周邊產品。

Klook東京晴空塔展望台+起司廣場美食超值套票:https://l.flynow.hk/klookd97e0
Klook東京晴空塔展望台+晴空街道¥1000購物券:https://l.flynow.hk/klookd97e0

 

第五日  日暮里

谷中銀座商店街

充滿日本舊時代氛圍的下町商店街,有唔少地道嘅雜貨店同小食店,喺行到就好似走咗入日劇嘅世界,時間都流動得慢啲。而谷中銀座商店街又名貓街,細心留意會發現唔少貓咪遊走喺店鋪之間,非常悠閒。

夕陽階梯

商店街盡頭嘅樓梯亦係一大賣點,喺唔少日劇都出現過,黃昏太陽落山嘅時候非常浪漫唯美,一定要影番張相先走!

茶道體驗

黎到東京懷舊嘅下町地區,當然要感受日本文化。散步影相之餘,仲可以試下茶道體驗。依間茶室係谷中銀座商店街附近,俾遊客體驗日本傳統茶道同時品嘗美味茶點,仲可以加購和服體驗咖!

Klook報名:https://l.flynow.hk/klookc1fdf

富士見坂

獲選為關東欣賞富士山美景嘅一百個景點之一,係東京都少有見到富士山嘅斜坡。喺斜坡可以同時見到住宅區景色同富士山美景,加埋日落時夕陽嘅襯托更加靚。不過可惜東京嘅大樓愈起愈多,慢慢遮蔽景觀,所以想欣賞依個富士山一百美景就要快啲去啦!

齊藤湯

東京市區比較難搵到溫泉,但都可以試下錢湯,亦即公共澡堂。依間錢湯有80幾年歷史,喺2015年翻新過,變得更簡潔明亮同時仲保留住日式傳統風格。店家賣毛巾同護膚品,淨係帶個人黎就已經浸得,好方便。

營業時間﹕14:00 – 23:30 (逢星期五休息)
門票﹕¥460 (大人),¥180 (中學生),¥80 (小學生),幼兒免費
官網:http://saito-yu.com/

酒店資料

東京同香港一樣有土地問題,雖然冇咁嚴重,但都唔好對搵到又平又大又好嘅酒店抱好大期望,所以一般都係考慮地點方唔方便先比較好。東京都仲有其他唔錯嘅選擇咖~

生活品味:東京銀座凱悅尚萃酒店

  • 家具配飾嘅材質同顏色選擇上相當考究
  • 整體風格時尚精緻
  • 房間空間闊敞,最細嘅房都有300尺
  • 鄰近有不少購物商場及觀光景點,離銀座駅都只不過3分鐘步程

雙人房一晚預算:
HKD$2000-2500
Agoda訂房:https://l.flynow.hk/hyatt3dbfe

擴闊圈子: TRUNK HOTEL

  • 多款房間類型,甚至有公寓同別墅房型,設計時尚舒適,
  • 家具同裝飾擺設係日本本土品牌
  • 每個星期五lounge bar都會舉辦文化活動同party

雙人房一晚預算:HKD$2300-2800
Agoda訂房:https://l.flynow.hk/trunk75eb0

懶人之選:品川王子大酒店

  • 鄰近品川站,交通方便裝潢簡約雅緻
  • 設施多,如有Aqua Park 水族館、托兒服務
  • 三餐都係自助餐形式,有海量嘅中西美食
  • 高層房有機會可以見到富士山同東京鐵塔
    雙人房一晚預算:HKD$1100-2000
    Agoda訂房:https://l.flynow.hk/shina23a05

好睇好住﹕格拉斯麗新宿酒店 (哥斯拉酒店)

  • 鄰近新宿站同歌舞伎町嘅繁華路段,位置方便
  • 有特別嘅哥斯拉主題房同普通房揀
  • 部分高層嘅房都有機會見到晴空塔。
    雙人房一晚﹕HKD$1500
    Agoda訂房:https://l.flynow.hk/hotelafbf6

【閱讀更多】
東京搵食-欲罷不能甜品篇
【愈夜愈精彩】東京居酒屋入門精選-7大歡迎外國
【懶人必看】原宿竹下通-原宿周邊-必吃必逛盡推介
東京人氣女僕cafe