【東京懶人包系列】[第1彈] 2018 美食地圖 | 同場加映築地 + 居酒屋攻略 !

0
1135

去日本就梗係要番夠本啦,壽司鰻魚拉麵乜都想食。有時搵間好餐廳又唔係剩係為左滿足味蕾咖嘛,都要比相機食先,但如果剩係得食又好悶,又想食得好,咁我地呢個食盡東京攻略就啱哂大家啦 ! 同場仲有好又可愛又好食甜品推介同居酒屋不可不知5件事 ! 係日本就可以試多啲深度文化遊,試多啲唔同日本文化嘅嘢啦 !

如果想要詳盡版,可以去我地呢個Facebook Post 到留言+1索取👉🏻 東京美食地圖

仲有獨家築地Google My Map 地圖🗺比大家旁下身添呀 !

我地Flynow 而家做緊一連三星期嘅【東京懶人包系列】,會同大家一齊食買盡東京每一寸地方

留意定我地Facebook 我要去旅行 , 第二彈好快就到咖啦。

東京懶人包系列﹕
【東京懶人包系列】[第2彈] 2018 五日玩盡山手線
【東京懶人包系列】[第3彈] 2018 東京近郊指南 | 繁華大都會以外嘅選擇 + 交通教學

築地篇

要食最新鮮、最好食、最正嘅海鮮,梗係要去築地啦 ! 我地就同大家share 幾間好嘅鋪頭啦,食好嘢,就梗係要排隊啦。我地列嘅有啲係超人氣餐廳,記得叉好尿袋同手機先好出發,排隊個陣有啲嘢玩下嘛

場內市場

大江戶-魚生海鮮丼 

有十幾種以上滿滿又新鮮嘅海鮮丼揀,唔同配料千變萬化嘅組合絕對可以滿足每個人唔同嘅需求。除左每日提供嘅菜單之外,都會推出「本日推薦」和「季節限定」揀,每次來都可以有不一樣嘅新感受!
營業時間: 04:30-14:30 (週日及休假日休息)
平均預算: ¥1500- ¥4000


網站﹕l.flynow.hk/214bf

壽司大- 採用最高級的吞拿魚 

壽司大嘅壽司全選築地直接輸入的海鮮,而最特別係刺身表面閃令令,其實係因為加了醋,係傳統嘅江戶時代整法,而家已經很少機會食到。大量嘅當季限量新鮮水產都能在這邊品嘗到。而「店長推薦Omakase 」就最受歡迎,平時都排滿哂各地跑黎朝聖嘅食客。
營業時間: 05:00-14:00 (假日及休市日休息)
平均預算: ¥4000 -¥4999


網站﹕l.flynow.hk/b2f59

鳥藤-人氣親子丼

場內店限定的「鳥めし」雞飯係好多食客嘅心頭好。首先將鳥取大山雞嘅雞髀同雞尾煎香切粒再以照燒汁煮,做法簡單,吃嘅就係雞肉本身嘅原味及口感,入口完全冇雞尾個陣羶味,反而食到雞油香,粒粒米飯索盡甜甜嘅雞汁。
營業時間: 06:00-14:00 (週日及休假日休息)
平均預算: ¥800-¥1500


網站﹕l.flynow.hk/e31fa

八千代-炸海鮮定食

八千代係實力派,靠著美味又豐盛嘅炸海鮮係築地打響名堂,排隊人潮絡繹不絕。其中最受歡迎嘅就係可以食到滿滿海洋鮮味嘅「大蝦‧牡蠣‧扇貝炸物定食」同埋只有週二、四、六先有的隱藏版料理「叉燒蛋定食」。
營業時間: 05:00-13:00 (週日及休假日休息)
平均預算: ¥1000- ¥1900


網站﹕l.flynow.hk/6718a9

 

場外市場

鮨國-海膽迷必食 

有必試嘅「爆滿海膽丼」,係不同產地精選出上等海膽,再鋪在壽司飯上做成丼飯,海膽多到瀉哂出黎,黎自大海嘅甘甜滋味即刻係口腔中擴散。仲有另外一種名貴食材鮪魚卵整嘅「海膽鮭魚卵丼」。
營業時間: 10:00-20:30 (週三休息)
平均預算: ¥5000-¥6000


網站﹕l.flynow.hk/bd79a

狐狸屋-東京第一牛丼 

係日本美食網站 Tabelog 的牛丼熱門榜上高居全日本第一,肉片確實有別於一般店家,滷得十分入味且格外幼嫩,份量都唔少。另外都好推薦同內臟一齊熬煮嘅滷豆腐,切開後滷汁流出嘅畫面讓人可以再多吃一碗飯。
營業時間: 06:30-13:30 (假日及休市日休息)
平均預算: ¥800 – ¥1300


網站﹕l.flynow.hk/04c86

築地丼物市場-人氣丼飯

最受歡迎嘅係號稱滋味媲美烤牛排嘅「鮪魚臉頰肉排丼」,鮪魚臉頰滑嫩嘅魚肉經過炙烤,配上牛油、醬油同黒胡椒嘅調製醬汁,令人口齒留香。不敢吃魚生的人也可以大口品嘗鮪魚的美味。
營業時間: 05:00-15:00 (週四休息)
平均預算:¥1000 – ¥1900


網站﹕l.flynow.hk/tsukieacb4

日式定食篇

日本海鮮新鮮而且稱師傅手勢好,食得多都會想搵啲飯暖下肚
放心,日本仲有好多好正嘅定食咖,小篇剩鰻魚剩係醬都可以撈一碗飯食啦

伊豆榮 本店

18世紀初創業至今已超過260年,係老店中的老店,秘傳嘅醬汁同鰻魚烤法,據說連日本昭和天皇都係忠實fans。伊豆榮嘅鰻魚細緻嫩口,配上醬汁味道鹹淡適中,而且價錢合理,非常值得一試。
營業時間: 11:00 – 22:00
平均預算: ¥2000~¥4999
分店位置:東京都台東区上野2-12-22


網站﹕l.flynow.hk/eel

Loup de Mer

講到日式定食又點少得蛋包飯呢!依間餐廳專賣蛋包飯同咖哩飯,由知名前法式料理餐廳ドン・ピエール總廚經營,黎到必定要試佢嘅蛋包咖哩飯,蛋煎得細嫩香柔,非常蓬鬆,下面嘅炒過嘅咖哩微辣,帶有濃濃嘅香料味,非常惹味,令人想一試再試。
營業時間:11:30 – 14:30、17:30 – 20:30 (平日)
11:30 – 14:30、17:30 – 20:00 (星期六)
11:30 – 14:30 (假日)
星期日及每月第二個星期一休息
平均預算: ¥1000~¥1999
地址:東京都千代田区内神田3-10-7 斉藤ビル 2階


網站﹕l.flynow.hk/loupd5aa4f

麵食篇

去日本,梗係食拉麵啦,又平又地道,係日本拉麵職人整,香港好多拉麵鋪都追唔上啦,但係好多日本拉麵店好多時都要排隊,唔想排隊,都可以有烏冬蕎麥麵
日本人真係好多好正嘅麵同湯底,一定要連湯都飲哂 !

麵創房無敵家

超人氣名拉麵店,有招牌嘅幼嫩原切叉燒,湯底都係同豬背脂熬16個鐘嘅濃厚豬骨湯底,蔥都要用博多出產嘅,仲有晶瑩嘅半熟溫泉蛋,食完成碗都唔會有油膩感。同埋因為太有名氣,小心唔好去錯山寨版呀 !
營業時間: 10:30-04:00(通宵營業,年中無休)
平均預算: ¥1000
地址:豊島區南池袋1丁目17−1崎本ビル1階

網站﹕l.flynow.hk/mutek5a023

 

うどん 慎

人氣烏冬專門店,所有嘅烏龍麵都係老闆自家人手製作,即叫即整,仲會細心到考慮每日嘅濕度同溫度而係製作時有所唔同,誓要做到每一碗都係完美。咬落麵身煙煙韌韌,冷熱都好食。有耐性等嘅朋友都可以一試。
營業時間: 11:00-24:00(通宵營業,年中無休)
平均預算: ¥1000
地址:渋谷區代々木2丁目20−16 相馬ビル 1階


網站﹕l.flynow.hk/9a57d

丸香烏冬

名烏冬店。選擇多,除左湯烏冬之外,斱仲有沾烏冬同天婦羅可以揀。烏冬有有咬口,天婦羅香脆又保持到蔬菜原味。價錢都好親民。
營業時間: 11:00-19:30
平均預算: ¥500
地址:千代田區神田小川町3丁目16


網站﹕l.flynow.hk/udonm63724

主題餐廳篇

日本有好多唔同得意餐廳主題,可以按個人喜好再決定呀!

機械人餐廳

未來感十足嘅機械人主題餐廳,最特別嘅唔係裝飾,而係大家可以邊食邊睇機械人主題表演 ! 有跳舞、又有激光show,客人仲會有機會摸到表演用嘅機械人,全場high爆,好睇又好笑。食物方面主要都係傳統日式便當同壽司,唔好掛住睇show唔記得食嘢呀。用餐時間係每段show 咁計,毎個show大概個半鐘,去之前記得book 好位同早啲到呀 !
營業時間﹕15:30 – 23:30
平均預算: ¥5000
地址:日本東京都新宿區歌舞伎町1-7-1 新宿機器人大樓B2階

餐廳預訂﹕l.flynow.hk/klookfc5ad

Ninja Akasaka

好玩嘅忍者餐廳。由入門口個下,忍者修練就已經開始啦 ! 成間餐廳裝修到好似忍者修道場咁,就連菜牌都係忍者嘅卷宗咁嘅樣。侍應全部都係資深忍者,會好好咁訓練大家,同埋會有魔術表演睇呀。 如果同行有比較多小朋友就最好預約定,因為有為小朋友而設嘅紀念品,同埋店家因為安全考慮而一定要小朋友數目唔可以多過多大人。
營業時間﹕12:00 – 20:00
平均預算: ¥6000
地址: 東京都千代田区永田町2-14-3 赤坂東急プラザ1階

呢條係關於佢地成個主題、佈置,仲有啲菜式都係好好玩添呀 !

網站﹕l.flynow.hk/ninjafc7da

Penguin Bar

東京唯一嘅企鵝餐廳,企鵝咁得意,望住佢地真係好relaxing 呀 ! 餐廳養左對企鵝夫婦同一對小企鵝,係會祝福夫婦婦侶可以長長久久,新婚夫婦就啱哂啦。7點就有佢地親手嘅餵企鵝時間,有得見到啲企鵝圍住你拎嘢食,記得早少少去呀。
營業時間﹕18:00-04:00
平均預算: ¥2500
地址:東京都豊島区池袋2-38-2 COSMY1ビル 1F


網站﹕l.flynow.hk/bar55b01

燒肉篇

食肉獸最愛,豬牛雞海鮮乜都有。自己燒,睇住舊肉慢慢熟,啲油香同肉香怕怕滲出黎,真係好幸福呀 !

Dondon

日式碳燒燒肉店,一家人圍著個碳爐自己燒寧舍有風味。店員都會同食客加碳同換網。全店都剩係用日本牛,咁先抵食咖嘛。而且通宵營業,半夜都可以搵到野食。
營業時間: 17:00-09:00(通宵營業)
平均預算: ¥3500
地址﹕東京都新宿区歌舞伎町 1-23-13下村ビル1F


網站﹕l.flynow.hk/08f5c

和牛一頭燒肉

唔同部位嘅和牛可以散叫,因為佢地係成隻和牛咁買番黎, 所以可以有機會食到啲稀有嘅部位。店內有立食,都可以三五知己坐底食。唔知食乜都可以叫個什錦盛,乜都有啲,而且價錢又平啲。唔夠食都可以臨走時叫一份手手打冷麵打個底。
營業時間: 11:00-15:00、17:00-23:30
平均預算: ¥2500
地址:東京都台東區上野6-6-6


網站﹕l.flynow.hk/0bbae

敘敘苑

高級燒肉店,午市套餐比較抵食。店內裝修靚,而且員工服務體貼,用嘅肉都係高級日本牛,醬汁都係特制,係高水準嘅制作。掛住佢地嘅燒肉,都可以買番枝佢地嘅特制醬汁走,帶番香港慢慢回味。營業時間: 11:00-15:00、17:00-23:30
平均預算: ¥3500(午餐時段)
地址:東京都港區六本木7-14-4 Remm六本木ビル2階


網站﹕l.flynow.hk/japanadb4e

放題篇

食唔夠食唔夠呀, roar! 放題就啱哂各位食肉獸啦,唔洗理Budget,食呀!
除左肉肉肉同肉之外,仲有甜品放題,成頁推介都心大心細唔知揀乜就係呢度放題是但入一間啦。

Bitter Sweet

人氣甜品放題店,有成個玻璃櫥櫃嘅甜品任你揀,仲有即叫即製嘅窩夫同可麗餅,更加唔少得朱古力噴泉同雪糕。驚淨食甜品會悶嘅話,依到仲有多款日式西式熟食,特別推介佢嘅意粉同pizza,全部都係新鮮整起,質素唔會比出面嘅鋪頭差!午市同晚市仲分別有自製漢堡同牛排提供,而且跟據唔同季節月份會有各種期間限定嘅菜單,例如最近就有加錢加配水蜜桃任食。係新宿同池袋嘅LUMINE都有分店。
營業時間: 11:00 – 22:30(平日)
10:30 – 22:30 (週末及假日)
平均預算: ¥1500~¥2999
分店位置: (新宿店)東京都新宿区新宿3-38-1 ルミネエスト新宿店 8階


網站﹕l.flynow.hk/bittersweet

鍋ぞう 池袋店

去日本點可以唔shabu shabu!依間有幾種湯底選擇,包括清湯丶豚骨湯及豆乳鍋、泡菜鍋丶同壽喜燒,擇唔到要咩仲可以加錢要駌鴦鍋。食材方面都非常高質,有黑毛牛、日本豚肉等肉類,仲有多種產地直送蔬菜,唔洗擔心淨食肉唔夠健康!有多間分店,非常方便。
營業時間:11:30 – 15:00、17:00 – 23:00 (平日)
11:30 – 23:00 (週末及假日)
平均預算: ¥2000~¥3999
分店位置:東京都豊島区東池袋1-22-10 ヒューマックスパビリオン池袋サンシャイン60通り 5階


網站﹕l.flynow.hk/nabezou

六歌仙 本館

食物種類極多嘅燒肉放題,唔食牛嘅朋友都可以揀食海鮮,海鮮唔止蝦同帆立貝等,仲有蟹食,另外亦有石鍋飯等熟食供應,一定有樣啱食唔驚冇得揀。燒肉之外六歌仙亦有火鍋放題套餐,同樣有肉有海鮮有熟食。
營業時間:11:00 – 翌日05:00
平均預算:¥7700(基本燒肉或火鍋放題)
分店位置:東京都新宿区西新宿1-3-1
サンフラワービル6階/7階


網站﹕l.flynow.hk/2a406

Cafe 篇

食咁多咁滯,要坐底落下格,搵間cafe坐底,叫杯嘢飲就最寫意。
日本有好多cafe 都有唔同主題,無論係影相定打卡定飲嘢都咁正。
我地呢度就有少少比較特別同環境靚啲嘅cafe。

貓頭鷹之家咖啡廳

依間cafe養左7隻貓頭鷹,仲有唔同嘅物種。大家可以一邊飲嘢, 一邊同貓頭鷹近距離接觸。如果時間啱,都可以試下餵佢地咖。Café 仲搜羅左好多得意嘅貓頭鷹精品,啱哂各位貓頭鷹fans 啦。
營業時間﹕18:00-23:00
平均預算: ¥2500
分店位置:東京都澀谷區神泉町10-16 GOLD CREST澀谷 (ゴールドクレスト渋谷)1階


網站﹕l.flynow.hk/klook4120a

Reissue

3D咖啡拉花大師山本員揮開嘅café 。可以揀精緻又有趣嘅立體拉花。喵星人同熊貓圖案真係好得意。平面拉花都係咁正,畫卡通人物之外,亦可以跟住客人個樣去畫,就算係普通動物都咁可愛,每一杯都靚到唔捨得飲呀,大家記得影多啲相。
營業時間﹕12:00-18:00
平均預算: ¥1000
地址:東京都澀穀區神宮前 3-25-7丹治ビル 2F


網站﹕l.flynow.hk/reiss83bac

甜品篇

甜品有第二個胃,幾飽都食得落 !
呢幾間推介甜品都係又可愛又好食,見到都少女心大爆發。
好想要多啲甜品店,打卡影相定食都咁開心。
想睇更多東京甜品,傳送門﹕東京搵食 – 欲罷不能甜品篇

Harbs 六本木店

Herbs來自名古屋,但人氣高到在全日本都有佢嘅分店。Herbs蛋糕嘅特點係「無負擔感」,怕甜嘅朋友唔洗擔心甜過頭。而六本木店更有限定皇后士多啤梨蛋糕,必食!
營業時間: 11:00 – 22:00
平均預算:¥1,000~¥1,999
分店位置:東京都港區六本木6-10-2 Roppongi Hills 1階


網站﹕l.flynow.hk/harbs15c21

KAWAII MONSTER CAFÉ

名符其實嘅KAWAII(可愛)餐廳!一入去就會見到超大蛋糕造型嘅旋轉木馬,整間餐廳以彩色為主題,每一樣餐點都色彩豐富,連意粉都係五顏六色!甜品無論係雪糕新地、鬆餅、定爆谷,全部都色彩繽紛,充滿少女心!
營業時間:11:30 – 16:30、18:00 – 22:30
平均預算:¥1,000~¥2,999
地址:東京都澀谷區4-31-10 YM Square Bldg 4階


網站﹕l.flynow.hk/kawaid631a

だるまや餅菓子店

日本刨冰的老字號,1947年開店至今,秘密係嚴格篩選嘅材料。刨冰用嘅冰來自「藏元・松月冰室」,係日光天然冰。配料糖漿就用當季盛產的水果,人氣之選嘅極上草莓刨冰,更特別用上無農藥栽種嘅「Amaou(あまおう)」草莓。另外宇治金時刨冰都非常受歡迎。
營業時間:10:00 – 18:30 (星期二休息)
平均預算:¥1,000~¥1,999
地址:東京都北區十條仲原1-3-6

網站﹕l.flynow.hk/homeked6aa

居酒屋

有食,點可以冇飲。
睇日劇成日啲主角一班人去居酒屋玩,飲酒傾計又開心,
去得日本旅行,不如順便班人去居酒屋歎番晚啦!

釣船茶屋ざうお

有得食有得玩嘅居酒屋!餐廳佈置到好似漁船咁,漁船上面係座位餐枱,而環繞側邊嘅大水池入面有好多魚游黎游去,食客可以同職員購買魚竿魚餌,再按自己預算去釣想食嘅魚,釣到交俾廚房烹調,仲可以落order想點整刺身、燒魚、壽司任君選擇。部份分店仲有專為小朋友而設握壽司體驗。
營業時間﹕ 11:30-14:30 、17:00-23:00(平日)
11:30-14:30、16:00-23:00(星期六、日)
平均預算: ¥4,000~¥4,999
分店位置:(新宿店)東京都新宿区西新宿3-2-9 新宿ワシントンホテル 1階


網站﹕l.flynow.hk/7a9c8

鳥良商店 南池袋店

分店眾多,大多都有中文餐牌,非常方便。主打菜式係手羽先唐揚,即係炸雞翼,有唔同辣度揀。炸雞翼外皮酥脆,仲搽咗一層甜醬汁同胡椒鹽,咬落去雞肉鮮甜多汁,令人回味無窮。
營業時間﹕24小時營業
平均預算:¥2,000~¥3,999
分店位置:東京都豊島区南池袋1-20-1 横田ビル 1階・2階
網站﹕https://l.flynow.hk/sfpsfd052d

東京居酒屋體驗

睇完咁多間居酒屋,都係決定唔到去邊間,又或者驚唔知規矩,享受唔到真正居酒屋嘅樂趣?其實都可以試下參加tour,跟居酒屋達人去不同居酒屋,飲飲食食之餘,仲可以聽達人講日本夜生活文化同點餐技巧。全程仲有英文嚮導,唔怕聽唔明日文冇癮。
報名:https://l.flynow.hk/izakaya

仲有好多居酒屋奧秘係呢度﹕
【愈夜愈精彩】東京居酒屋入門精選
【去居酒屋必備】不可不知嘅5件事-連新手點菜指南

 

去居酒屋 不可不知嘅 5 件事

  1. 居酒屋好多時都有「お通し」,又時會寫做「付出し」或者「突き出し」,指嘅係一入鋪頭店家就送上嘅小菜,有啲似酒樓送嘅花生,只係お通し無論食唔食都會收費,通常都係幾百日圓。依個係大多居酒屋不成文嘅規定,就好似俾貼士咁,俾錢嘅時候唔好誤會收多咗呀!
  2. 日本嘅合法飲酒年齡係 20 歲,所以有啲居酒屋會要求客人出示證件,就算唔打算叫酒飲都係要俾店員睇呀。
  3. 好多居酒屋係可以食煙,加上空氣未必好流通,煙味或者會有啲重。怕煙味嘅朋友可以要求禁煙席,或者揾啲禁煙嘅店家。
  4. 入座之後,通常會先叫飲品,然後再慢慢睇餐單決定要食咩。而第一杯飲品通常會點啤酒。
  5. 居酒屋嘅小毛巾大多係重複使用,所以通常淨係用黎擦手,唔會擦臉或者擦嘴,更加唔好用黎擦枱。

【閱讀更多】
【懶人必看】原宿竹下通 原宿周邊 必吃必逛盡推介!
【必收藏】東京駅食買玩必備!地下一番街地圖全攻略
軒仔帶你去愛心女僕café!即睇東京Top4人氣店