【揀和服必去】小朋友都啱著!7間京都人氣和服店推介

0
1544

去京都一定要着和服 ! 但網絡流傳咗好多間好鋪頭,又有啲係網上揾到好平嘅plan,真係心大心細,都唔知揀邊間好。所以我地今次就搜羅咗啲人氣和服店同一啲網絡上嘅平plan 比大家睇下收費同特色, 仲有網址比你睇啱即刻Book,要plan 行程都易啲啦 ! 小編仲搵到個懶人最愛嘅Package,懶人就直接碌到底啦!

親子選擇  – 夢館

有好多唔同風格嘅和服,仲有好多都係鮮艷嘅花花圖案,好啱年輕嘅女性。兒童和服最細件可以去到85 cm都有,小朋友都可以一齊玩。有識中英日韓語嘅職員可以同你溝通,唔怕雞同鴨講 ! 佢地設有自家設計款式,唔洗擔心同人撞款咁尷尬。 如果好鐘意和服嘅朋友,仲可以順手買番套新嘅返屋企 ! 而家好抵嘅係book 一點半之後仲可以第二日先還呀 ! 可惜優惠剩係做到9月頭咋,要去就快啲啦!


(圖片取自夢館Facebook )

女士基本和服套餐預算﹕HKD 206
地址: 〒600-8104 京都市下京区万寿寺町128 / 桜京和服店京都市下京區醍醐町290番烏丸五條ビル2F
營業時間﹕10:00 – 19:30
預訂網址﹕https://l.flynow.hk/klookcdb6d


(圖片取自夢館Facebook )

【閱讀更多】
【東京懶人包系列】[第2彈] 2018 五日玩盡東京山手線
夏日絕景 北海道花田5選
【新手指南】日本京都和服店全指南 流程收費玩法大公開

玩足全日  – 櫻京和服

有專業嘅日本和服師幫手,大家可以安心咁坐定定等人幫自己扮靚靚,而且仲可以用英語溝通,完全唔洗驚溝通問題。一共有6個套餐可以揀,仲有二人套餐,計落平過其他一人套餐唔少,好啱朋友情侶一齊去。如果係親子遊帶住小朋友去嘅話亦都唔洗擔心,依間租和服同樣最細可以提供俾85 cm高嘅小朋友,唔似其他通常要有差唔多100 cm高先有碼啱着。


( 圖片取自櫻京Facebook )

女士基本和服套餐預算﹕HKD469
地址: 〒605-0801 京都市東山區宮川筋8丁目438 北井ビル3F
營業時間﹕09:00-19:00
預訂網址﹕https://l.flynow.hk/kyotokimono

貼心之選  – 夢京都

呢間有識講廣東話嘅工作人員 ! 香港人一定要mark低,偈都可以傾多兩句呀 ! 款式有傳統款、簡單款,同埋都有啲而家嘅流行款。基本套餐只係¥3000,算係非常之平,而呢個套餐嘅和服選擇就比較平雅樸實,由工作人員幫你揀好哂啲配搭,好適合想低調同埋有選擇困難症嘅女士。不過就算係其他套餐,啲工作人員都係好有經驗可以比到意見。唯一問題就係店家唔提供任何化妝服務,女士們要自己搞掂。化妝新手慎選 !


(圖片取自夢京都Facebook )

女士基本和服套餐預算﹕¥3000
地址: 京都市東山区祇園町北側300ACROSS八坂ビル4F
營業時間﹕09:00-20:00
官網﹕https://l.flynow.hk/0ec0f


(圖片取自夢京都Facebook )

款式超多  –  岡本着物

每年服務超過15萬人嘅京都和服租賃元祖老字號,而且鋪頭風格係古色古香木質感,佔地又大,總店入面有個日式庭園, 不過要另外加錢先可以入去影相 ! 岡本係大店,有好幾間分店,而總店同清水寺店就係清水寺隔籬,着完就可以即刻出去影相,非常方便。女士場內總共有過千款和服揀,要一眼關七! 不過基本¥3000套餐就剩係得30款可以揀,小編認為不如就加多少少¥1000,就可以多成十倍款式慢慢睇,計落抵好多。

呢條片就係youtuber 喺岡本到着和服嘅體驗,我地都可以順便睇埋入面到底有幾多和服可以揀 !


女士基本和服套餐預算﹕¥3000

地址: 京都市東山区五条橋東六丁目546-8(總店) | 京都市東山区清水2丁目237-1-1(清水寺店)

營業時間﹕09:00-20:00
官網﹕https://l.flynow.hk/258e9

(圖片取自岡本官網)

傳統之選  – 染匠きたむら

染匠就唔以量取勝,而係以質取勝。款式數量就無其他鋪咁多, 但係好着重手工同傳統,和服質感同用料比較好,而且店員同客人着嘅手勢都好仔細同認真,要差唔多一個鐘時間,而且係根據最傳統嘅典雅着法。呢間係少數包埋整頭髲,不過都係簡單基本盤髲,整體而言比較優雅端莊。網絡上都有好多好評,話看店嘅嬸嬸好親切。因為無兒童和服,有小朋友太細唔夠高着就唔建議啦。如果對和服有要求,又欣賞日本傳統和服美,就一定要黎呢間。

呢度就有個youtuber share佢喺染匠嘅體驗。

女士基本和服套餐預算﹕¥5400
地址: 京都市東山区下河原通高台 寺門前下河原町470
營業時間﹕11:00 – 18:00
官網﹕https://l.flynow.hk/91151


(圖片取自染匠官網)

影相靚位  – 京都花見和服體驗館

川下集團旗下品牌嘅和服租賃店,雖然樓高7層咁多,但就唔係剩係得和服,當中有一兩層係關於旅行資訊,可以順手睇下。頂樓係半開放式設計,可以望到附近嘅祗園白川,換完和服可以順路去影番幾張相。有少量店員識得講流利中文,可以輕鬆同佢地溝通。女童浴衣就有100- 150 cm高可以揀,好啱身材高大嘅女童。


(圖片取自京都花見Facebook )

女士基本和服套餐預算﹕HKD217
地址: 京都市東山區橋本町382-3 花見和服體驗館
營業時間﹕09:00-17:00
預訂網址﹕https://l.flynow.hk/klookf1399


(圖片取自京都花見Facebook )

學生首選  – Wargo

大型連鎖和服店,剩係京都就已經有8間分店,當然日本其他地方都可以搵到。價錢算係相當便宜,¥3000唔洗嘅款都可以青春花俏,而且仲有學生優惠,係指定平價店可以¥2000唔洗,絕對係莘莘學子窮遊必選 ! 不過平價店就無兒童和服,各位父母要小心 ! 價錢相對便宜,但係質感好好,同埋款式大多都係流行嘅圖案,而且顏色花俏鮮艷。 預約都相對簡單,可以即時上網知道邊間店有幾多位。


(圖片取自Wargo 官網)

女士基本和服套餐預算﹕¥2900
地址: 京都府京都市下京區烏丸通七条下東鹽小路町721-1京都塔3F
營業時間﹕09:00-19:00
官網 ﹕https://l.flynow.hk/wargo2e1f3


(圖片取自Wargo 官網)

懶人最愛- 祗園和服之旅

太多啦,選擇困難唔諗啦 ! 又要安排時間去,又要諗番路線番去還和服。所以小編搵咗呢個全包綜合行程,有夢京都嘅和服體驗同set 頭,包酒店接送同行程景點入場費,仲有導遊帶你行祇園。成個package 都唔算貴,但就咩都幫你整好哂,唔洗煩,啱哂我呢啲懶人。

一人預算﹕HKD1045
預訂網址﹕https://l.flynow.hk/klook5bd04

【閱讀更多】
【去居酒屋必備】 不可不知嘅5件事 連新手點菜指南
【懶人救星】2018最新!五日四夜 高雄台南文青美食行程
7大天神博多屋台攻略(內含屋台潛規則同屋台推介)
【懶人救星】2018最新!五日四夜 玩盡大阪全攻略