【小心中伏】要同小強一齊瞓?盤點大阪福岡超級中伏酒店

0
405

去日本旅行想有足夠嘅精神睇靚景、「食好西」,酒店嘅質素就非常重要,以為去大阪、北海道等大城市嘅酒店就一定無問題?其實唔少出名嘅酒店都暗藏中伏位,以下4間日本伏味濃嘅酒店,你又有無住過?

洞爺湖太陽宮酒店

4星級嘅價格,2星級嘅體驗

酒店露天溫泉嘅景觀非常好,可以一邊浸一邊望到洞爺湖嘅靚景,吸引咗唔少住客。但正因為咁吸引,溫泉長時間都塞滿人,而水上遊樂園嘅情況亦一樣,感覺擠迫,根本唔可以好好享受同放鬆。


(圖片來源:Fast Japan)

酒店大堂嘅環境新淨,裝修富現代感。但房間嘅設備及傢私就非常殘舊,日式房間充滿明顯嘅霉味,浴缸亦出現生鏽嘅情況。衛生環境亦有待改善,有住客反咉即使係清潔後,廁所仲留有上批客人嘅頭髮及污跡,令人難以接受。


(圖片來源:Rakuten)

另外,無論係吸煙房或非吸煙房間,都散發住濃烈嘅煙味,即使長期開住空氣凈化器都未有改善,所以對煙味敏感嘅你就要注意!

住客評價



地址︰北海道有珠郡壯瞥町7-1
價格︰雙人房HK$1300
網址:https://l.flynow.hk/edaf4

福岡博多康福特酒店

衛生環境惡劣

酒店設備及傢私比較殘舊,冷氣更不時發出怪聲,對住客造成困擾。雖然酒店有提供免費wifi,但唔少住客都投訴上網速度緩慢,經常斷線,甚至有部分房間收唔到信號。


(圖片來源:Agoda)

酒店房間嘅麈垢較多,浴室角落有唔少黑色污跡,更引嚟蟑螂,衛生環境非常惡劣。更有住客表示員工清潔房間時並無更換床鋪,就算係更換後嘅床鋪丶被套及毛巾亦唔太乾淨,令人無法接受。


(圖片來源:TripAdvisor)

酒店用中央冷氣系統,住客唔能夠因應需要而調節溫度, 加上房間只有一個小通風口,空氣並唔流通,經常出現過凍或過熱嘅情況。

住客評價

地址︰福岡県福岡市博多区博多駅前2丁目1-1
價格︰雙人房HK$700
網址:https://l.flynow.hk/9962d

博多公寓酒店5  

缺乏基本設備,房間連電視都無

酒店check in手續非常麻煩,因check in地點與住宿地點唔同,要係博多車站步行15分鐘到登記地方先可以得到進入嘅鑰匙及密碼。住客需額外花時間搵路及來回兩個地方,對於唔熟路又拖著行李嘅住客嚟講,非常勞累。


(圖片來源:Agoda)

雖然酒店房價較平,適合無咩預算嘅旅客,但酒店內基本設備欠佳,房間除咗無提供電視作娛樂用途外,浴室嘅熱水器亦無法連續供應熱水,喺冬天入住嘅住客造成極大困擾。雖然房間裡有廚房位置,但並無提供任何煮食用具,形同虛設 。


(圖片來源:pixnet.net)

隔音效果亦唔理想,不時會聽到JR及飛機經過嘅聲音,影響住客嘅睡眠質素,阻礙休息。

住客評價

地址︰6-14-30, Yoshizuka, Hakata-ku, 福岡
價格︰雙人房HK$300
網址:https://l.flynow.hk/7e211

關西飯店

整體環境殘舊不堪

酒店所有設施及房間都好殘舊,整體環境及住客評價都欠佳。房間面積細小,無足夠嘅活動空間,打開行李喼後幾乎行唔到部分房間甚至無窗,光線嚴重不足,更出現濃烈嘅霉味或煙味。


(圖片來源:Agoda)

走廊環境昏暗,加上指示牌不足,住客容易蕩失路。而酒店嘅隔音效果理想,係房間內不時都聽到走廊發出嘅噪音,對需要休息嘅住客造成極大困擾。


(圖片來源:Agoda)

酒店附近仲有大量「無料案內所」(介紹日本風俗店嘅地方),所以地點唔適合單身女性或一家大小去旅行嘅家庭入住。另外,雖然酒店距離梅田地下街嘅入口好近,步行只3分鐘,但呢一帶無論係地面或地下街嘅路徑都十分複雜容易蕩失路,所以住客要用唔少時間嚟搵路,影響行程安排

住客評價

地址︰大阪府大阪市北區兔我野町9-15
價格︰雙人房HK$400
網址:https://l.flynow.hk/b2796

唔想再中伏,即刻睇吓5間性價比極高嘅日本酒店啦!

【閱讀更多】

【懶人救星】2018最新!五日四夜 玩盡大阪全攻略

【福岡】四日三夜親子遊懶人包

【任摘任食秋季水果】HK$46無限時任食! 大阪福岡東京超正果園推介