【任摘任食秋季水果】HK$46無限時任食! 大阪福岡東京超正果園推介

0
664

去日本除咗食好嘢同血拼,點少得試下當地水果,巨峰提子、王林蘋果、富有柿,今次小編就搵咗日本秋冬摘水果6個人氣精選,介紹埋去邊間果園摘最好最方便,有任食嘅亦有段磅計嘅,有港人最愛去嘅大阪東京,又有出名多靚水果嘅福岡鳥取青森,任君選擇,plan緊去日本旅行嘅你仲唔快啲bookmark定?

日本人氣水果秋冬產期表(8月-2月):

8月

9月

10月

11月

12月

1月

2月

提子
(大阪、福岡)

(烏取)
蘋果
(青森)
蜜柑
(和歌山、大阪)

(和歌山、福岡)
士多啤梨
(栃木/東京)

*資料來源:日本觀光局 https://www.visit-japan.jp/shindo/fruit/list.html
**以上產期表只供參考,實際收成日期或因天氣等因素而略有不同,所以出發前記得要再double check呀~

八月頭開始:提子

講到要買日本水果做手信嘅話,提子一定走唔甩。日本提子其實夏天就已經開始有收成,一直到10月尾先完,所以秋天去都絕對仲有得摘,人流仲冇暑假咁多添!

柏原市觀光葡萄中心 (大阪)

(圖片來源:Japan Hoppers)

大阪嚟講,柏原市應該係最出名嘅提子產地,依到嘅提子又叫「河內葡萄」同「堅下葡萄」,歷史悠久。而且柏原市觀光葡萄中心都算係離大阪市中心最近嘅任摘提子果園,去大阪嘅朋友可以留意一下!

  • 開放期間:8月10日至10月15日
  • 入場時間:
    (平日) 09:00-13:00 (最後入場時間後可任食至17:00閉園)
    (星期六日及公眾假期) 09:00 ~ 15:00 (最後入場時間後可任食至17:00閉園)
  • 地址: 大阪府柏原市立大縣4-17-9
  • 交通: JR柏原站東口出、近鐵安堂站
  • 入場費:
    成人‎¥1100、小童‎¥800、幼兒‎¥600
    (特大品種「ピオーネ」的收費為‎¥1700/‎¥1300/‎¥900)
    (外帶需另外收費)
  • 官方網頁:http://www.osaka-ja.co.jp/ja/nakakawachi/product/grapepicking.html

田主丸巨峰果園 (福岡)

(圖片來源:久留米觀光會議國際交流協會公式主頁)

九州嘅田主丸町係日本巨峰提子的原產地,亦係令佢發揚光大嘅地方,依到仲有日本最多嘅巨峰果園,所以要摘巨峰提子一定要去田主丸。而田主丸町嘅採葡萄觀光資訊中心就有觀光地圖展示哂所有區內嘅巨峰果園,大多都係唔洗預約,直接同中心職員講翻想去嘅果園號碼就得,佢地就會幫手聯絡果園,等果園派專車接你過去。

小提示:

  1. 可以問下中心職員最近邊間果園收成比較好,然後再決定
  2. 比較多人推薦嘅果園有堤果樹園、中野果實園同右田果樹園
  3. 田主丸嘅果園大多係段磅計而唔係任食套餐
  4. 唔少果園會提供免費試食,但記得要同果園職員查詢,切勿自取

葡萄觀光資訊中心

    • 開放時間:09:00-20:00,星期二休館
    • 地址: 福岡縣久留米市田主丸町田主丸
    • 交通: JR田主丸站
    • 果園入場時間:依果園而有所不同
    • 果園入場費:大多免費入場,要摘先按重量收費,1kg價錢約¥900-¥1200不等
    • 官方網頁:https://www.welcomekyushu.tw/event/?mode=detail&id=9999901002499

睇下其他vlogger嘅介紹:

延伸閱讀:
【福岡】四日三夜親子遊懶人包
7大天神博多屋台攻略(內含屋台潛規則同屋台推介)
【福岡親子遊】天神博多行街全攻略-必到購物景點大公開

 

八月頭開始:梨

日本出產嘅梨出名多汁甜美,而且品種又多,常見有豐水梨同幸水梨,亦有獨有嘅青梨品種「二十世紀梨」。喺日本,梨嘅產期由8月頭開始一直到10月尾,只有3個月時間,所以要摘要買就要快手啲啦!

味果園 (鳥取)

梨狩り‼︎

あーやん(@aayan1019)分享的貼文 於 張貼

講到日本嘅梨子王國,一定係鳥取。而依到出產嘅二十世紀梨仲有「梨王」嘅稱號,無論口感甜度都令一人試難忘。想試下摘依種梨王,可以去鳥取砂丘附近嘅依間味果園,佢係鳥取最大嘅梨園,有15種梨可以摘,由鳥取站坐巴士就去到,非常方便

  • 開放期間:每年略有不同,2018年就由7月28日起開放
  • 入場時間:09:00-17:00
  • 地址: 鳥取縣鳥取市福部町湯山1206
  • 交通:JR鳥取部北口出,去4號巴士站坐岩井(下)線,到浜湯山站落車回頭行大約3分鐘
  • 入場費:
    成人‎¥1000、小學生‎¥800、6歲兒童‎¥600、5歲兒童‎¥500、4歲兒童‎¥400,可任食一小時
    (食唔哂可以用¥1000五個嘅價錢帶走,新興梨就四個收費¥1000)
  • 官方網頁:http://www.mikaen.jp/index.php

八月中開始:蘋果

日本蘋果出名夠甜夠香夠多汁,去到日本旅行又點可以唔買翻幾個?而蘋果出產得最多又最靚嘅一定要數青森縣,佢生產嘅蘋果佔日本全國一半以上,產期由8月中到11月尾,著名品種有黃王、TOKI、富士、世界一 、金星、王林等等,仲有珍貴嘅限定品種,例如信濃Dolce,蘋果味超濃,又例如北紅,甜度有成15%以上!

弘前市蘋果公園 (青森)

園內有多至80個品種一共1,500棵蘋果樹,每年8月到11月都有蘋果採摘體驗,按重量收費。公園入面仲有小食店,有賣蘋果雪糕、蘋果批、果汁等各種蘋果美食,絕對可以過足蘋果癮!

  • 採摘時期:8月至11月中
  • 採摘時間:09:00-16:20 (需要先到公園入面嘅りんごの家登記)
  • 地址: 青森縣弘前市清水富田字寺沢125
  • 交通:JR弘前站落車,再搭弘南バスためのぶ号(12-3月停駛)40分鐘,到りんご公園站落車
  • 入場費:無需入場費,要摘先按重量收費,1kg價錢約¥330,按照蘋果生長或會限制採摘數量
  • 官方網頁:http://www.city.hirosaki.aomori.jp/ringopark/index.html

馬上去片睇睇蘋果公園有幾多蘋果!

蘋果之里 (青森)

(圖片來源:Japan Hoppers)

佔地4公頃,係同地區最大開放俾遊客採摘嘅果園,只需¥200入場費就可以採摘高質青森蘋果。8月人流比較多嘅時候需要事前預約,而每年6月尾到7月尾夏天仲有得摘車里子添。距離果園200米外仲有銷售點,可以直接購買蘋果做手信。

  • 地址: 青森縣青森市大字田茂木野字阿部野1-6
  • 交通:從JR青森站坐青森市內巴士田茂木澤,喺田茂木野公民館前落車
  • 入場費:‎¥200,包兩個蘋果
  • 官方網頁:http://www.ringo-sato.com/index.html

 

十月頭開始:蜜柑

日本蜜柑嘅產期好長,由10月頭開始就好易係超市見到佢地嘅跡影,一直到6月尾都仲係產季,由秋天到初夏都有得食,不過最好食當然係秋冬兩季。而日本比較出名盛產蜜柑嘅有静岡、愛媛、和歌山同熊本等地區。

栗山園 (和歌山)

(圖片來源:幻海一門)

和歌山係日本收穫最多蜜柑嘅縣,而當中嘅代表品種一定係有田蜜柑,佢係公認全日本最好味嘅前幾名。想摘咁好食嘅有田蜜柑,可以去栗山園,佢有成400幾年歷史,喺種有田蜜柑嘅果園入面絕對係數一數二,全部都又香又甜。

  • 開放期間:10月中至12月中
  • 入場時間:09:00-16:00 (日落閉園)
  • 地址: 和歌山縣有田郡広川町井関26
  • 交通:JR湯浅站步行30分鐘或駕車10分鐘
  • 入場費:成人‎¥650、小童‎¥550,無限時任食
  • 官方網頁:https://www.wakayama-kanko.or.jp/spot/detail.php?id=251

上之太子觀光橘園 (大阪)

みかん狩り。 俺は食べないけど。 #みかん狩り #上の太子観光みかん園 #太子町

Naoya(@naoya550622)分享的貼文 於 張貼

位於大阪,交通非常方便,佢嘅規模可以話係關西第一,有三分之個一維園咁大,種咗成一萬棵柑樹,全部種喺向南嘅小山丘上面,絕對曬夠太陽,所以種出嚟嘅蜜柑全部都非常甜。除咗摘柑之外,仲有BBQ場、田賽運動項目、迷宮等遊樂設施,最啱帶住小朋友去玩。
山頂仲可以一覽附近地區方景,非常放鬆。

  • 開放期間: 10月1日至11月30日
  • 入場時間:09:30-16:30
  • 地址: 大阪府南河内郡太子町春日443
  • 交通:近鐵南大阪線上ノ太子站落車步行20分鐘,9:10-16:30期間有免費接駁巴士來往車站及果園,每20分鐘一班
  • 入場費:
    成人‎¥900、小學生¥800、3歲以上兒童‎¥600,費用已包括蜜柑任食放題
  • 官方網頁:http://taishi-mikan.com/

延伸閱讀:
【懶人救星】2018最新!五日四夜 玩盡大阪全攻略
大阪心齋橋好食好買好打卡景點全包圍
2018【購物攻略】6個大阪Outlet推介 – 掃平貨必備 (附交通指南!)

十月頭開始:柿

最俾到人秋天感覺嘅水果,一定非柿莫屬。柿依種水果絕對係秋天限定入面嘅限定,日本柿嘅產期只有兩個月,由10月頭到11月尾,過咗之後就要等成年先有得再食。日本食到嘅柿比起香港人平時食開嘅實淨一啲,絕對係另一番滋味,而當中最出名嘅代表一定係富有柿,甜味比較重,果肉相對其他日本柿軟一啲,非常嫩滑,最夾秋天清涼嘅天氣。

國城觀光農園 (和歌山)


和歌山係富有柿最出名嘅生產地,當地天氣非常適合種植柿子。依間國城觀光農園位於國城山八合目,除咗有提供富有柿任食採摘體驗,仲分別有蜜柑同奇異果嘅任食採摘plan,貪心啲嘅仲可以揀同時任食柿同蜜柑嘅plan,一次過滿足你兩個願望。

  • 入場時間:10:00-16:00,星期五休息,平日需預約
  • 地址: 和歌山県橋本市清水1342
  • 交通:南海紀伊清水站落車,歩行45分
  • 入場費:
    成人‎¥800、小童¥700,無限時任食柿或蜜柑
    成人‎¥900、小童¥800,無限時任食柿及蜜柑
    成人小童500円,無限時任食奇異果
  • 官方網頁:http://www.city.hashimoto.lg.jp/mobile/kankoujyouhou/asobu/1363933470632.html

右田果樹園 (福岡)

(圖片來源:じゃらん)

和歌山以外,其實福岡產嘅富有柿都非常出名,例如右田果樹園,佢依家嘅園主已經係第三代,非常有歷史。而早係半個世紀之前,佢地種嘅柿子已經攞到全國柿品評會嘅優等賞,絕對係質素保證。果園種有幾個品種嘅柿,包括富有柿、元山、松本、伊豆、早秋、太秋同西村,按重量收費,收費為1kg約¥800日元。

  • 入場時間:09:00-17:00
  • 地址: 福岡県久留米市田主丸町地徳3024
  • 交通:JR田主丸站落車,搭15分鐘的士
  • 入場費:
    9月至12月期間無需入場費,要摘先按重量收費,早秋、太秋柿1kg價錢約¥800,富有柿1kg價錢約¥500
  • 官方網頁:http://migitaorchard.com/

延伸閱讀:
【福岡】四日三夜親子遊懶人包
7大天神博多屋台攻略(內含屋台潛規則同屋台推介)
【福岡親子遊】天神博多行街全攻略-必到購物景點大公開

 

十二月頭開始:士多啤梨

日本嘅士多啤梨黎講,最出名嘅分別有東日本嘅代表「栃乙女」(とちおとめ),同埋代表西日本嘅「AMAOU」。而日本士多啤梨嘅產季係由12月頭一直去到5月尾,由冬天開始直到春天尾聲。每年一到士多啤梨季就有唔少果園推出任食採摘套餐,好多人都會放入自己日本旅行行程之中,貪佢好玩之餘士多啤梨又細細粒,冇咁易食到太飽試唔到其他野。

いちごの里農場 (栃木/東京)

東日本嘅代表「栃乙女」係栃木縣果農嘅自信之作。栃木縣係東京附近,好啱去東京旅行嘅時候放個栃木縣一日遊行程入去,親身當地試下最新鮮嘅「栃乙女」。而依間いちごの里農場正係主打「栃乙女」,全部採低農藥細心栽培,食得開心之餘亦都放心。俾錢之後可以30分鐘現場任摘任食,食完覺得唔夠喉嘅話,仲可以去附設嘅cafe,試下佢嘅士多啤梨大福、銅鑼燒同鬆餅,非常滿足。

  • 開放期間: 12月中至5月中
  • 入場時間:完全預約制。預約詳情請到官方網站查詢。
  • 地址: 栃木縣小山市大川島408
  • 交通:JR「小山站」西口搭約15分鐘的士;或者喺東武栃木站搭約15分鐘的士
  • 入場費:
    スカイベリー:
    (12月-3月)成人‎¥2000、3歲以上小童¥1000、3歲以下免費
    (4月-5月)成人‎¥1500、3歲以上小童¥750、3歲以下免費
    栃乙女
    (12月)成人‎¥1700、3歲以上小童¥850、3歲以下免費
    (1月-2月)成人‎¥1600、3歲以上小童¥800、3歲以下免費
    (3月)成人‎¥1500、3歲以上小童¥750、3歲以下免費
  • 官方網頁:https://www.itigo.co.jp

いちごの里農場都好啱親子遊行程,睇下小朋友去玩得幾開心!

延伸閱讀:
【東京懶人包系列】[第1彈] 2018 美食地圖
【東京懶人包系列】[第2彈] 2018 五日玩盡東京山手線
【東京懶人包系列】[第3彈] 2018 東京近郊指南

 

終極懶人即興之選

上面嘅水果同果園建議始終都係季節性,受唔少天氣等其他因素影響,出發前都要做唔少計劃,唔係下下話想摘就有得摘,而且唔少都係預約制或者建議預約,對於唔識日文嘅朋友會比較麻煩。如果只係想體驗一下摘水果,並冇話指定要摘咩嘅話,可以試下跟tour去果園嘅採摘體驗。小編就有以下幾個一石n鳥嘅懶人之選:

富士河口湖大石公園賞花+摘水果+Kachi Kachi山登山纜車+富士五合目一日遊

依個懶人一日遊可以話係最豐富嘅一個,又可以喺河口湖大石公園欣賞季節花卉,春天可以睇油菜花夏天汞以睇薰衣草,又可以搭河口湖天上山公園Kachikachi山纜車,一次過睇哂富士山同河口湖嘅美景,又有得坐巴士上富士山五合目朝聖。而最唔少得就係去山梨縣觀光果樹園,體驗一下摘水果,水果任食食到飽!
Klook留位:https://l.flynow.hk/kachi95bdf

富士山五合目+河口湖+季節水果任食一日遊

同樣都係富士山周邊嘅行程,但就輕鬆啲,不過一樣會去山梨縣嘅果園摘當季水果,而午餐仲可以試山梨特色美食扁平面鍋同炸雞肉,過足口癮。

Klook留位:https://l.flynow.hk/klooke8af9

國營常陸海濱公園+秋季水果採摘

但如果都係想食翻秋季水果嘅話,可以試下依個為秋天而設嘅期間限定行程,可以睇到秋天花卉,仲可以去採摘梨同栗子,仲包埋自助午餐同明太子的老字號製造工場嘅試食參觀,親身體驗一下日本人口中嘅食欲之秋。

Klook留位:https://l.flynow.hk/klook71c54

 

更多美食攻略:
【去居酒屋必備】 不可不知嘅5件事 連新手點菜指南
【日本愈夜愈精彩】東京居酒屋入門精選-7大歡迎外國人嘅居酒屋推介
東京搵食 – 欲罷不能甜品篇