【大阪自由行】JR Pass定近鐵pass去名古屋更抵玩? 大阪交通 全攻略

0
2013

之前小編就介紹過大阪周遊卡,不過大阪可以用嘅交通卡當然唔止咁少!因為近年有唔少人開始由大阪玩到名古屋,所以小編今次就介紹由大阪去名古屋最抵玩嘅交通方法,有D人可能覺得名古屋好遠所以只係夠膽玩大阪,不過其實大阪去名古屋嘅方法並唔複雜,睇完呢個 大阪交通 攻略,就算係第一次去呢兩個地方嘅人都可以簡單上手!

有網民表示佢地係大阪周遊卡+其他周遊卷咁玩,如果你地都打算用大阪周遊卡記得睇埋下面呢篇文,咁先可以玩到盡!
【大阪自由行】半價遊大阪!教你玩盡大阪周遊卡

大阪交通 攻略

1. JR Pass

JR 伊勢熊野和歌山地區周遊券可以由大阪去和歌山等地方!(圖片來源:klook)
JR 伊勢熊野和歌山地區周遊券可以由大阪去和歌山等地方!(圖片來源:klook)

JR pass除咗有季節限定、全國路線適用嘅「青春18車票」可以由大阪去名古屋之外,另一款比較容易買到嘅JR Pass就係「JR 伊勢熊野和歌山地區周遊券」。

「JR 伊勢熊野和歌山地區周遊券」係5日乘車卷,需要連續5日使用,路線範圍都幾廣,除咗JR線同伊勢鐵道線,仲包埋三重及熊野嘅交通巴士線!詳情路線可以望下面嘅路線圖~

JR 伊勢熊野和歌山地區周遊券(HK$ 792)訂購網址:https://l.flynow.hk/5jrkl8c801

路線詳情

(5天之內以下列車可無限次數乘坐)
JR線、伊勢鐵道線的特別急行列車、普通急行列車或快速、普通列車的普通車非預定座位

  • 名古屋站- 大阪市內(關西本線、紀勢本線、阪和線)、日根野站- 關西機場站之間(關西機場線)、多氣站- 鳥羽站之間(參宮線)、龜山站- 大阪市內之間(關西本線)、木津站- 大阪市內之間(片町線)、久寶寺站- 大阪市內之間(大阪東線)、鳳站- 東羽衣站之間(阪和線)、和歌山站- 和歌山市站(紀勢本線)、河原田站- 津站之間(伊勢鐵道線)
  • 於可利用地區內、最多還可搭乘JR在來線普通車指定席4次!主要可搭乘、有指定席座位的列車:特急Wide View南紀、特急黑潮、快速三重

和歌山電鐵線
和歌山站- 貴志站之間

三重交通巴士
外宮內宮線、伊勢二見鳥羽周遊巴士「CAN巴士」、尾鷲站口- 鷲毛區間、尾鷲站口- 瀨木山- 熊野古道中心區間、熊野市站- 千枚田、通嶺入口區間

熊野交通巴士
勝浦站- 那智山區間、新宮站- 本宮大社前區間、新宮站- 小口區間

*租賃腳踏車「站輪君(Ekirin-kun)」 *
和歌山站、紀伊田邊站、白濱站(限12歲以上者)

費用不包含:
特急列車Haruka

小編建議

大阪交通 都算方便,去和歌山賞櫻花都係唔錯嘅選擇!(圖片來源:欣傳媒)
大阪交通 都算方便,去和歌山賞櫻花都係唔錯嘅選擇!(圖片來源:欣傳媒)

不過「JR 伊勢熊野和歌山地區周遊券」並無包括由大阪直接去名古屋嘅新幹線,除非你想去埋和歌山、熊野等地方,否則如果只係想由大阪去名古屋嘅話,呢張pass就唔多抵買。

快速去名古屋之選

搭新幹線由大阪去名古屋都只要51分鐘,係咁多種交通工具之中最快!(圖片來源:Wikiwand)
搭新幹線由大阪去名古屋都只要51分鐘,係咁多種交通工具之中最快!(圖片來源:Wikiwand)

如果唔介意用錢買時間,用最快嘅方法由大阪去名古屋,大阪去名古屋嘅JR新幹線就係最佳選擇!由JR嘅新大阪站去到JR名古屋站都只需要51分鐘車程,中間並唔需要轉車,不過車費就比較貴,單程需要5830円(大約HK$419),但可以有更多時間玩大阪或名古屋,啱晒想喺短時間內玩到盡嘅人!

去到名古屋唔知玩咩景點好?以下呢幾個景點都係連日本人都話必去嘅名古屋景點,去名古屋嘅話記下唔好miss咗呀!
【名古屋自由行】一生必訪白川鄉!日本人票選5大必去名古屋景點

2. 近鐵pass

KINTETSU RAIL PASS並不包括巴士路線!(圖片來源:JTB tourist information center)
KINTETSU RAIL PASS並不包括巴士路線!(圖片來源:JTB tourist information center)

近鐵嘅周遊車票有幾種,不過可以去到名古屋嘅pass就只有「KINTETSU RAIL PASS」及「KINTETSU RAIL PASS plus」,呢兩種都係5日乘車卷,需要連續5日使用,不過「KINTETSU RAIL PASS plus」除咗近鐵路線,仲會包埋巴士路線,詳細路線可以望下圖~

KINTETSU RAIL PASS(HK$ 247起)訂購網址:https://l.flynow.hk/125kl8e466

KINTETSU RAIL PASS plus路線圖

可利用近鐵電車全線、伊賀鐵道全線、奈良交通巴士、伊勢志摩地區的三重交通巴士和鳥羽市’Kamome'(海鷗)巴士盡情暢遊 在周遊券的使用範圍內均可自由上下車而且不限次數。

●巴士 使用範圍內

奈良交通巴士
奈良公園、西之京、法隆寺、明日香、室生、山之邊之道區間

三重交通、鳥羽市海鷗巴士
松阪、伊勢、鳥羽、志摩區間,近鐵湯之山溫泉站~御在所空中纜車區間,桑名站、近鐵長島站~名花之里區間(出發站根據期間而有所不同。)

關西加名古屋抵玩之選

雖然清水寺仍然維修緊,不過由寺上望出去嘅京都景色仍然好靚,值得一去!(圖片來源:絕景日本)
雖然清水寺仍然維修緊,不過由寺上望出去嘅京都景色仍然好靚,值得一去!(圖片來源:絕景日本)

如果唔止去大阪,仲打算玩埋熱門地點京都、奈良、名古屋等,「KINTETSU RAIL PASS」就好抵玩,京都嘅清水寺、奈良嘅奈良公園等附近都有近鐵嘅車站,而且大阪嘅近鐵車站位於港人常去嘅難波區,如果依路線由大阪開始,再去京都、奈良等,最後以名古屋作為終點站,行程都算順暢!

而且「KINTETSU RAIL PASS」同大阪周遊卡一樣,部分熱門觀光景點可以用優惠價購買入場卷,所以想玩關西地區及名古屋嘅人確實抵買!而且價錢比同樣係5日卷嘅「JR 伊勢熊野和歌山地區周遊券」平好多!

觀光優惠設施表:請按此

如果去難波、心齋橋記得睇定有咩係必買必食!個邊超多店舖,到時先睇可能會花多眼亂!
大阪心齋橋好食好買好打卡景點全包圍

小編建議

不過如果純粹想由大阪去名古屋嘅話,「KINTETSU RAIL PASS」就未必適合,因為呢張pass並不包括特急列車,普通列車由近鐵大阪難波站去近鐵名古屋站起碼要3小時20分鐘車程,而且仲要轉2次車先到,交通唔算方便,如果想慳時間、快速方便去名古屋嘅話,可能JR新幹線比較適合。

結語

KINTETSU RAIL PASS玩關西就比較抵玩!(圖片來源:klook)
KINTETSU RAIL PASS玩關西就比較抵玩!(圖片來源:klook)

雖然純粹由大阪去名古屋嘅話,「KINTETSU RAIL PASS」未算方便,不過我覺得比較適合第一次或者對關西唔算好熟嘅旅客,因為呢張pass包含好多熱門旅遊景點,仲有景點優惠卷,加上pass嘅售價合理,比「JR 伊勢熊野和歌山地區周遊券」平,所以小編覺得「KINTETSU RAIL PASS」比較抵玩!

反而「JR 伊勢熊野和歌山地區周遊券」比較適合想喺關西深度遊嘅旅客,你地可以按自己嘅行程需要選擇最適合你地嘅周遊卷!

KINTETSU RAIL PASS 訂購網址:https://l.flynow.hk/125kl8e466
JR 伊勢熊野和歌山地區周遊券 訂購網址:https://l.flynow.hk/5jrkl8c801

大阪酒店

準備好大阪交通pass,記得仲要準備好酒店!揀間近車站嘅酒店就最方便!
【大阪自由行】Hotel Sunroute Osaka Namba每晚只要$600!5大網友推薦大阪酒店推介

名古屋酒店

【名古屋自由行】連日本天皇都揀嘅酒店!5間人氣超高名古屋酒店推介

 

【大阪其他景點推介】
【大阪自由行】識食一定咁食!5間日本人大力推薦梅田必食餐廳
【大阪購物必去】去機場前最後衝刺!臨空城Outlet全攻略