【大阪自由行】2019年日本櫻花預測!3大必去京都 大阪櫻花 景點

0
1099

每年嘅3月至4月都係去日本賞櫻嘅最佳季節,有好多日本媒體已經公佈咗2019年日本櫻花嘅開花預測,想今年去日本賞櫻嘅人就要留意喇!小編仲會話埋比你知咩景點嘅櫻花景色係最靚,今次會率先介紹京都 大阪櫻花 景點,呢三個地方都有超多櫻花樹,可以影到超壯觀嘅櫻花景色,你都想影靚相打卡嘅話,記得bookmark喇!

1. 京都櫻花

淀川河川公園 全日本最受歡迎賞櫻地點

淀川河川公園嘅櫻花樹森林好靚!喺櫻花樹下野餐好似都唔錯!(圖片來源:絕景日本)
淀川河川公園嘅櫻花樹森林好靚!喺櫻花樹下野餐好似都唔錯!(圖片來源:絕景日本)

淀川河川公園位於三條河流之間,總共有250棵櫻花樹,成個櫻花樹「走廊」全長1.4米!咁多櫻花樹聚集每年成功吸引超過40萬人過來賞櫻,喺全日本最受歡迎嘅賞櫻花地點之一!

高空賞櫻花最啱影相打卡!(圖片來源:Twitter)
高空賞櫻花最啱影相打卡!(圖片來源:Twitter)

2017年仲起咗個高25米嘅櫻花展望塔(さくらであい館),可以高空睇晒成個櫻花樹「走廊」嘅景色,畫面肯定好震撼!影相打卡必去!

預計櫻花開花時間:2019年3月29日
櫻花祭時間:2019年3月30日~4月7日
開放時間:09:00~17:00(展望塔 ~16:30)
入場費:全免
地址:京都府八幡市八幡在応寺地先
官網:https://www.yodogawa-park.go.jp/

京都夜櫻點燈之選

其實夜晚都可以睇到靚櫻花架!(圖片來源:絕景日本)
其實夜晚都可以睇到靚櫻花架!(圖片來源:絕景日本)

其實唔單止可以日頭賞櫻花,其實夜晚賞櫻花都係幾正嘅體驗!圓山公園可以見到好出名嘅「祇園枝垂櫻」,喺夜晚燈光之下賞櫻花感覺同日頭好唔同,如果你都想試下夜晚喺京都賞櫻花,但唔想煩交通嘅話,都可以參加呢個半日遊,睇完日頭嘅櫻花,再睇埋夜晚嘅櫻花肯定好滿足!

京都夜櫻點燈、圓山公園、高台寺、清水寺半日遊
預約網址:https://l.flynow.hk/klook-1ff59

其實京都仲有唔少景點都好值得去,去睇京都櫻花嘅時候都可以去埋以下呢幾個地方!
【大阪自由行】京都神秘拍拖熱點?5個必去超正京都景點

2. 京都酒店

想睇晒咁多個地方嘅櫻花當然要book返間交通方便嘅酒店啦!小編特別精選咗5間好新淨嘅京都酒店,仲要近車站又多購物點,無論去shopping或觀光都夠晒方便!
【大阪自由行】附近超多店舖餐廳!5間方便抵住京都酒店推介

 

3. 大阪櫻花

毛馬櫻之宮公園 超特別船上賞櫻

睇 大阪櫻花 仲可以遊船河,簡直係雙重享受!(圖片來源:大阪観光局)
睇 大阪櫻花 仲可以遊船河,簡直係雙重享受!(圖片來源:大阪観光局)

毛馬櫻之宮公園位於大河旁邊嘅海濱公園,公園種植咗大約4,800棵櫻花樹,喺每年嘅3月尾至4月頭河邊嘅景色就會被櫻花染成一片粉紅色,而且呢條河係好出名嘅遊船河路線,喺船上賞櫻花就唔洗怕同其他人逼,安心影靚相!

如果唔想搭船,喺河邊類櫻花都係唔錯嘅選擇!(圖片來源:zekkeijapan)
如果唔想搭船,喺河邊類櫻花都係唔錯嘅選擇!(圖片來源:zekkeijapan)

而且呢個公園同同樣係賞櫻勝地嘅大阪城公園好接近,睇完大阪城公園嘅櫻花,再來毛馬櫻之宮公園遊船河就啱晒!

預計櫻花開花時間:2019年3月28日
開放時間:全日開放
入場費:全免
地址:大阪府大阪市都島区中野町
官網:http://www.osakapark.osgf.or.jp/kema_sakuranomiya/

去大阪城公園嘅話記得用大阪周遊卡,咁樣搭車就更抵玩!想知道更抵玩嘅行程可以睇埋下面呢篇文!
【大阪自由行】半價遊大阪!教你玩盡大阪周遊卡

4. 大阪酒店

以下呢幾間都係2018年超級受歡迎、好多網友都話好住嘅大阪酒店,而且去毛馬櫻之宮公園都好方便!
【大阪自由行】Hotel Sunroute Osaka Namba每晚只要$600!5大網友推薦大阪酒店推介

5. 奈良櫻花

藤原宮跡 一次過賞櫻花及油菜花

油菜花加埋櫻花,兩種顏色加埋超靚!(圖片來源:フォートラベル)
油菜花加埋櫻花,兩種顏色加埋超靚!(圖片來源:フォートラベル)

藤原宮跡一年四季都可以見到唔同類型嘅花,不過春季最精彩嘅肯定係櫻花及油菜花同時盛開,鬥麗爭妍,250萬朵油菜花加上超多櫻花樹,一片黃色加粉紅色嘅畫面,小編睇相都覺得超靚!想一次過睇兩種花一定要過來呀!

預計櫻花開花時間:2019年3月28日
開放時間:全日開放
入場費:全免
地址:奈良県橿原市高殿町他
官網:http://www.city.kashihara.nara.jp/kankou/own_sekaiisan/hanadayori/kaikajyoukyou.html

 

【大阪其他景點推介】
【大阪自由行】重新裝修加至400間店舖!大阪景點天王寺MIO購物攻略
【大阪自由行】Hello Kitty陪你去京都!大阪交通推出全新Hello Kitty列車