【大阪自由行】附近超多店舖餐廳!5間方便抵住 京都酒店 推介

0
711

去大阪自由行當然唔止玩大阪啦!京都係另一個超級熱門嘅關西旅遊景點,距離大阪都只係1小時車程,但兩個地方嘅感覺就完全唔同!如果話大阪可以見到日本現代大城市嘅一面,京都就可以見到古色古香嘅日本,唔少人仲會喺京都住幾晚,好好欣賞京都嘅自然風景,到底京都住邊間酒店先好?小編特別精選咗5間好新淨嘅 京都酒店 ,仲要近車站又多購物點,無論去shopping或觀光都夠晒方便,想住最正嘅京都住宿一定要bookmark喇!

5間超正 京都酒店

1. 京都精選巴哈大酒店(Hotel Grand Bach Kyoto Select)

設泡泡浴溫泉 樓下直達錦市場

Hotel Grand Bach Kyoto Select嘅房間雖然幾有設計感,不過空間感覺偏細!(圖片來源:agoda)
Hotel Grand Bach Kyoto Select嘅房間雖然幾有設計感,不過空間感覺偏細!(圖片來源:agoda)

京都精選巴哈大酒店 距離京都站最快12分鐘就可以到達,而且距離酒店最近嘅車站「河原町站」都只要4分鐘步程,交通非常方便!

行咗成日,浸個暖笠笠嘅溫泉就最啱!(圖片來源:agoda)
行咗成日,浸個暖笠笠嘅溫泉就最啱!(圖片來源:agoda)

酒店樓下就有錦市場,附近亦有大型百貨公司,想去影相打卡嘅話,酒店附近有袛園、八阪神社,就算去京都最著名景點清水寺都只要30分鐘步程,無論去購物或觀光都好方便!酒店下午會提供免費飲品,夜晚更會有免費嘅茶泡飯,當宵夜一流!酒店佈有兩個大浴場,其中一個浴池仲會自動出泡泡,行到攰浸個泡泡浴就啱晒!

除咗清水寺可以見到京都全景,其他京都景點嘅風景同樣都好值得睇,鍾意睇自然風景嘅話,記得去埋下面嘅景點喇!
【期間限定】睇紅葉必去!大阪京都8大超正賞紅葉熱點

住客評價

地址:京都府京都市下京區四條通寺町西入奈良物町364
價格:雙人房HK$649起
訂房網址:https://l.flynow.hk/00c19

 

2. 京都四條新町因特蓋特酒店(Hotel Intergate Kyoto Shijoshinmachi)

設有溫泉 全日免費點心飲品

Hotel Intergate Kyoto Shijoshinmachi嘅房間喺 京都酒店 來講都算大間!(圖片來源:agoda)
Hotel Intergate Kyoto Shijoshinmachi嘅房間喺 京都酒店 來講都算大間!(圖片來源:agoda)

京都四條新町因特蓋特酒店 係2018年開業嘅新酒店,距離京都站只要11分鐘車程即可到達,酒店附近有烏丸、四条兩個地下鐵站,亦有巴士站,交通都算方便!


呢段影片可以見到Hotel Intergate Kyoto Shijoshinmachi嘅酒店環境,到底房間有幾大間?

由酒店行過去錦市場、河原町商店街大約20分鐘步程,就算唔想行咁遠,酒店附近亦有超多餐廳可以選擇。酒店除咗會提供2枝免費水之外,每小時仲會免費提供唔同類型嘅小食,下午會有點心,夜晚甚至有酒提供,最啱吃貨!呢間酒店備有溫泉,只要係住客就可以免費浸溫泉,放鬆身心!

如果鍾意小動物嘅話,小編推薦你去埋以下嘅動物Cafe,柴犬Cafe距離酒店只係13分鐘步程,咁近一定要去埋!
【任摸任抱】超萌水獺陪你食午餐!6間必去 京都大阪動物cafe

住客評價

地址:京都府京都市中京区新町通錦小路上る百足屋町387
價格:雙人房HK$514起
訂房網址:https://l.flynow.hk/62446

 

3. 京都站前大和ROYNET酒店(Daiwa Roynet Hotel Kyoto-ekimae)

超近京都站 電梯直達地下街

Daiwa Roynet Hotel Kyoto-ekimae嘅房間置物空間感覺都算足夠!(圖片來源:agoda)
Daiwa Roynet Hotel Kyoto-ekimae嘅房間置物空間感覺都算足夠!(圖片來源:agoda)

京都站前大和ROYNET酒店 距離京都站只係5分鐘步程,無論搭地下鐵、新幹線或者巴士都好方便,地理位置超好!

沿住酒店外嘅電梯落去就即到地下街,而且附近仲有多間百貨公司,購物狂最愛!酒店附近有著名景點京都塔,而且有多間餐廳,想嘆美食都好方便,觀光、美食、購物、交通一應俱全!

咁近京都站,當然要擅用埋交通方便呢點去多D景點啦!以下景點都有超靚嘅自然風景,仲有埋由京都站過去嘅交通方法,Plan行程最啱!
【影相呃like首選】日本版天空之鏡!大阪京都5大超靚秘景推介

住客評價

地址:京都府京都市下京区烏丸通七条下ル東塩小路町707-2
價格:雙人房HK$709起
訂房網址:https://l.flynow.hk/a7232

 

4. 京都世紀酒店(Kyoto Century Hotel)

京都站隔離 商場餐廳雲集

Kyoto Century Hotel嘅張雙人床超大張,啱晒親子遊嘅家庭!(圖片來源:agoda)
Kyoto Century Hotel嘅張雙人床超大張,啱晒親子遊嘅家庭!(圖片來源:agoda)

京都世紀酒店 雖然係1981年開業嘅酒店,不過2015年已經重新裝修,所以都唔洗擔心設施太殘舊。酒店隔離就係京都站,由酒店行過去都只要1分鐘步程,而且可以搭地下鐵、新幹線或者巴士去其他景點,啱晒想玩到盡嘅旅客!

雖然唔少網民表示房間比較細,不過酒店提供免費handy手機,可以比住客隨身攜帶,咁就唔怕用晒數據無得上網喇!

住客評價

地址:京都市下京區東洞院通鹽小路下東鹽小路町680
價格:雙人房HK$715起
訂房網址:https://l.flynow.hk/4e9ad

 

5. 京都河原町三條Resol酒店(Hotel Resol Kyoto Kawaramachi Sanjo)

百貨公司批發超市隔離 購物狂必住

Hotel Resol Kyoto Kawaramachi Sanjo嘅房間設計好日式!(圖片來源:agoda)
Hotel Resol Kyoto Kawaramachi Sanjo嘅房間設計好日式!(圖片來源:agoda)

京都河原町三條Resol酒店 係2018年開業嘅新酒店,酒店設施非常新淨!酒店距離京都站18分鐘車程,附近有多個地下鐵站「京都役所前站」、「三条站」、「河原町站」,酒店對面亦有巴士站,交通非常方便!

酒店附近有超多購物點!對面有連鎖生活雜貨百貨公司「Loft」,酒店隔離仲有間出晒名貨品超平嘅批發超市,買完野可以放低酒店,再落街掃過,酒店附近亦有多間餐廳可以補充體力,最啱購物狂!

到底係邊間超市咁平?呢間超市喺京都都有分店,入面有好多貨品都係超低價發售!掃平貨必去!
【東京大阪都有!】烏龍茶$3炭燒咖啡$2!日本隱世超平批發超市

住客評價

地址:京都府京都市中京区大黒町(河原町通) 中京区河原町通 三条下る大黒町59-1
價格:雙人房HK$738起
訂房網址:https://l.flynow.hk/c844b

 

【大阪其他景點推介】
【大阪自由行】半價遊大阪!教你玩盡大阪周遊卡
【大阪購物必去】去機場前最後衝刺!臨空城Outlet全攻略