【平過黑門市場】大阪必去木津市場 平掃水果海產零食手信

0
1887

大阪旅行皇道行程當然唔少得黑門市場,掃日本水果零食手信簡直一流,又平又正又多款……少年你太年輕了,仲去黑門市場?依家識買緊係去木津市場啦!同樣都係掃水果零食手信嘅好地方,但木津市場嘅價格通常都比黑門市場平兩三成,聽講黑門市場唔少店舖其實都係喺到攞貨添呀!

木津市場 vs 黑門市場

到底木津市場係一個點樣嘅地方呢?其實佢係一個批發街市,主打用比市價低嘅價錢批發同零售鮮魚、水果等新鮮食品,亦會賣啲乾貨食材,大致上同黑門市場都幾似,但就再平啲同埋以掃貨為主,比較少邊行邊食同試食。小編就整理咗兩個市場嘅對比表,大家可以睇下邊個比較啱自己~

木津市場 黑門市場
營業時間 大約05:00-11:00 大約09:00-18:00
休息日 逢星期日同三,公眾假期休息 無休息日(個別商店有休日)
商店數目 約150間 約170間
商店類型 新鮮食品(鮮魚、蔬果、鮮肉雞蛋等)、
乾貨食材、餐廳、超級市場
新鮮食品(鮮魚、蔬果、鮮肉雞蛋等)、
和菓子、乾貨食材、衣物、餐廳、藥局
歷史 超過 300 年 超過 170 年
特色

 

 

 

 

 

 

 

 

主打本地零售批發 主打遊客市場
價錢平均較黑門市場平,但店鋪開箱後好快就送走啲貨,望落會覺得唔多生果放喺度選擇,要睇下運氣 價錢會較木津市場貴啲,但比較方便

 

大部份商店不提供即買即食,比較適合住宿地方有得煮食嘅朋友 鮮果和海產可即買即食
過半店鋪都係海產檔,水果鋪佔得比較少,但數量都幾多 海產檔同餐廳佔得比較多
冇街邊小食掃街鋪頭,但入口有幾間餐廳,好受歡迎 較多食肆同掃街嘅鋪頭

 

延伸閱讀:
【懶人救星】2018最新!五日四夜 玩盡大阪全攻略
大阪心齋橋好食好買好打卡景點全包圍

 

交通方法

木津市場好近大阪熱門景點,梅田、心齋橋同難波站都有地鐵直去,只要搭御堂筋線去到大國町站,喺1號出口出,上到去後轉,喺第一個路口轉右直行唔洗3分鐘就到啦~

唔係好明?可以跟住下面GOtrip嘅短片行:

地址:大阪市浪速区敷津東2-2-8
網站:http://kizu-ichiba.com/index.html

 

 

開放時間

木津市場並冇一個官方開放時間,但大多數店鋪嘅營業時間都係介乎05:00-11:00
想去嘅朋友建議08:30-10:00依段時間去,太早嘅話仲係買賣批發貨時間,店家未必有時間理會零售嘅客人;而太遲嘅話好多店鋪都準備閂門休息,咁就要明天請早啦。

而休息日方面,主要逢星期日同三休息,日本公眾假期都會休息,但都會有假日營業或者平日臨時休業嘅情況出現,建議去之前上翻佢嘅官網睇睇呀~

2018年嘅休息日同營業日可以參考以下日曆,紅字同綠色圓圈代表休息日,黑字同黑色方框框住代表營業日。
木津市場2018年開放日子

 

 

必買必食必試推介

平掃日本當造水果

View this post on Instagram

🍑3000yen for one box

A post shared by ZzzyanzzZ (@zzzyanzzz) on

絕對喺嚟木津市場嘅首要目標!想大手入貨日本水果嘅話,依到應該真係差唔多最抵,有啲嘅包裝同牌子同黑門市場嘅望落一模一樣,同樣咁靚咁正,但就平兩三成,買得多嘅話,真係分分鐘鐘可以慳翻啲錢再買多盒!好多港人最愛嘅日本水果都可以係到揾到,但記得要留意翻季節,秋天就緊係必掃晴王、巨峰提子同富有柿,冬天就唔少得士多啤梨,夏天當然要買蜜瓜同岡山白桃,諗起都流哂口水呀!
咁抵玩不過就有兩樣野要留意翻:

  1. 木津市場始終係批發市場,有啲鋪頭未必做零售冇得散買,要一箱箱咁買,所以要問翻清楚先好買呀!但近年多咗遊客幫襯,都愈黎愈多俾散買
  2. 上面都有提過,依到嘅水果檔唔少開箱後好快就賣走送走啲貨,所以望落未必覺得有好多選擇,所以都係要睇少少運氣,早起的鳥兒有蟲吃呀!

 

小提示:
買完水果唔知可以點帶翻香港?其實木津市場嘅JP Post有提供冷藏或冷凍EMS服務,可以買完就即刻寄翻香港,唔洗拎住咁重又要諗點放入行李咁麻煩,但相應付出嘅代價都比較貴(係非~常之貴),例如冷藏EMS,佢1kg就收費¥10500,15kg就收¥20100,而水果依類貨物都真係有翻咁上下重量,想留翻啲錢買多啲水果嘅朋友,都係乖乖地自己hand carry會比較好啲,而且水果店大多都會提供紙盒同幫手包裝,都叫方便。

延伸閱讀:【任摘任食秋季水果】HK$46無限時任食! 大阪福岡東京超正果園推介

 

入手新鮮海產

雖然木津市場嘅海鮮檔幾乎全部都冇即買即食或者即燒嘅服務,但如果你住宿地方有得煮食嘅話,小編推薦你一定要買啲翻去簡單料理,絕對係滿滿嘅幸福感!而且話就話冇得好似黑門市場咁即買即燒,冇咁方便即刻食,但其實依到都有唔少魚生海膽刺身個啲買,唔洗煮一樣可以感受到木津市場嘅鮮味。

 

自製日本料理必備:乾貨調味料

難得去到日本當地市場,當然要買翻啲地道乾貨食材,翻到香港要整日本料理都唔會話搵唔到材料呀,啱哂鐘意煮飯仔嘅朋友!木津市場有唔少賣乾貨同調味料嘅鋪頭,用好平嘅價錢就買到乾貝、魚乾、海苔、海帶、等日本乾貨。有整開日式甜品嘅仲可以係到買到もち粉(糯米粉)、だんご粉、わらび餅粉(蕨餅粉)等等香港比較難買到嘅材料,一定大有斬獲!

 

ODA業務超市

View this post on Instagram

大阪木津市場にある業務用食材センターODAです。 インスタはじめました😄 これからちょこちょこと商品などをアップし紹介させていただきます😆 お店にも ぜひ覗きに来ていただくだけでも結構ですので宜しくお願いいたします‼︎ 市販用商品もございますので飲食関係の方はもちろん一般の方も大歓迎です😙 #大阪#OSAKA#難波#なんば#nanba #浪速区#大国町#今宮戎 #大阪観光#天下の台所#木津卸売市場#木津市場#市場#木津まち横丁#kizuichiba #業務スーパー#supermarket #食品#調味料#油類#ドレッシング#乾物#喫茶#酒類#冷凍食品#チルド#乳製品 #八百屋#鮮魚#精肉

A post shared by オーディエー木津営業所 (@oda_kizushop) on

木津市場必行大型的批發超市ODA,用超平批發價就可以買到各種日本食材,另外仲有賣新鮮食品例如水果、蔬菜、肉類同海鮮,價錢比平時喺日本街上見到嘅超市平好多。而且依到可以話係有齊木津市場入面可以買到嘅貨品種類,連零食都有得買,如果唔夠時間行哂成個市場只可以去一間鋪頭嘅話,個間一定係ODA!

ODA木津市場店
營業時間:平日及星期六(星期三除外) 05:30-20:00;星期三、日及假期 08:30-18:00
網站:http://www.foods-oda.jp/contents/shops/#entry-id-45

 

川上鰻魚飯

雖然木津市場嘅餐廳並冇黑門市場咁多,但都有啲必食之選咖!例如依間川上鰻魚飯, Tabelog 評分高達 3.56 分,係傳統關西風鰻魚飯老店,價錢親民,只要二千幾円就可以食到大大碗鰻魚飯,鰻魚外皮香脆可口咬落又非常鬆軟。而且仲有得單買鰻魚拎翻去酒店慢慢食添!
地址: 大阪府 大阪市浪速区 敷津東 2-2-8 木津卸売市場

營業時間:05:00-13:00 (星期三、星期日及假期休息)
平均預算:¥2000-¥2999
網站:http://www.unagi-kawakami.co.jp/

 

錢湯 太平のゆ

View this post on Instagram

ー 7月30日〜8月3日 入館受付/8時〜12時までに入館 大人入浴+岩盤浴1300円(通常1600円) 数量限定ランチ付きは1900円と大変お得! ランチは早々に売切れの場合あり ランチは11時〜14時まで ー ー ー #大阪 #難波 #なんばパークス 近隣 #スーパー銭湯 #太平のゆ #大国町 駅から徒歩約5分 #木津市場 敷地内に #銭湯 #zeppなんば のお隣 ー ー ー #露天風呂 #炭酸泉 変わり湯 シルク風呂 寝転び湯 冷水風呂 #サウナ #岩盤浴 #漫画 4000冊 ー ー ー ボディケア あかすり カットは1080円 お食事処 #海鮮 #海鮮丼 #お酒 #日本酒 #ビール #lunch #ランチ は銭湯で! ー ー ー 店舗周辺 #心斎橋 #道頓堀 #天王寺 #阿倍野 #日本橋 #御堂筋 #四ツ橋 #今宮戎 #淀屋橋

A post shared by 湯源郷 太平のゆ なんば店 (@nanba_taiheinoyu) on

行到攰哂,仲可以去市場二樓嘅公眾澡堂浸個浴,夠哂方便,感受下日本地道文化之餘又可以放鬆一下自己。

營業時間:08:00- 翌日01:00
價錢:¥800(大人),¥400(小童)
網站:http://www.taiheinoyu.jp/mysite13/indexn.html

 

朝市

木津市場賣緊嘅除咗係批發價食品,仲賣緊地道嘅市場體驗,最明顯嘅例子就係佢每個月都會搞兩次嘅朝市活動,會有個個都可以參加嘅小型拍賣會、試食等活動。如果旅行咁啱撞到木津市場舉辦朝市,不妨放一日行程去睇下玩下呀!

下面條片正正就係朝市嘅小型拍賣會,老闆娘拎出店鋪各種海產拍賣,圍觀嘅人就出價,價高者得。到中段老闆娘更加同大家玩包剪揼,一直都冇輸俾老闆娘嘅人就可以攞走獎品!真係睇片都感受到有幾咁熱鬧好玩~

舉辦時間:每個月第二同最後一個星期六,09:00-12:00
活動網站:https://kiduichiba.jp/

 

延伸閱讀:
【迷你兵粉絲必到】日本環球影城迷你兵主題房
2018【購物攻略】6個大阪Outlet推介 – 掃平貨必備 (附交通指南!)
【日本超正住宿】晚晩免費宵夜放題!大阪福岡性價比高酒店推介
【小心中伏】要同小強一齊瞓?盤點大阪福岡超級中伏酒店