【大阪自由行】大阪超大型溫泉主題公園「空庭温泉」2019年開幕!

0
5582

講起大阪溫泉酒店可能淨係會諗起Dormy Inn Premium,鍾意浸溫泉嘅人2019年就多一個大阪必去景點喇!關西最大型嘅溫泉主題公園「空庭温泉 OSAKA BAY TOWER」將會喺2019年2月26日開幕,佔地5,000坪,公園入面有超過6種溫泉可以選擇,更有對皮膚超好嘅「美肌の湯」等設施,仲會設唔同餐廳比遊客浸完溫泉食嘢休息,想知道點樣可以玩盡呢個溫泉樂園就要撳入來睇下喇!

「空庭温泉 OSAKA BAY TOWER」多類型溫泉

超大個露天溫泉!而且和式庭院設計感覺舒服!(圖片來源:rocketnews24)
超大個露天溫泉!而且和式庭院設計感覺舒服!(圖片來源:rocketnews24)

「空庭温泉 OSAKA BAY TOWER」係大阪比較少有、用溫泉作主題嘅樂園,最大賣點一定係由1,000米深嘅地下抽出來嘅天然溫泉,溫泉水屬於弱碱性,對皮膚好好,所以亦稱為「美肌の湯」。樂園有個大面積嘅露天溫泉,環境以日本和式庭院作設計,如果唔鍾意露天溫泉,樂園仲有比2至5個人使用嘅私人風呂,淨係同親朋好友一齊浸溫泉,有足夠嘅私人空間,浸溫泉嘅時候感覺就更加舒服!

*如果想知道埋日本其他地方嘅溫泉,可以睇埋下面呢篇介紹!
【必睇必買必食】鄰近東京大阪北海道!5大日本天然溫泉及玩樂推介

仲有懶人減肥最愛嘅岩盤浴!

有女性專用房間就唔怕做岩盤浴會尷尬!(圖片來源:fashion-press)
有女性專用房間就唔怕做岩盤浴會尷尬!(圖片來源:fashion-press)

除咗溫泉,「空庭温泉 OSAKA BAY TOWER」亦設有岩盤浴、桑拿等比遊客充分放鬆嘅區域!岩盤浴係利用紅外線令身體排汗,令毒素由汗腺流出,亦能夠活化淋巴系統,對身心健康都非常好,簡直係女士恩物!

樂園設有附有電視嘅長櫈及女性專用房間,想放鬆身心一定要過來!

日本傳統設計店舖

如果遊客可以同店員一齊著和服就更好喇!(圖片來源:rocketnews24)
如果遊客可以同店員一齊著和服就更好喇!(圖片來源:rocketnews24)

樂園入面會有店舖賣原創商品及雜貨,店員更會著和服,加上樂園內嘅和式設計,身處其中真係會有穿越時空嘅感覺!

人氣食店「浮世亭」進駐 嘆超正和式料理

小編都想試下和式創新料理!(圖片來源:rocketnews24)
小編都想試下和式創新料理!(圖片來源:rocketnews24)

「浮世亭」以傳統技術烹煮現代食材,達到傳統與現代融合嘅效果,餐廳多有款獨製嘅創意料理,來到一定要試下!

另外,樂園亦有酒吧提供多款日本酒及和式甜品比客人選擇。

交通

「空庭温泉 OSAKA BAY TOWER」距離弁天町站只係5分鐘步程,交通非常方便!

空庭温泉 OSAKA BAY TOWER
開放日期:2019年2月26日
營業時間:11:00〜9:00
入場費:平日2,400円(大約HK$169)、週末2,600円(大約HK$183)、特別日子2,800円(大約HK$197)
地址:大阪府大阪市港区弁天1丁目2-3
官網:https://www.solaniwa.com/index.html

住宿

ART大阪灣酒店 (Art Hotel Osaka Baytower)

酒店房間嘅顏色配搭非常好!睇得出喺房間設計上酒店都花咗唔少心思(圖片來源:官網)
酒店房間嘅顏色配搭非常好!睇得出喺房間設計上酒店都花咗唔少心思(圖片來源:官網)

呢間酒店只係喺「空庭温泉 OSAKA BAY TOWER」隔離,浸完溫泉想返酒店休息都好方便!酒店距離弁天町站只係3分鍾距離,而且有通道可以由地鐵站直達酒店,想去其他景點都好方便!想去日本環球影城,酒店仲提供免費接駁巴士,服務夠晒貼心!

酒店風景好靚,記得要影返張靚相!(圖片來源:官網)
酒店風景好靚,記得要影返張靚相!(圖片來源:官網)

房間風景面向大阪灣,可以見到摩天輪及夜景,唔少住客都大讚風景超靚!

地址:大阪府大阪市港區弁天1-2-1
價格:雙人房HK$545起
訂房網址:https://l.flynow.hk/a12fe

*想知道其他大阪超正酒店推介,可以睇下面呢篇介紹!
【日本超正住宿】晚晩免費宵夜放題!大阪福岡性價比高酒店推介

 

【其他大阪景點推介!!】
【影相呃like首選】日本版天空之鏡!大阪京都5大超靚秘景推介
【滑雪溫泉一日遊】車程只要1個鐘!3大必去大阪滑雪場
【東京大阪都有!】烏龍茶$3炭燒咖啡$2!日本隱世超平批發超市