【大阪自由行】Hello Kitty陪你去京都!大阪交通推出全新 Hello Kitty列車

0
1575

Hello Kitty迷又多個新景點喇!由下星期開始JR西日本就會推出全新 Hello Kitty列車 ,可以帶遊客由關西國際機場去大阪市區,甚至係最遠嘅京都!而且呢架列車將會長期運行,無論幾時去大阪都可以搭!想知道Hello Kitty列車嘅詳細路線、乘搭方法等大阪交通攻略,就要睇下文喇!

1. Hello Kitty列車 開始運行時間

「Hello Kitty HARUKA」嘅車頭及車身都可以見到可愛嘅Hello Kitty!(圖片來源:官網)
「Hello Kitty HARUKA」嘅車頭及車身都可以見到可愛嘅Hello Kitty!(圖片來源:官網)

JR西日本公司再次同人氣角色Hello Kitty合作,推出關西機場特快HARUKA號嘅新系列列車「Hello Kitty HARUKA」,2019年1月29日(星期二)開始運行!而且係定期運行嘅列車,無論幾時去日本都可以去影相打卡!

連車廂入面都會見到Hello Kitty嘅身影,搭 Hello Kitty列車 有種世界被Hello Kitty包圍嘅感覺!(圖片來源:官網)
連車廂入面都會見到Hello Kitty嘅身影,搭 Hello Kitty列車 有種世界被Hello Kitty包圍嘅感覺!(圖片來源:官網)

車身可以見到可愛嘅Hello Kitty,設計仲會有蝴蝶、花草圖案等配合,而且車廂內唔少位置,例如車門、窗邊都會見到Hello Kitty嘅身影,相信唔止Hello Kitty嘅fans,小朋友見到咁色彩繽紛嘅車廂都會好開心,啱晒打算去大阪親子遊嘅旅客!

如果打算去大阪親子遊嘅人,記得去埋以下嘅滑雪場玩呀!裡面有兒童樂園區,啱晒一家大細去大阪!
【滑雪溫泉一日遊】車程只要1個鐘!3大必去大阪滑雪場

2. Hello Kitty列車路線

不過官方仍然未公佈班次,所以未知每日有幾多班係「Hello Kitty HARUKA」,不過路線就同平日嘅關西機場特快HARUKA號列車相同,可以超短時間去到大阪市區及京都。

關西機場〜天王寺 30分鐘
關西機場~新大阪 50分鐘
關西機場〜京都 1小時20分鐘

3. 小編建議:大阪交通更抵玩攻略

大阪交通都算方便,想去市區都未必需要搭關西機場特快HARUKA號列車!(圖片來源:Wikiwand)
大阪交通都算方便,想去市區都未必需要搭關西機場特快HARUKA號列車!(圖片來源:Wikiwand)

小編覺得去大阪市區嘅話其實未必需要搭關西機場特快HARUKA號列車,因為HARUKA號列車只係快過其他列車10分鐘,但車費就幾乎貴一倍!HARUKA號列車單程就要2030円(大約HK$145),不過普通JR列車嘅單程車費只需要1060円(大約HK$76),所以大阪嘅話都係搭其他列車更抵玩。

想再抵玩D記得買埋呢張大阪周遊卡,除咗每日任搭地下鐵,仲有超多免費景點,去大阪玩超好用!
【大阪自由行】半價遊大阪!教你玩盡大阪周遊卡

4. 京都最快速方便之選

想最短時間去到京都搭關西機場特快HARUKA號列車就最啱!(圖片來源:KKday)
想最短時間去到京都搭關西機場特快HARUKA號列車就最啱!(圖片來源:KKday)

不過如果係去京都話,關西機場特快HARUKA號列車就夠抵玩!搭近鐵、巴士等去京都都需要大約2小時,但HARUKA號列車可以將時間縮短至1小時20分鐘,咁多左嘅時間就可以去多幾個景點,啱晒玩到盡、食到盡嘅旅客!

仲未諗到去咩景點好?可以參考下以下自然風景超靚嘅景點!
【影相呃like首選】日本版天空之鏡!大阪京都5大超靚秘景推介

呢張JR關西地區鐵路周遊券仲可以搭去京都出名嘅嵐山!(圖片來源:klook)
呢張JR關西地區鐵路周遊券仲可以搭去京都出名嘅嵐山!(圖片來源:klook)

如果想更方便玩關西,可以買呢張JR關西地區鐵路周遊券,呢張pass已經包含關西機場特快HARUKA號的普通車廂非指定座席(普通車自由席)嘅車費,仲可以去京都、奈良等地方任玩!咁就可以影完Hello Kitty,去京都再影靚風景打卡!

1日券 JR關西地區鐵路周遊券(HK$ 158)訂購網址:https://l.flynow.hk/1jrkl5b144
2日券 JR關西地區鐵路周遊券(HK$ 308)訂購網址:https://l.flynow.hk/2jrkla5b67
3日券 JR關西地區鐵路周遊券(HK$ 380)訂購網址:https://l.flynow.hk/3jrkl94a49

5. 京都酒店

去京都玩到攰都可以喺呢度留一晚,好好休息再去其他地方!
【大阪自由行】附近超多店舖餐廳!5間方便抵住京都酒店推介

 

【大阪其他景點推薦】
【大阪自由行】又係章魚燒味百力滋?新大阪站必買最新大阪手信
【大阪購物必去】去機場前最後衝刺!臨空城Outlet全攻略