【大阪自由行】又係章魚燒味百力滋?新大阪站必買最新 大阪手信

0
801

大阪手信 通常只會諗起章魚燒味百力滋、布丁等,送得多都嫌悶,小編仲一度懷疑大阪已經無其他手信買~不過小編上個月實地考察,發現唔少店舖已經宣傳比較新款嘅手信,想買齊咁多款一定要去手信最齊嘅新大阪站,而且仲有遊客獨家優惠!小編就幫大家整咗張連日本人都推薦嘅大阪手信清單,你只要過去新大阪站就可以開始掃貨,記得bookmark定喇!

掃貨地點

Eki Marche基本上一出新大阪站就會見到,超級方便!(圖片來源:JR西日本)
Eki Marche基本上一出新大阪站就會見到,超級方便!(圖片來源:JR西日本)

新大阪站隔離就有叫做「Eki Marche」嘅大型商場,店舖以賣手信及餐廳為主,想搵到最多款式嘅手信來呢度就最啱!

新大阪站亦係大阪周遊卡嘅路線範圍,用周遊卡過來就更抵玩喇!
【大阪自由行】半價遊大阪!教你玩盡大阪周遊卡

遊客獨家優惠

掃貨之前記得去Eki Marche服務台攞張100円購物券,購物券可以喺商場內嘅店舖使用,只要向服務台嘅工作人員展示護照就有購物券,Eki Marche仲有唔少免稅商店,加埋購物券就更抵買!

100円購物券 優惠期:2019年3月31日結束

鍾意購物嘅你,記得臨去機場之前去埋呢度掃平貨呀!
【大阪購物必去】去機場前最後衝刺!臨空城Outlet全攻略

最新 大阪手信 清單

1. 大阪獨有黑豆蛋糕(ええもんちぃ)

蛋糕用咗對身體好好嘅黑豆做餡,食起來感覺更健康!(圖片來源:官網)
蛋糕用咗對身體好好嘅黑豆做餡,食起來感覺更健康!(圖片來源:官網)

呢款蛋糕由公司「五感」推出,蛋糕質地用日本嘅米粉、小麥粉、發酵牛油整成,散發濃郁嘅牛奶香味,蛋糕入面仲有3粒完整、對健康非常好嘅日本製黑豆,兩者嘅甜味非常配合,無論大人或小朋友都鍾意食,所以喺日本係非常受歡迎嘅大阪手信!

小編溫馨提示:因為用新鮮材料整成,所以呢款蛋糕嘅賞味期限只有一星期,小編建議旅程最後一日先買會比較好!

售價: 650円/6個(大約HK$47)
賞味期限:大約一星期
營業時間:6:30~22:00
地址:【新大阪駅3F】エキマルシェ 新大阪 アントレマルシェ(在来線駅構内)
官網:http://www.patisserie-gokan.co.jp/

由梅田坐3個站就到新大阪站,記得補充體力之後去掃貨,就更有精神揀心水貨品喇!
【大阪自由行】識食一定咁食!5間日本人大力推薦梅田必食餐廳

 

2. 大阪烤冬甩(大阪ベイクドドーナツ)

冬甩全部都係獨立包裝,送比公司同事做手信都方便!(圖片來源:Holiday)
冬甩全部都係獨立包裝,送比公司同事做手信都方便!(圖片來源:Holiday)

「なにわ屋」係專賣大阪手信嘅專門店,呢款大阪先有嘅烤冬甩被喻為人氣No.1嘅大阪手信,冬甩用咗優質嘅雞蛋及人高牛油,加上經過烤焗嘅外皮,口感非常好,好快就會食完一個!而且呢款冬甩嘅保質期比較長,咁就唔洗急住派比親朋好友,更加方便!

售價:700円/6個(大約HK$50)
賞味期限:120日
地址:JR新大阪站內
官網:https://www.naniwa-ya.com/index.php

 

3. 章魚燒甜品(たこパティエ)

甜品嘅表面同真嘅章魚燒都幾似,好似長方形版嘅章魚燒!(圖片來源:官網)
甜品嘅表面同真嘅章魚燒都幾似,好似長方形版嘅章魚燒!(圖片來源:官網)

提到大阪當然唔少得章魚燒!呢款甜品係由製作大阪香蕉蛋糕好出名嘅飄月堂推出,係比較新款嘅大阪甜品。用章魚燒嘅醬汁、紫菜、柴魚片,加埋牛奶、焦糖整成甜味嘅「章魚燒」,以為又鹹又甜會好奇怪?有網民試過,第一啖真係會食到章魚燒味,不過之後會自然變成甘甜味,無諗過章魚燒竟然同甜品味道咁夾,想知有幾夾就要買來試下喇!

售價:540円/12個(大約HK$39)
賞味期限:60日
營業時間:6:30-21:30
地址:新大阪駅3F新幹線中央改札前
官網:http://hyogetsudo.com/

如果鍾意零食嘅話,記下去埋下面呢間零食店,除咗有其他章魚燒味零食,仲有好多香港已經買唔返嘅童年零食!
【極抵零食】大阪必去零食批發店! (附交通指南)

4. 大阪半熟Castelo蜂蜜蛋糕(半熟カステロ ふわんとろん)

大阪半熟Castelo蜂蜜蛋糕係小編第一次食到咁濃雞蛋味嘅蛋糕!(圖片來源:おみやげーと)
大阪半熟Castelo蜂蜜蛋糕係小編第一次食到咁濃雞蛋味嘅蛋糕!(圖片來源:おみやげーと)

呢款蛋糕喺大阪唔少店舖都會見到,為食嘅小編當然有買!雖然話係蜂蜜蛋糕,不過小編就食唔到蜂蜜味,反而食到好濃郁嘅雞蛋味,真係好似放咗隻雞蛋入口咁!可能因為係蛋糕,所以口感非常柔軟,而且蛋糕size比較細,就算係女仔都可以一口食完,非常好食!


呢張影片可以睇到包裝有幾密實!

擔心蛋糕咁柔軟會壓爛?呢款蛋糕嘅包裝做得好好,夠硬淨,小編就算放入行李箱,返到香港蛋糕仍然完整無缺,超適合做手信!

售價:700円/8個(大約HK$50)
賞味期限:大約1個半月
地址:新大阪站內
官網:http://www.santa.ne.jp/fuwantoron/index.html

 

5. 蠟筆型曲奇(チョコサンドクッキー)

チョコサンドクッキー就咁睇包裝真係有可能以為入面裝嘅係蠟筆!(圖片來源:macaroni)
チョコサンドクッキー就咁睇包裝真係有可能以為入面裝嘅係蠟筆!(圖片來源:macaroni)

呢款手信小朋友收到肯定好開心!曲奇模仿蠟筆嘅外型,連包裝盒都用鐵盒,設計好細心!呢款手信仲要係JR西日本線限定發售!如果來新大阪站記得買返盒喇!

售價:1,080円(大約HK$77)
賞味期限:120日
地址:新大阪站內

去新大阪站買手信之前,亦都可以去呢度睇咗先,有好多新鮮嘅日本水果賣架!
【平過黑門市場】大阪必去木津市場 平掃水果海產零食手信

大阪酒店

要四晒咁多手信,當要揀返間近車站嘅酒店咁就可以玩到盡!以下呢5間都係2018年好多網友話好住又方便嘅酒店!
【大阪自由行】Hotel Sunroute Osaka Namba每晚只要$600!5大網友推薦大阪酒店推介

 

【大阪其他景點推介】
【大阪自由行】JR Pass定近鐵pass去名古屋更抵玩?大阪交通全攻略
【影相呃like首選】日本版天空之鏡!大阪京都5大超靚秘景推介