【日本超正住宿】晚晩免費宵夜放題!大阪福岡性價比高酒店推介

0
529

日本係香港人熱愛嘅旅遊地點,相信大阪丶福岡丶北海道都係大家嘅旅行名單之中,但係plan行程時要諗住咩酒店就好頭痕,所以今次為大家精選咗5間性價比極高嘅酒店,想要方便有方便,想要舒適有舒適,絕對唔會中伏!

大阪十字酒店(Cross Hotel Osaka)

血拼購物必住

酒店先後獲TripAdvisor評為年度最佳酒店,而網上嘅住客評分亦好高,整體環境及設施都非常新淨和整潔,係信心嘅保證!


(圖片來源:Agoda)

酒店位於道頓堀與心齋橋之間,附近就有大型百貨公司及各式各樣嘅商店街,你可以係瘋狂購物後,即時番酒店放低戰利品,再出去掃貨都無問題,非常方便。而酒店對面就係24小時營業嘅驚安殿堂,就算行夜咗都唔怕無車番酒店,啱晒鐘意血拼購物嘅你。


(圖片來源:dynastyholidays)

住客評價

地址︰大阪市中央区心斎橋筋2丁目515
價格︰雙人房HK$1100起
網址:https://l.flynow.hk/fb5df

延伸閱讀:大阪心齋橋好食好買好打卡景點全包圍

 

逸の彩酒店(Osaka Hinode Hotel Nipponbashi)

住得安「逸」,旅程才會精「彩」

酒店附近有多間便利店及24小時營業嘅玉出超市,更有松屋及亀王豚丼等餐廳,5至15分鐘就可步行到難波City、通天閣美食街及天王寺動物園,位置非常方便,啱晒玩到盡丶食到盡嘅香港人。而酒店採用優質嘅床上用品,每張床都設有透氣羽絨被及兩個雙面軟硬枕頭,為住客提供舒適嘅睡眠環境,好好準備新一日嘅行程。


(圖片來源:Agoda)


(圖片來源:hinode-h.com)

酒店提供免費嘅BB車及奶樽消毒器借用服務,方便住客帶同bb一齊入住。亦免費提供專為女士而設嘅護膚品及卸妝品試用裝,十分貼心。


酒店大堂夜晚有拉麵放題,口味隔天轉換,包你日日都有新鮮感。仲有日本酒、燒酒、紅酒、自製雞尾酒任飲,所以晩晚都大排長龍,絕對唔可以錯過!

酒店每日5到6點嘅免費活動係最能夠吸引住客,包括試穿和服、祭典遊戲及製作章魚小丸子等體驗,都令住客更深入了解日本地道文化。

住客評價

地址︰大阪市浪速區惠美須西1丁目
價格︰雙人房HK$900起
網址:https://l.flynow.hk/fb468

 

大阪難波光芒酒店(Candeo Hotels Osaka Namba)

大阪市內罕見露天風呂

酒店係去年7月15日開幕,所有設施及環境都非常新淨和整潔。由酒店步行到心齋橋及難波站只需10分鐘,到高島屋百貨公司也只需15分鐘,旁邊更有24小時營業玉出超市地理位置十分方便。而12歲以下嘅小童更可免費加床入住,適合親子遊嘅旅客選擇。


(圖片來源:Agoda)

酒店最大嘅特色係17樓天台嘅sky spa,係少數大阪市區設有溫泉嘅酒店,住客可一邊浸浴,一邊睇盡大阪靚景,舒緩一整日血拼同趕行程嘅疲勞。


(圖片來源:Agoda)

而係一樓大廳設置咗寄物室,提供免費寄物服務,就算check out後都可以放行李係度繼續行程,非常方便。而每個儲物櫃都設有密碼鎖,無須擔心安全問題。

住客評價

地址︰大阪府大阪市中央區東心齋橋2丁目25
價格︰雙人房HK$1140
網址:https://l.flynow.hk/0e01c

睇完大阪酒店介紹,就係時候plan行程喇,唔知點樣計劃好,最新2018大阪懶人包幫到你!

 

福岡西中洲大和ROYNET酒店
(Daiwa Roynet Hotel Fukuoka-Nishinakasu)

方便度爆燈

由酒店步行到博多運河城商場只需 10 分鐘,店鋪多到由早行到晚都無問題,啱晒鐘意血拼購物嘅你!如果鐘意參觀景點了解歷史文化,就可以行去櫛田神社丶亞洲美術館或博多町家民俗博物館 ,都只係需要 8 分鐘。


(圖片來源:Booking.com)

夜晚當然要去最有福岡地道特色嘅屋台食吓宵夜,由酒店步行到屋台只需 10 分鐘,近到就算晚晚去屋台試勻唔同美食都無問題。由酒店到空港機場只需 10 分鐘車程,搭地鐵更加唔洗轉綫,等你可以有時間玩到盡,唔需要趕行程


(圖片來源:Backpackers)

黎到屋台,覺得花多眼亂唔知食咩好,可以睇吓博多屋台攻略,內含屋台潛規則同人氣必食推介,一定幫到你!

住客評價

地址︰福岡市中央區西中洲1-9
價格︰雙人房HK$600起
網址:https://l.flynow.hk/b472e

去福岡唔知點樣計劃,四日三夜親子遊懶人包幫到你!

 

札幌京阪酒店(Hotel Keihan Sapporo)  

人氣早餐之選

酒店獲TripAdvisor評為「日本最美味酒店早餐」第五位,早餐用上北海道嘅優質食材,早餐質素有一定嘅保證,絕對值得你早D起身歎美食。餐廳亦有提供小童用嘅餐具及椅子,非常貼心,適合親子遊嘅家庭入住。


(圖片來源:Tabirai Japan)

喺冬天,職員會遞熱毛巾比check in嘅住客,為你地送上一份溫暖,非常體貼。酒店仲設有大浴場,等住客可以係完結一整日行程後,浸吓浴放鬆吓,舒緩疲勞。而由酒店步行到JR 札幌站只需4 分鐘,酒店又有清晰嘅指示,方便住客搭 JR 到其他景點 。


(圖片來源:Agoda)

住客評價

地址:北海道札幌市北區北 6 条西 6 丁目 1-9
價格︰雙人房HK$900起
網址:https://l.flynow.hk/25043

延伸閱讀:
【任摘任食秋季水果】HK$46無限時任食! 大阪福岡東京超正果園推介

【購物攻略】6個大阪Outlet推介 – 掃平貨必備 (附交通指南!)

夏日絕景北海道花田5選