【大阪自由行】識食一定咁食!5間日本人大力推薦 梅田必食 餐廳

0
2726

大阪梅田景點多蘿蘿,除咗有梅田藍天大廈睇大阪靚景,仲有阪急百貨等多間大型商場可以盡情shopping!咁多景點當然要留返一日喺梅田啦!不過未諗到食咩好?梅田嘅餐廳數目其實唔少,想食好D當然係跟住日本人口味最穩陣!小編就嚴選咗5間好受日本人歡迎、 梅田必食 嘅餐廳推介比大家,打算去梅田嘅人一定唔好錯過!

5間 梅田必食 餐廳

1. 阪神名物 魷魚燒(阪神名物 いか焼)

大阪特色魷魚燒

阪神名物嘅魷魚燒可以食到新鮮魷魚,來 梅田必食 !(圖片來源:jalan)
阪神名物嘅魷魚燒可以食到新鮮魷魚,來 梅田必食 !(圖片來源:jalan)

大阪燒就聽得多,魷魚燒你又有無食過?魷魚燒同大阪燒一樣都係用鐵板整,不過外皮質地就比較似法式可麗餅,餡料會放燒魷魚,非常香口,係大阪美食!


呢個影片可以見到魷魚燒嘅製作過程!

唔少日本網民大讚呢間餐廳嘅魷魚燒質地煙韌有口感,而且魷魚燒得勁香,而且食到魷魚嘅鮮味,加上少少甜嘅醬汁,非常好食!一個魷魚燒都只係賣152円(大約HK$11),難怪店舖門口總係大排長龍!

小編溫馨提示:因為餐廳不設座位,所以想即場食呢款梅田美食嘅話就唯有企係度食喇!

營業時間:10:00〜22:00
地址:大阪府大阪市北区梅田1-13-13 阪神百貨店 B1F

想知道梅田有咩景點一定要去?有咩手信要買?咁就要睇埋下面呢篇介紹!
【懶人救星】2018最新!五日四夜 玩盡大阪全攻略

2. TsuruTonTan 北新地店(つるとんたん)

超滑溜烏冬

TsuruTonTan除咗烏冬,仲有刺身等其他菜色!(圖片來源:tabelog)
TsuruTonTan除咗烏冬,仲有刺身等其他菜色!(圖片來源:tabelog)

呢間係日本好出名嘅大阪烏冬店,喺東京都有分店,餐廳最出名就係用超大嘅碗去裝烏冬,而且烏冬份量唔少,烏冬嘅款式多,有熱烏冬,亦有冷烏冬,甚至炒烏冬都有!不過無論係咩煮法嘅烏冬,烏冬都係非常滑溜、有口感,好多人食完都話回味無窮!

冷麵都睇落好好食!(圖片來源:tabelog)
冷麵都睇落好好食!(圖片來源:tabelog)

而且TsuruTonTan喺星期一至六都會營業至朝早6點,係食宵夜嘅好選擇!

營業時間:11:00 ~ 早上6:00
地址:大阪府大阪市北区曽根崎新地1-1-19
官網:http://www.tsurutontan.co.jp/shop/kitashinchi-udon/

梅田咁多美食,當然要揀返間近車站嘅酒店咁就可以食到盡shopping到盡!以下呢5間都係2018年好多網友話好住嘅酒店!
【大阪自由行】Hotel Sunroute Osaka Namba每晚只要$600!5大網友推薦大阪酒店推介

3. 章魚燒 蛸之徹(たこ焼き蛸之徹)

獨創個人口味章魚燒

蛸之徹可以DIY章魚燒,自己整,味道都特別好食!(圖片來源:tabelog)
蛸之徹可以DIY章魚燒,自己整,味道都特別好食!(圖片來源:tabelog)

來到大阪當然要食最出名嘅章魚燒!其實章魚燒嘅舖頭喺大阪周圍都有,不過你有無諗過食自己親手整嘅章魚燒?

蛸之徹係一間好出名嘅DIY章魚燒店,除咗可以一嘗整章魚燒嘅感覺之外,小編覺得最特別嘅係可以獨創個人口味嘅章魚燒,食到喺外面買唔到嘅味道!就算唔擅長煮野食都唔緊要,有需要時可以隨時搵店員幫手,唔洗擔心無得「食好西」!

蛸之徹仲有大阪燒,唔洗驚食唔飽!(圖片來源:tabelog)
蛸之徹仲有大阪燒,唔洗驚食唔飽!(圖片來源:tabelog)

除咗章魚燒,餐廳仲有大阪燒等大阪美食,不過呢間餐廳好受歡迎,唔想排隊嘅話記得早D預約喇!

營業時間:11:00- 23:00
地址:大阪府大阪市北區梅田1-9-20 大阪丸大樓B2F
預約網址:https://l.flynow.hk/klookdba4a

天氣凍食章魚燒、大阪燒等熱嘅食物就最啱!仲想再暖D?有無諗過去浸溫泉?其實大阪附近都有天然溫泉可以浸!
【必睇必買必食】鄰近東京大阪北海道!5大日本天然溫泉及玩樂推介

 

4. 出入橋金鍔屋(出入橋きんつば屋)

大阪人最愛甜品「金鍔」

出入橋金鍔屋嘅金鍔保留咗70年嘅美味!(圖片來源:tabelog)
出入橋金鍔屋嘅金鍔保留咗70年嘅美味!(圖片來源:tabelog)

金鍔,或者叫做「金鍔燒」,係日本傳統嘅甜品,用薄皮包住紅豆做餡料。雖然日本其他地方都食到,不過出入橋金鍔屋嘅金鍔味道同其他舖頭唔同!


呢個影片可以見到出入橋金鍔屋嘅餐廳環境及金鍔嘅製作過程!

呢間係有70年歷史嘅大阪老店,所有金鍔都係人手製作,直到今日店舖仍然堅持整出同70年前一樣嘅味道,難怪可以儲到一大班熟客!而且店舖出產嘅金鍔用料講究,為咗令紅豆味道更特出,所以店舖選用味道唔會太甜、體積比較大粒嘅紅豆,食嘅時候就會覺得成個金鍔都塞滿紅豆咁,好滿足!而且味道唔會太甜,就算係老人家都啱食,平日唔鍾意甜品嘅人都可以試下!

營業時間:10:00~19:00
地址:大阪府大阪市北区堂島3-4-10

去完梅田shopping,記得去埋超級近機場嘅臨空城outlet呀!Outlet有超多優惠,買野都平好多!
【大阪購物必去】去機場前最後衝刺!臨空城Outlet全攻略

 

5. 木地大阪燒 梅田藍天大廈店(お好み焼 きじ)

大阪排名第一大阪燒

木地大阪燒必食青蔥豬肉大阪燒! 890円(大約HK$64) (圖片來源:tabelog)
木地大阪燒必食青蔥豬肉大阪燒! 890円(大約HK$64) (圖片來源:tabelog)

來到大阪當然要揀間味道最好嘅大阪燒來食!呢間餐廳曾經登上米芝蓮指南,更入選日本「2018年美食百名店」,質素當然有保證,唔單止日本人鍾意,好多遊客都專程慕名而來,所以餐廳門口經常都有好多人排隊,不過入座之後好快就會送上食物,所以唔洗擔心要等好耐。

餐廳最受歡迎菜色係招牌青蔥豬肉大阪燒,大阪燒本身嘅質地柔軟、有口感,加上炒過嘅五花腩香味,同埋帶甜味嘅秘製醬汁,味道非常好食,所以大受歡迎!另外餐廳亦有廣島燒及摩登燒,來到梅田一定要過來試下!

營業時間:11:30~21:30
地址:大阪府大阪市北区大淀中1-1-90 梅田スカイビル B1F滝見小路

 

【大阪其他景點推介】
【大阪自由行】大阪超大型溫泉主題公園「空庭温泉」2019年開幕!
【影相呃like首選】日本版天空之鏡!大阪京都5大超靚秘景推介