【大阪自由行】京都神秘拍拖熱點?5個必去超正 京都景點

0
806

而家大阪有全新Hello Kitty列車去京都,當然要去京都玩返轉啦!不過京都咁多景點,不知去邊好?小編就特別揀咗5個日本人都推薦嘅超正 京都景點 ,其中一個景點睇落平平無奇,不過細心行下會見到好靚嘅影相打卡點!啱晒情侶或夫婦影靚相、過二人世界,下個月就係情人節,一定要睇定喇!

仲未知道大阪推出全新Hello Kitty列車?快D睇下面呢篇文睇下路線等詳情啦!
【大阪自由行】Hello Kitty陪你去京都!大阪交通推出全新Hello Kitty列車

5個必去 京都景點

1. 伏見稻荷大社 (伏見稲荷大社)

京都必去 千本烏居

呢個就係伏見稻荷大社最出名嘅千本鳥居喇!係好受歡迎嘅 京都景點 !(圖片來源:絕景日本)
呢個就係伏見稻荷大社最出名嘅千本鳥居喇!係好受歡迎嘅 京都景點 !(圖片來源:絕景日本)

即使未去過京都嘅人,可能都認得伏見稻荷大社嘅「紅色通道」,其實全日本大約有3萬個稻荷神社,不過位於京都嘅伏見稻荷大社係總本社,亦係最高人氣!

伏見稻荷大社最受歡迎肯定係由一個個紅色柱組成嘅千本鳥居!雖然伏見稻荷大社就算係平日都會有好多人參觀,不過如果想影靚相嘅話,小編都有個小貼士可以分享:通常人流都比較集中喺開頭嘅鳥居,所以一次過行去比較入嘅位置先影相,就唔怕影到其他人喇!

開放時間:7:00-18:30 / 8:30-16:30(祈禱)
入場費﹕免費
地址:京都市伏見區深草藪之內町68番地
官網:http://inari.jp/zh-tw/

2. 金閣寺 (鹿苑寺)

超閃日本國寶

因為參觀地方唔算大,加上經常都有好多旅客,想睇金閣寺就要比D耐性喇!(圖片來源:Flickr)
因為參觀地方唔算大,加上經常都有好多旅客,想睇金閣寺就要比D耐性喇!(圖片來源:Flickr)

金閣寺肯定係最閃嘅 京都景點!寺廟嘅外牆全部都用金箔裝飾,而且已經被聯合國教科文組織列為世界文化遺產,咁有歷史價值嘅京都景點一定要去睇下!

鋪上白雪嘅金閣寺有另一種味道!(圖片來源:fanpiece.com)
鋪上白雪嘅金閣寺有另一種味道!(圖片來源:fanpiece.com)

雖然其他時候都好受歡迎,不過講到最多人去嘅時候肯定係冬天,鋪咗雪嘅金閣寺綻放白金色嘅光芒,睇落更加靚,喺影靚相嘅最佳時間!

開放時間:9:00~17:00
入場費:大人(高中生以上) 400円(大約HK$29)、小・中學生 300円(大約HK$22)
地址:京都市北区金閣寺町1
官網:http://www.shokoku-ji.jp

3. 清水寺

最經典京都景點

清水寺係京都地標,雖然維修緊,不過仍然可以見到京都全景,京都必去景點!(圖片來源:Pixabay)
清水寺係京都地標,雖然維修緊,不過仍然可以見到京都全景,京都必去景點!(圖片來源:Pixabay)

清水寺同樣係世界文化遺產,係京都地標同超人氣觀光景點,附近仲有大量手信店、小食店同和服租賃店,遊客必去!雖然而家清水寺嘅本堂直到2020年都仲維修緊,但係其他部分嘅清水寺都係照常開放,活動如常進行。好彩就係清水寺參觀必到嘅清水舞台都仲係可以入到,大家一定要去睇下京都全景,同埋秋天紅葉時間都可以見到寺下嘅大片紅葉。

清水寺係好多人著和服嘅熱點,如果你都想著得靚靚行寺廟又唔知去邊到租和服好嘅話,可以去參考以下呢幾間網上評價好好嘅和服店!
【揀和服必去】小朋友都啱著!7間京都人氣和服店推介

開放時間:06:00-18:00
入場費:免費
地址:京都府京都市東山区清水1丁目294
官網:https://www.kiyomizudera.or.jp/en/

京都景點 懶人之選

想一次過行晒以上三個京都景點但又唔想煩交通?其實都有一日團可以參加,坐喺旅遊巴舒舒服服就可以去晒咁多個景點影相打卡,而且呢個團仲可以由大阪出發!慳返由大阪去京都轉車嘅時間,而且帶住小朋友去大阪親子遊或帶住老人家嘅旅客就可以更方便安排行程!

京都地標觀光一日遊(清水寺 & 伏見稻荷大社 & 嵐山 & 金閣寺)
預訂網址:https://l.flynow.hk/klook45c18

4. 北野天滿宮 (北野天満宮(天神さん))

京都必去賞紅葉景點

北野天滿宮係求學問嘅寺廟,學生必去京都景點!(圖片來源:官網)
北野天滿宮係求學問嘅寺廟,學生必去京都景點!(圖片來源:官網)

呢間係日本供奉學問之神菅原道真公嘅寺廟,學生一定要順路去!廟內有大量樹木,冬天可以賞梅,而秋天可以賞紅楓葉,每年嘅紅葉季,都會有紅葉苑亮燈,入面有條路係沿途放眼都係紅葉,所以一到紅葉季節就會有好多旅客專程過來,係好受歡迎嘅景點!另外,對廟會有與趣嘅朋友要留意,天滿宮每個月25號都會有廟會,記得睇啱日子去呀!

除咗北野天滿宮,仲有其他地方睇紅葉都好靚架!如果打算去關西睇紅葉嘅人記得bookmark埋下面呢篇文喇!
【期間限定】睇紅葉必去!大阪京都8大超正賞紅葉熱點

開放時間:(4-9月) 05:00 – 18:00 / (10-3月) 5:30 – 17:30
入場費:免費入場(部分殿堂部分會另外收費)
地址:京都府京都市上京区馬喰町
官網:http://kitanotenmangu.or.jp/index.php

5. 京都車站大樓 (京都駅ビル)

京都超正約會地點

香港地鐵站多人到根本無位可以二人世界,但京都車站大樓就完全另一個講法喇!(圖片來源:BIGLOBE)
香港地鐵站多人到根本無位可以二人世界,但京都車站大樓就完全另一個講法喇!(圖片來源:BIGLOBE)

係咪無諗過車站都可以係約會地點?京都車站係大站,所以可以搭到地下鐵、新幹線、近鐵,甚至巴士等,不過旅行嘅時候可能都趕住搭車,好少留意車站入面嘅設施,車站入面除咗有超多店舖可以盡情shopping,仲有「京都拉麵小路」等多間餐廳可以嘆美食,仲有其他特別嘅設施值得去睇!

1. 影京都塔最佳位置

呢度人流唔算多,咁就可以慢慢同京都塔影靚相喇!(圖片來源:gnavi.co.jp)
呢度人流唔算多,咁就可以慢慢同京都塔影靚相喇!(圖片來源:gnavi.co.jp)

位於4樓嘅「烏丸小路廣場」以及「空中路徑」都可以遠距離影到全個京都塔,影相留念就啱晒!

如果有時間,仲可以去埋京都塔睇超靚嘅京都全景!
訂票網址:https://l.flynow.hk/klook4d1ed

2. 長樓梯燈飾

京都車站由中央入口、4樓室町小路廣場場前有一個由171級樓梯組成嘅長樓梯,樓梯裝有15,000個LED燈,每到夜晚就會有燈飾表演,而且燈飾嘅圖案會隨季節變化,來到車站一月要睇!

呢段影片就見到聖誕節版本嘅燈飾!

點燈時間:大約15:00開始(時間隨季節變更)

3. 超似婚禮場地嘅花園

京都車站大樓嘅花園真係設計到好似結婚場地咁!(圖片來源:soudosuka.com)
京都車站大樓嘅花園真係設計到好似結婚場地咁!(圖片來源:soudosuka.com)

京都車站嘅東廣場有一個室外嘅花園,白色嘅涼亭設計得好似婚禮場地咁,情侶或夫婦最啱來影相打卡!

京都車站大樓
地址:京都府京都市下京区東塩小路町
官網:https://www.kyoto-station-building.co.jp/

 

京都酒店

想去晒咁多個 京都景點,當然要揀返間近車站嘅酒店啦!以下5間都係好新淨嘅京都酒店,近車站又多購物點,無論去shopping或觀光都夠晒方便!
【大阪自由行】附近超多店舖餐廳!5間方便抵住京都酒店推介

 

【大阪其他景點推介】
【大阪自由行】又係章魚燒味百力滋?新大阪站必買最新大阪手信
【大阪自由行】JR Pass定近鐵pass去名古屋更抵玩?大阪交通全攻略