【大阪自由行】人人都可以變身Supermodel!影相打卡必去大阪景點 VINYL MUSEUM

0
333

藝術展覽通常只會諗到睇畫、雕像等,所以怕悶嘅小編好少去,不過今次喺 VINYL MUSEUM 搞嘅藝術展竟然係以「放instagram呃like」為主題,整咗唔少色彩繽紛嘅背景,等大家可以影返輯好似雜誌封面嘅靚相,一嘗做Supermodel嘅滋味!呢個係期間限定嘅大阪景點,名古屋都有架!想知個拍攝場景有幾靚、展覽幾時舉行等詳情,就要睇下文喇!

1. VINYL MUSEUM 藝術展地點

VINYL MUSEUM 應該係小編見過最粉色嘅藝術展!(圖片來源:THECOO株式会社)
VINYL MUSEUM 應該係小編見過最粉色嘅藝術展!(圖片來源:THECOO株式会社)

VINYL MUSEUM嘅藝術展由2017年開始舉辦,不過通常都喺東京舉行,不過今次係第一次喺東京以外嘅地方都舉辦,而且一次過新增兩個地區:大阪及名古屋,啱晒去大阪及名古屋嘅人!

如果打算去晒大阪及名古屋嘅人,可以睇埋最抵玩嘅交通方法!
【大阪自由行】JR Pass定近鐵pass去名古屋更抵玩?大阪交通全攻略

名古屋嘅藝術展舉行地點係位於港灣區嘅大型休憩區域及購物中心LaLaport NAGOYA minato AQULS,影完相之後就可以去購物,地點非常方便!

而家行完LaLaport NAGOYA minato AQULS又多一個好去處喇!(圖片來源:Wikimedia)
而家行完LaLaport NAGOYA minato AQULS又多一個好去處喇!(圖片來源:Wikimedia)

名古屋舉行日期:2019年3月9日至28日

除咗LaLaport NAGOYA minato AQULS,名古屋都有唔少景點值得去架!
【名古屋自由行】一生必訪白川鄉!日本人票選5大必去名古屋景點

大阪嘅舉行地點位於梅田附近嘅MBS本社大樓,交通都算方便!

上面有個紅色天線嘅高樓大廈就係MBS本社大樓喇!(圖片來源:大阪 at Night ブログ)
上面有個紅色天線嘅高樓大廈就係MBS本社大樓喇!(圖片來源:大阪 at Night ブログ)

大阪舉行日期:2019年3月16日至4月7日

去完影靚相就可以搵美食醫肚,梅田有唔少餐廳都出晒名好食,唔好錯過呀!
【大阪自由行】識食一定咁食!5間日本人大力推薦梅田必食餐廳

2. VINYL MUSEUM 藝術展內容

小編都想浸個「棉花糖」浴~(圖片來源:官網、fashion-press)
小編都想浸個「棉花糖」浴~(圖片來源:官網、fashion-press)

因為藝術展以「放instagram呃like」為主題,所以展覽唔只可以睇到色彩繽紛嘅牆壁等,小編覺得更吸引嘅係可以同展品互動!例如以前整過「棉花糖」池嘅場景,參觀者可以攞住池入面嘅大匙羹影相,亦可以成個人「浸」入去棉花糖之中,影到平日影唔到嘅相!

下面仲有更多以前展覽嘅相可以比大家參考!

平日肯定無可能影到羽毛喺空中飄嘅相!(圖片來源:suzukiasukadesu@instagram)
平日肯定無可能影到羽毛喺空中飄嘅相!(圖片來源:[email protected]
呢個場景好有影雜誌封面嘅感覺!(圖片來源:mutsumi.0220@instagram)
呢個場景好有影雜誌封面嘅感覺!(圖片來源:[email protected]
如果去大阪親子遊嘅旅客可以帶埋小朋友去影特別嘅全家福!(圖片來源:kota_626@instagram)
如果去大阪親子遊嘅旅客可以帶埋小朋友去影特別嘅全家福!(圖片來源:[email protected]
粉紅色背景好可愛!(圖片來源:yu__urip@instagram)
粉紅色背景好可愛!(圖片來源:[email protected]
喺VINYL MUSEUM都可以「shopping」!(圖片來源:sakikongram@instagram)
喺VINYL MUSEUM都可以「shopping」!(圖片來源:[email protected]

雖然官方仲未公開今次嘅展品,不過喺名古屋及大阪嘅藝術展覽都會以賞花及春天為主題,會準備10個場景及5個色彩繽紛嘅牆壁比大家影相,無論大人及小朋友都可以玩得開心!

呢次藝術展只係舉辦大約三星期,想去嘅人記得睇定日子喇!

VINYL MUSEUM
入場費:1,800円(大約HK$129)
官網:https://vinyl-museum.com/

名古屋
舉行日期:2019年3月9日~28日
舉行地點:LaLaport NAGOYA minato AQULS 1F
地址:愛知県名古屋市港区港明2丁目3番2号

大阪
舉行日期:2019年3月16日~4月7日
時間:11:00~21:00
(參觀時間每人只限50分鐘,每次只限50人進場)
舉行地點:MBS本社大樓 1F
地址:大阪府大阪市北区茶屋町17番1号

鍾意影相嘅你,仲可以去大阪以下呢幾個地方影,風景超靚,連日本人都like!
【影相呃like首選】日本版天空之鏡!大阪京都5大超靚秘景推介

3. 大阪酒店

想去VINYL MUSEUM當然要揀返間交通方便嘅酒店啦!以下都係2018年超級受歡迎、好多網友都話好住嘅5間大阪酒店,記得睇定喇!
【大阪自由行】Hotel Sunroute Osaka Namba每晚只要$600!5大網友推薦大阪酒店推介

4. 名古屋酒店

打算去名古屋VINYL MUSEUM嘅人都要記得睇定酒店呀!
【名古屋自由行】連日本天皇都揀嘅酒店!5間人氣超高名古屋酒店推介

 

【大阪其他景點推薦】
【大阪自由行】又係章魚燒味百力滋?新大阪站必買最新大阪手信
【大阪購物必去】去機場前最後衝刺!臨空城Outlet全攻略