【大阪自由行】半價遊大阪!教你玩盡 大阪周遊卡

0
2857

大阪周遊卡 嘅資料每年都會更新一次,2019年周遊卡嘅售價同上年一樣,景點都只係有少許改動。小編上年用周遊卡衝咗好多個景點,最後成功用一半價錢就去勻大阪大部分景點,如果你都想用最少嘅錢玩最多景點,就要睇實下文喇!

1. 大阪周遊卡 種類

大阪周遊卡 有分1日券及2日券,大家可以按行程需要決定買邊張!(圖片來源:官網)
大阪周遊卡 有分1日券及2日券,大家可以按行程需要決定買邊張!(圖片來源:官網)

大阪周遊卡有分1日券及2日券,兩者除咗日數有分別之外,免費乘搭嘅路線都有分別,1日券嘅路線包括大阪地鐵、大阪City Bus全線(部分路線除外)、主要大阪市區的阪急、阪神、京阪、近鐵和南海電鐵;不過2日券嘅路線就比較少,只包括大阪地鐵、大阪City Bus全線(部分路線除外)。

1日券路線圖:按此下載路線圖

2日券路線圖:按此下載路線圖

不過1日券及2日券嘅免費景點數目都一樣,所以下面嘅大阪周遊卡玩樂攻略都同樣可以使用!

萬博紀念公園版比較啱想集中喺萬博區玩嘅旅客!(圖片來源:官網)
萬博紀念公園版比較啱想集中喺萬博區玩嘅旅客!(圖片來源:官網)

另外,大阪周遊卡近年仲推出咗「萬博紀念公園版」,不過小編今次嘅教學以普通版嘅大阪周遊卡為主,想知道「萬博紀念公園版」喺點用就可以自己click下面嘅網址望下!

1日券 (萬博紀念公園版)使用方法:https://www.osp.osaka-info.jp/cht/about/about_banpaku.html

 

2. 大阪周遊卡使用方法

只要向景點工作人員展示周遊卡,工作人員用儀器「嘟」張卡就可以入場喇!(圖片來源:官網)
只要向景點工作人員展示周遊卡,工作人員用儀器「嘟」張卡就可以入場喇!(圖片來源:官網)

大阪周遊卡提供多達50個免費景點,不過想「免費」玩景點嘅人就要留意,景點只限使用周遊卡期間先可以免費入場,即係2日券嘅話就要用周遊卡個2日先可以衝免費景點,其他時間去景點就要收返入場費架喇!

衝大阪景點個陣記得帶埋優惠券呀!(圖片來源:官網)
衝大阪景點個陣記得帶埋優惠券呀!(圖片來源:官網)

不過大阪周遊卡亦有唔同景點嘅折扣優惠,呢D優惠就無限制使用日期,只要出示周遊卡及「TOKU×2」優惠券就用得!

大阪周遊卡訂購網址:https://l.flynow.hk/klook5f955

 

3. 大阪周遊卡行程攻略 + 大阪交通

想玩盡大阪周遊卡當然係盡量衝晒同一地區嘅免費景點最抵玩啦!小編就提供幾條免費景點路線,大家可以按自己喜好選擇鍾意嘅景點,編行程就更方便!

【路線一】文青之選(5個免費景點)

【交通1】先去御堂筋線「梅田」站

梅田藍天大廈可以睇晒成個大阪嘅景色!(圖片來源:官網)
梅田藍天大廈可以睇晒成個大阪嘅景色!(圖片來源:官網)

行程:梅田藍天大廈 空中庭園展望台 ⇒ 絹谷幸二 天空美術館 ⇒ HEP FIVE摩天輪

HEP FIVE摩天輪訂票網址:https://l.flynow.hk/hepfiea8fd

梅田除咗有靚景,仲有超多美食,來到梅田記得要去以下餐廳試下喇!
【大阪自由行】識食一定咁食!5間日本人大力推薦梅田必食餐廳

【交通2】由四橋線「西梅田」站搭一個站去「肥後橋」站

坐住觀光船睇夜景都幾舒服!(圖片來源:官網)
坐住觀光船睇夜景都幾舒服!(圖片來源:官網)

行程:國立國際美術館 ⇒ 中之島水上觀光船

總共節省:4430円(HK$320)

 

【路線二】遊船河之選(8個免費景點)

【交通1】先去中央線長堀鶴見綠地線「森之宮」站

大阪水上巴士 Aqua-Liner嘅船上會有暖氣,就算冬天坐都好舒服!(圖片來源:官網)
大阪水上巴士 Aqua-Liner嘅船上會有暖氣,就算冬天坐都好舒服!(圖片來源:官網)

行程:大阪城西之丸庭園 ⇒ 大阪城御座船 ⇒ 大阪城天守閣 ⇒ 大阪水上巴士 Aqua-Liner(期間限定:免費乘船期間 12月~2019年2月)

【交通2】搭水上巴士至「淀屋橋港」,轉搭地鐵御堂筋線「淀屋橋」站,搭三個站去「難波」站


呢段影片就介紹咗道頓堀水上觀光船嘅路線及遊覽類型!

行程:PIRATES OF OSAKA ⇒ 上方浮世繪館 ⇒ JAPAN NIGHT WALK TOUR ⇒ 道頓堀水上觀光船

小編溫馨提示:「中之島水上觀光船」及「道頓堀水上觀光船」只可以二選一

搭觀光船睇完大阪夜景之後就可以去港人最愛嘅心齋橋瘋狂購物!想知道去心齋橋有咩係必買、必食,就要睇埋下面呢篇文喇!
大阪心齋橋好食好買好打卡景點全包圍

總共節省:7400円(HK$535)

 

【路線三】大阪親子遊之選(4個免費景點+1個優惠景點)

【交通】先到中央線「大阪港」站

帆船型觀光船 聖瑪麗亞號嘅外型真係好靚!不過冬天坐其實都幾大風,結果小編吹到瘋狂流鼻水都無留意究竟有無靚景睇~(圖片來源:官網)
帆船型觀光船 聖瑪麗亞號嘅外型真係好靚!不過冬天坐其實都幾大風,結果小編吹到瘋狂流鼻水都無留意究竟有無靚景睇~(圖片來源:官網)

行程:天保山大摩天輪 ⇒ LEGOLAND® Discovery Center Osaka(謝絕只有大人或孩童的入場) ⇒ 帆船型觀光船 聖瑪麗亞號 白天觀光 ⇒ 海遊館(「TOKU×2」優惠價) ⇒ 船長線(Captain Line)

LEGOLAND® Discovery Center訂票網址:https://l.flynow.hk/legole0b4a

大阪海遊館訂票網址:https://l.flynow.hk/klook16387

乘坐船長線(Captain Line)去環球影城只要10分鐘,好方便!(圖片來源:官網)
乘坐船長線(Captain Line)去環球影城只要10分鐘,好方便!(圖片來源:官網)

加碼行程:船長線係來往海遊館及日本環球影城港口嘅接駁船,如果以上行程完成咗仲有時間淨,仲可以去埋環球影城玩返轉!

日本環球影城™ 1日電子門票 訂票網址:https://l.flynow.hk/1kloodee35

仲未諗好其他日子嘅行程?睇埋下面呢個懶人包,咁就唔洗再煩行程喇!
【懶人救星】2018最新!五日四夜 玩盡大阪全攻略

總共節省:8200円(HK$593)

 

4. 大阪酒店

要去晒咁多景點,當要揀返間近車站嘅酒店咁就可以玩到盡!以下呢5間都係2018年好多網友話好住又方便嘅酒店!
【大阪自由行】Hotel Sunroute Osaka Namba每晚只要$600!5大網友推薦大阪酒店推介

 

【大阪其他景點推介】
【大阪購物必去】去機場前最後衝刺!臨空城Outlet全攻略
【大阪自由行】大阪超大型溫泉主題公園「空庭温泉」2019年開幕!