【名古屋自由行】美食之都 名古屋必食 鰻魚!名古屋站5間超正餐廳推介

0
1230

日本多美食就個個都知,不過講到最多地道料理嘅地方肯定名古屋有份!名古屋嘅美食多到連日本節目都好鍾意介紹,今次小編就特別揀自由行一定會經過嘅大站「名古屋站」,發掘連當地人都話正嘅 名古屋必食 美食,未食過以下呢幾款地道美食就唔算來過名古屋!打算去名古屋嘅你,記得bookmark喇!

名古屋必食 餐廳

1. 山本屋總本家(山本屋総本家)

超濃郁味噌烏冬

睇湯底都知道味噌味濃郁! 名古屋必食 !(圖片來源:官網)
睇湯底都知道味噌味濃郁! 名古屋必食 !(圖片來源:官網)

名古屋嘅「紅味噌」非常出名,所以亦衍生出多種用味噌整嘅名古屋美食,來到名古屋必食嘅一定係味噌烏冬!其實名古屋周圍都好容易食到味噌烏冬,不過山本屋總本家嘅味噌烏冬就係出晒名超級好食,餐廳已經經營咗超過90年,所以好多日本人都好鍾意幫襯!

山本屋總本家嘅獨立包裝烏冬已經連埋醬汁,煮起來夠晒方便!(圖片來源:官網)
山本屋總本家嘅獨立包裝烏冬已經連埋醬汁,煮起來夠晒方便!(圖片來源:官網)

山本屋總本家嘅烏冬口感煙韌、爽口,即使煮得耐都唔會煮到軟腍腍,而且味噌湯濃郁,兩者夾埋非常好食!餐廳仲可以買獨立包裝嘅烏冬,買來當手信送比朋友就最啱!

鍾意購物嘅人記得去埋呢個outlet掃平貨!隔離仲有溫泉,行咗成日休息下就最啱!
【名古屋自由行】Shopping完即刻可以浸溫泉!全日本最大名古屋outlet

山本屋総本家 名鉄店
營業時間:11:00~23:00
地址:愛知県名古屋市中村区名駅1-2-1 名鉄百貨店9F
官網:http://yamamotoya.co.jp/

 

2. MARUYA本店(まるや本店)

超受日本人歡迎鰻魚飯

MARUYA本店嘅鰻魚燒到有少少焦,隔住個mon都感受到個陣香味!(圖片來源:芋P@twitter)
MARUYA本店嘅鰻魚燒到有少少焦,隔住個mon都感受到個陣香味!(圖片來源:芋[email protected]

講到名古屋美食,最出名一定係鰻魚飯!MARUYA本店係一間「鰻魚飯三食」嘅名店,已經經營多年,餐廳用傳統方法製作甜嘅醬汁,加埋用炭火燒香嘅鰻魚非常好食!而且鰻魚外皮雖然香脆,不過魚肉仍然柔嫩,而且飯都採用日本A級嘅米,難怪咁受日本人歡迎!

到底咩係「鰻魚飯三食」?可以睇以下影片嘅示範!


名古屋嘅鰻魚飯通常都有呢三種食法!

まるや本店 JR名古屋駅店
營業時間:11:00~23:00
地址:名古屋市中村区名駅一丁目1番4号
官網:http://www.maruya-honten.com/

 

3. 矢場味噌豬排(矢場とん 名古屋駅エスカ店)

經常大排長龍鐵板味噌豬排

矢場味噌豬排炸完再用鐵板燒,肯定好香口!(圖片來源:官網)
矢場味噌豬排炸完再用鐵板燒,肯定好香口!(圖片來源:官網)

另一種名古屋必食美食一定係味噌豬排!不過呢間「矢場味噌豬排」比較特別,除咗普通放喺碟上面嘅味噌豬排,餐廳最受歡迎嘅係用鐵板燒嘅味噌豬排!因為怕炸好嘅豬排外皮會腍,所以店員會喺所有配菜都到齊先淋上味噌醬。


聽到鐵板嘅滋滋聲就更加想食!矢場味噌豬排嘅味噌醬非常濃郁,豬排亦炸得香脆,非常好食!

矢場とん 名古屋駅エスカ店
營業時間:11:00~22:00
地址:名古屋市中村区椿町6-9 エスカ地下街
官網:http://www.chinese.yabaton.com/

 

4. 世界之山哥(世界のやまちゃん)

食辣人士最愛 招牌名古屋雞翼

世界之山哥推出嘅香辣炸雞翼,過咗咁多年都仍然好受日本人歡迎!(圖片來源:qooneLL)
世界之山哥推出嘅香辣炸雞翼,過咗咁多年都仍然好受日本人歡迎!(圖片來源:qooneLL)

呢間餐廳超級受日本人歡迎,仲衝出日本,喺香港都有分店!「世界之山哥」可以食到名古屋嘅特產炸雞翼!餐廳招牌菜「夢幻雞翼」,一人份已經有5隻雞翼,餐廳用秘製醬汁、混合鹽及胡椒,有少少鹹味之餘,仲有陣好香嘅辣味,鍾意食辣嘅人肯定鍾意!

世界之山哥仲有推出啱開party嘅套餐,食物種類好豐富!(圖片來源:ぐるなび)
世界之山哥仲有推出啱開party嘅套餐,食物種類好豐富!(圖片來源:ぐるなび)

如果唔食得辣嘅話,餐廳亦有提供其他名古屋菜色,係試名古屋地道料理嘅好選擇!

試完名古屋嘅地道美食,當然都要去埋名古屋嘅出名景點,如果仲未諗到行程嘅話,不妨睇下面篇文參考下!
【名古屋自由行】一生必訪白川鄉!日本人票選5大必去名古屋景點

世界のやまちゃん 名古屋駅東店
營業時間:17:00~0:15
地址:名古屋市中村区名駅4-16-27
官網:http://www.yamachan.co.jp/chinese/index.php

 

5. 蟹本家(かに本家)

超新鮮肥美螃蟹

蟹本家嘅菜色非常豐富!鍾意食蟹嘅人肯定會鍾意!(圖片來源:klook)
蟹本家嘅菜色非常豐富!鍾意食蟹嘅人肯定會鍾意!(圖片來源:klook)

如果鍾意食海鮮嘅人,一定要過來試下呢間餐廳!呢間分店距離名古屋站10分鐘步程,可以食到用最新鮮嘅蟹整出來嘅各種料理,例如懷石料理、螃蟹火鍋等,螃蟹味道鮮甜好食,如果怕多人嘅話仲可以預先book枱,咁就唔洗排隊咁晒時間喇!

蟹本家
營業時間:11:30~22:00
地址:愛知県名古屋市中村區名駅南1-17-20
預約網址:https://l.flynow.hk/klook12914

 

名古屋酒店

想食晒以上嘅美食當然要住一間近名古屋站、交通方便嘅酒店!以下5間都係好多網民推薦嘅酒店,打算去名古屋嘅人記得睇定喇!
【名古屋自由行】連日本天皇都揀嘅酒店!5間人氣超高名古屋酒店推介

 

【日本其他地方景點推介】
【大阪自由行】半價遊大阪!教你玩盡大阪周遊卡
【東京自由行】頂層嘆露天spa!5間新開張東京酒店推介