【名古屋自由行】一生必訪白川鄉!日本人票選5大必去 名古屋景點

0
2047

去完大阪等關西地方,有無諗過去日本中部玩返轉?名古屋係另一個非常受歡迎嘅旅遊地方,有唔少人都會經大阪進出名古屋,講到最出名嘅 名古屋景點 肯定係冬季限定嘅白川鄉合掌村,超靚景色每年都吸引到唔少人去,想知道仲有無其他連日本人都覺得非去不可嘅景點?一定要睇下文喇!

5大必去 名古屋景點

1. 名古屋港水族館

超精彩沙丁魚表演

小編都好想親眼睇下名古屋港水族館嘅海豚表演!(圖片來源:klook)
小編都好想親眼睇下名古屋港水族館嘅海豚表演!(圖片來源:klook)

名古屋港水族館雖然無大阪海遊館咁大規模,不過都好值得去!入面嘅海洋生物種類超過500多種,數量仲多達5萬隻,除咗可以見到海豚、白鯨、殺人鯨等魚類之外,水族館最受歡迎肯定係海洋場生物嘅現場表演!有比較常見嘅海豚表演,仲有3萬條沙丁魚一齊表演嘅「沙丁魚龍捲風」,3萬條魚一齊表演肯定好壯觀!


呢個係名古屋港水族館上年嘅萬聖節表演,魚嘅移動加上燈光,視覺效果好正!

營業時間:9:30〜17:30(逢星期一休息)
地址:日本名古屋市港區港町1番3號
訂票網址:https://l.flynow.hk/1kloo02a4e

如果經大阪去名古屋嘅人,去關西國際機場之前記得去呢度掃平貨呀!
【大阪購物必去】去機場前最後衝刺!臨空城Outlet全攻略

 

2. 名古屋市科學館

小朋友免費入場 最啱親子遊

名古屋市科學館嘅外觀好特別!(圖片來源:4travel.jp)
名古屋市科學館嘅外觀好特別!(圖片來源:4travel.jp)

名古屋市科學館有2011年建成、世界最大嘅天象儀,簡直係鍾意研究天文現象或星空嘅人一大福利!除咗參觀唔同嘅天文現象,科學館仲有唔同嘅互動體驗活動,可以親身體驗龍捲風或者零下30度嘅環境,感覺有趣,相信大人小朋友都可以玩得開心,而且小朋友仲可以免費入場!小朋友放電首選,名古屋親子遊必去!

營業時間:9:30〜17:00(逢星期一及每月第3個星期五休息)
入場費:大人800円(大約HK$56)、小朋友(中學生以下)免費入場
地址:愛知県名古屋市中区栄二丁目17番1号
官網:http://www.ncsm.city.nagoya.jp/

 

3. 東山動植物園

設兒童遊樂場 小朋友放電首選

東山動植物園嘅樹熊好可愛,連日本人都因為佢地而好鍾意去!(圖片來源:官網)
東山動植物園嘅樹熊好可愛,連日本人都因為佢地而好鍾意去!(圖片來源:官網)

東山動植物園飼養咗500種生物,有超受日本人歡迎嘅樹熊,亦有2013年開放、全日本最大間亞洲象園區!除咗動物園之外,仲有植物園,更設有兒童遊樂場,啱晒帶小朋友去名古屋嘅遊客,而且小朋友仲可以免費入場,簡直係親子遊首選!就算係大人都只需要500円,東山動植物園嘅範圍咁大,相信可以玩足一日,500円就可以玩一日真係好抵玩!難怪呢個景點咁受日本人歡迎!

營業時間:9:00〜16:30(逢星期一休息)
入場費:大人500円(大約HK$35)、小朋友(中學生以下)免費入場
地址:名古屋市千種区東山元町3-70
官網:http://www.higashiyama.city.nagoya.jp/

除咗名古屋可以親子遊之外,其實北海道都有好多兒童設施好啱親子遊,比小朋友放電就啱晒!
【親子遊攻略】免費玩足全日!5大放電必去北海道親子公園推介

 

4. 熱田神宮

祈求勝利必去神社

織田信長都有去過嘅熱田神宮,一定要去朝聖下!(圖片來源:4travel.jp)
織田信長都有去過嘅熱田神宮,一定要去朝聖下!(圖片來源:4travel.jp)

熱田神宮係日本第二大嘅神道神宮,受到好多日本人崇敬,已經有1900年歷史,係規格好高嘅神社。神社仲擁有三大神器之一嘅「草薙劍」,所以好多第一次去名古屋嘅旅客都會去朝聖下。

歷史名人織田信長喺打杖之前曾經去過熱田神宮祈求勝利,最後打勝杖之後就喺神社起咗一幅「信長塀」,對日本歷史有興趣嘅人一定要去參觀下!

營業時間:全年開放
入場費:免費入場
地址:名古屋市熱田区神宮1-1-1
官網:https://www.atsutajingu.or.jp/

 

5. 名古屋城

名古屋必去打卡點

第一次來名古屋一定要去名古屋城打卡!(圖片來源:asasikibu.com)
第一次來名古屋一定要去名古屋城打卡!(圖片來源:asasikibu.com)

名古屋城係名古屋嘅重要地標,呢座城曾經因為第二次世界大戰而被破壞,不過1959年再重建,而家同大阪城等列為日本三大名城之一,尤其是係第一次去名古屋嘅人一定要過去影相打卡!

名古屋城同大阪城一樣有設天守閣,上到天守閣可以高空睇到全個名古屋嘅城市景色,不過天守閣因為要進行復原工程所以已經喺上年關閉,要到2022年12月先會完成。雖然上唔到天守閣,不過名古屋城宏偉嘅外觀仍然好值得參觀!

營業時間:9:00〜16:30
入場費:大人500円(大約HK$35)、小朋友(中學生以下)免費入場
地址:愛知縣名古屋市那賀町本丸 1-1
官網:https://www.nagoyajo.city.nagoya.jp/15_hantai/

名古屋住宿

想去晒咁多個景點,當然要揀返間交通方便又住得舒服嘅酒店啦!以下呢5間都係2018年受到網民熱烈討論嘅名古屋酒店 ,其中一間酒店仲要連日本天皇都住過!
【名古屋自由行】連日本天皇都揀嘅酒店!5間人氣超高名古屋酒店推介

【冬季限定】白川鄉合掌村

白川鄉嘅景色加埋倒映真係好靚!(圖片來源:klook)
白川鄉嘅景色加埋倒映真係好靚!(圖片來源:klook)

白川鄉合掌村被喻為一生人一定要睇一次嘅靚景,每年冬天都會有好多遊客專程過去。鋪滿白雪嘅村落睇落固然似童話世界,夜晚點燈之後景色就更加靚!而且白川鄉仲可以浸溫泉,喺咁靚嘅環境之下浸溫泉肯定特別舒服!

白川鄉合掌村位於深山,交通未必咁方便,如果唔想煩交通、好似小編嘅懶人都可以揀以下嘅懶人之選!

預訂網址:https://l.flynow.hk/1kloo65da5

 

【日本其他景點推薦】
【大阪自由行】Hotel Sunroute Osaka Namba每晚只要$600!5大網友推薦大阪酒店推介
【大阪自由行】大阪超大型溫泉主題公園「空庭温泉」2019年開幕!