【名古屋自由行】Shopping完即刻可以浸溫泉!全日本最大 名古屋outlet

0
2959

距離名古屋市中心最近嘅Outlet肯定係MITSUI OUTLET PARK 爵士之夢長島(MITSUI OUTLET PARK JAZZ DREAM NAGASHIM),呢個 名古屋outlet 係日本最大型嘅Outlet,店舖數量有300間,仲多過好多香港人鍾意去嘅大阪臨空城outlet!而且Outlet附近仲有長島溫泉,最啱shopping完放鬆!想知道點樣可以用最抵價錢掃各大品牌嘅貨品,就要bookmark定喇!

1. 名古屋outlet 交通【第一重優惠】

MITSUI OUTLET PARK 爵士之夢長島推出咗兩種交通優惠套票!

中部國際機場搭車優惠

由機場去名古屋outlet單程車費需要1,500円(大約HK$108),不過如果係遊客嘅話就可以用優惠價3,700円(大約HK$267)買車票連3,000円購物券嘅優惠套票,計返車費都只需要700円(大約HK$51)!

去到MITSUI OUTLET PARK JAZZ DREAM NAGASHIM記得去咗一樓嘅綜合服務台換領購物券先!(圖片來源:官網)
去到MITSUI OUTLET PARK JAZZ DREAM NAGASHIM記得去咗一樓嘅綜合服務台換領購物券先!(圖片來源:官網)

3,000円購物券可以喺MITSUI OUTLET PARK 爵士之夢長島嘅一樓綜合服務台換領,購物券除咗可以用來shopping,亦可以喺Outlet內嘅餐廳使用!

車程需時:大約60分鐘到達

名鐵巴士中心搭車優惠

如果你係由名古屋市中心出發嘅話就可以用呢個優惠,原本搭巴士去名古屋Outlet來回需要2,120円(大約HK$153),不過遊客就可以用4,400円(大約HK$318)買來回車票連3,000円購物券嘅優惠套票,計返可以慳到HK$50!

購買地點:名古屋旅遊諮詢中心
車程需時:大約50分鐘到達
巴士時間表:請按此

名古屋市中心其實都有好多景點值得去,未諗到去邊嘅你可以參考以下5個連日本人都推薦嘅景點!
【名古屋自由行】一生必訪白川鄉!日本人票選5大必去 名古屋景點

2. 交通銀行信用卡用戶優惠【第二重優惠】

只要向一樓綜合服務台嘅職員出示交通銀行信用卡及電子兌換券,就可以換領以下優惠券!

1. 500 円購物券 2 張及 1,000 円購物券 3 張 (總值 4,000 円)

2. 商戶優惠手冊 1 份 手冊內包括數十間商戶優惠,如高達 10%折扣優惠券及贈品換領券等

優惠期:2018 年 7 月 1 日起至 2019 年 6 月 30 日

大阪嘅臨空城outlet亦同樣多優惠,而且位置就喺關西國際機場附近,如果玩埋大阪嘅話,記得去埋呢邊掃平貨呀!
【大阪購物必去】去機場前最後衝刺!臨空城Outlet全攻略

 

3. 名古屋Outlet 品牌

攞晒優惠就可以瘋狂shopping喇!不過Outlet入面唔係所以店舖都係免稅,買野之前記得問清楚先喇!小編就精選咗部分一向好受歡迎又免稅嘅品牌商店比大家參考下!

免稅商店名單:https://mitsui-shopping-park.com/mop/nagashima/tw/search/index.html/?pict=tf

【1】New Balance Factory Store(South Area 2F)

New Balance真係好受歡迎,來到當然要行個圈望下有無平貨!(圖片來源:Miromar Outlets)
New Balance真係好受歡迎,來到當然要行個圈望下有無平貨!(圖片來源:Miromar Outlets)

New Balance喺香港一向受歡迎,不過喺Outlet買價格已經係優惠價,再加上免稅,價錢肯定比外面買平好多!鞋款最平HK$300已經有交易,想買鞋嘅話一定要過來望下!

【2】Le Creuset(South Area 2F)

呢邊嘅LC煲比香港平好多,就算重都要搬返香港!(圖片來源:Nuvo Magazine)
呢邊嘅LC煲比香港平好多,就算重都要搬返香港!(圖片來源:Nuvo Magazine)

呢個Outlet亦有超級受歡迎嘅廚具品牌Le Creuset,鑄鐵鍋最平大約HK$1000就有交易,亦有優惠套裝,例如一個鑄鐵鍋+碗+筷子托只要20,000円(大約HK$1445),想買靚廚具嘅一定要過來掃貨!

另外,仲有其他受歡迎品牌COACH、LONGCHAMP、Gap等都有免稅優惠,來到一定要慢慢行下,發掘心頭好!

 

4. 設施

1. 儲物櫃

MITSUI OUTLET PARK 爵士之夢長島設有儲物櫃,大嘅每個400円(大約HK$29),可以放低大型行李再去掃貨。

2. 美食廣場

Outlet外型好似城堡咁,啱晒影相打卡!(圖片來源:官網)
Outlet外型好似城堡咁,啱晒影相打卡!(圖片來源:官網)

餐廳主要集中喺2樓,有漢堡包、烏冬等唔同類型嘅食物可以選擇。

 

5. 附近景點:長島溫泉樂園(Nagashima Spa Land)


小編建議可以喺呢度玩足一日,去埋Outlet隔離嘅長島溫泉樂園,樂園入面除咗有超多刺激嘅機動遊戲,亦可以浸溫泉,玩咗成日浸溫泉,更有效消除疲勞!

 

6. 名古屋住宿

想去MITSUI OUTLET PARK 爵士之夢長島盡情shopping,交通方便嘅酒店就好重要!以下呢5間酒店都好近車站,其中一間仲有巴士直接過去Outlet,夠晒方便!
【名古屋自由行】連日本天皇都揀嘅酒店!5間人氣超高名古屋酒店推介

 

【日本其他景點推介】
【大阪自由行】大阪超大型溫泉主題公園「空庭温泉」2019年開幕!
【影相呃like首選】日本版天空之鏡!大阪京都5大超靚秘景推介