【購物攻略】5大北海道必去購物景點!(內附優惠券)

0
128

小編係一個購物狂,去唔同地方都會想去勻咁多間outlet同shopping mall。遊北海道,賞完花、浸完溫泉、滑埋雪,就緊係要走去outlet瘋狂購物。今次就等小編同大家分享下5個北海道購物好去處,一於喺Outlet到好好咁放血啦! 每間都有激多優惠、各有特色,仲唔快啲mark低,開定荷包,準備大出血?我地仲有交通指南,方便大家將景點加入行程。

以下就係5個必去嘅shopping景點

店舖數目 交通便利程度 遊客優惠
千歲Outlet Mall Rera 約140間店鋪
  • JR千歲線「南千歲」站下車,步行3分鐘
  • 從地鐵南北線/東豐線/JR線「札幌」站乘坐中央巴士/北都交通巴士(機場大巴)到「JR南千歲」站下車,步行3分鐘
  • 從札幌市中心駕車前往約40分鐘
  • 從新千歲機場乘坐免費巴士
日本境外Mastercard卡持卡人專屬優惠
三井 Mitsui Outlet Park 約170間店舖
  • 從新千歲機場搭乘機場接駁巴士約30分鐘
  • 從札幌站(東急百貨前)搭乘直達巴士約50分鐘
  • 從北廣島站搭乘巴士約20分鐘
請列印並攜帶官網既QR code至綜合服務台,或於服務台直接出示本行動電話畫面,即可免費取得優惠券。

 

4丁目廣場 約88間店舖
  • 直接連接地鐵「大通站」
  • 電車線路「西4丁目」站前
  • 直接連接到地下購物區“ポールタウン”(POLE TOWN)
狸小路 約200間店舖
  • 由札幌市營地鐵南北線或東西線「大通」站徒歩約3分鍾即可抵達
札幌STELLAR PLACE 約115間免稅店
  • JR札幌駅直接連接
  • 地下鐵南北線/東豊線
  • 札幌站前公車總站直達
  • 札幌站前(東急百貨公司南側)徒步1分鐘
只要到APIA、ESTA、PASEO、STELLAR PLACE的服務處出示護照,即可獲得COUPON 10枚,滿2000日圓即可使用一張100日圓的折價券!!

1. 親子天堂 – 千歲Outlet Mall Rera

購物中心裡面有主題樂園,大人買得開心,小朋友玩得開心!(圖片來源:snowtomamu.jp)

位於新千歲機場旁的Outlet Mall,可以話係女人嘅天堂!集結世界各地嘅著名品牌,從各國流行精品服飾,例如COACH, GUCCI, Beams等等。運動牌子代表有Adidas, The North Face; 日系雜貨有Francfranc同SEIKO;兒童服飾都有得賣架,KID’S shop ほわいと.appuru 同 F.O.International,包羅各種超人氣品牌嘅商品,點都有樣啱你心意!嗰度有一個大型美食廣場,各地美食包羅萬有,作為吃貨嘅你,絕對唔可以錯過!

一路行街,一路睇住小朋友嘅你係咪好辛苦?又要帶住佢地行街,又要驚悶親佢地。 Chitose Outlet Mall Rera入面設有主題樂園,除咗室內遊樂場同與遊戲室外,仲有色彩繽紛嘅迷宮陣!小朋友一定鍾意!

優惠:日本境外Mastercard卡持卡人專屬優惠!!! 尊享8%免稅優惠再加高達9折既店內折扣。記得喺Rera折扣購物中心嘅No.180 Travel Salon領取折扣券。各位記住咪走寶啊!!

地址:北海道千歲市柏台南1丁目2-1
營業時間:10:00~20:00(隨季節變更進行調整)
電話:0123-42-3000
交通:
-JR千歲線「南千歲」站下車,步行3分鐘
-從地鐵南北線/東豐線/JR線「札幌」站乘坐中央巴士/北都交通巴士(機場大巴)到「JR南千歲」站下車,步行3分鐘
-從札幌市中心駕車前往約40分鐘
-從新千歲機場乘坐免費巴士
官網:http://www.outlet-rera.com/

 

2. 東北地區最大型outlet – Mitsui Outlet Park

橙色外牆好易認!(圖片來源:letsgojp.com)

札幌北廣島係北海道・東北地區最大型outlet,係每個遊客必訪之地,館內嘅商店大致分為男/女裝、鞋包、兒童用品、運動&戶外用品、藥妝、生活雜貨、手錶/首飾,有齊180家國內外各國知名品牌,例如Michael Kors,Onitsuka Tiger等等,多達約130家免稅商店,同埋日本必去嘅藥妝店!其中絕大部分優惠係以價格折扣為主,就算係非折扣季都可以以折扣季既價錢盡情血拼,相當吸引! ! 由於鄰近機場,係旅客離開北海道前作最後衝刺嘅好去處。

優惠: 記得列印並攜帶官網既QR code至綜合服務台,或於服務台直接出示電話畫面,即可免費取得優惠券。

地址:北海道北廣島市大曲幸町3 丁目7-6
營業時間:商店10:00-20:00;餐廳11:00~21:00;美食廣場10:30-21:00
交通:
從新千歲機場搭乘機場接駁巴士約30分鐘
從札幌站(東急百貨前)搭乘直達巴士約50分鐘
從北廣島站搭乘巴士約20分鐘
官網:https://mitsui-shopping-park.com/mop/sapporo/tw/index.html

 

3. 潮流女性最愛 – 4丁目廣場

由地下2層,直到地面9層都充滿住各式各樣嘅商店,購物必去!(圖片來源:wow-j.com)

喺札幌嘅駅前通和南一條通依兩條道路的嘅交叉點上,有一棟時尚大樓叫做「4丁目廣場」,依棟熱鬧嘅購物景點主打年輕女性客群,好多個性獨特嘅店家販賣各種時尚服飾,尤其受到少女同20歲左右女性嘅喜愛。如果你想知道依家日本時尚界嘅流行趨勢,咁你就千其唔好錯過啦~ 佢由地下2層,直到地面9層都充滿住各式各樣嘅商店,可以滿足各個年齡層嘅需求。七樓會有一個自由市場,入面有衫、雜貨、飾品等唔同嘅商品,係咁多滿目繽紛嘅小店入面,如果你仔細咁搵,你可能仲會發現到一啲稀奇嘅商品,例如手工珠寶、人體寶石彩繪或雜貨商品等特色店家,一定會令你感受到購物嘅樂趣!!

男仔都可以去5樓專賣男性時尚商品嘅樓層「109MEN’S」行行,嗰度都有唔少日本品牌商店,例如,FUGA,CONTROLLER等等,好好把握機會,大量入手各類潮牌Hot items啦!!!

地址:〒060-0061札幌市中央區南一西西4丁目
營業時間:10:00-20:30
交通:札幌市營地鐵大通站直通
電話:011-261-0221
官網:http://www.4pla.co.jp/

4. 可以又食又玩嘅商店街 – 狸小路

成條街有200間店舖,可以慢慢行足全日!(圖片來源:nicklee.tw)

喺狸小路商店街入面,自由西一丁目至西七丁目間,約有200間店舖,進駐咗各式藥妝店、服飾、雜貨店以及地道嘅餐飲店,美食同埋購物嘅愛好者一定會好鍾意呢個地方!! 建議從一丁目開始向七丁目嘅方向行街,一至四丁目比較熱鬧。除此之外,裡面仲有本陣狸大明神社,經過時記得抽籤!!! 睇睇自己最近嘅運程同埋幸運值,可能會有意想不到嘅發現呢~

地址:2 Chome Minami 2 Jonishi, Chuo Ward, Sapporo, Hokkaido Prefecture
交通:大通公園步行約5分鐘
電話:+81 11-241-5125
官網:http://www.tanukikoji.or.jp/

 

5. 交通超方便 – 札幌STELLAR PLACE

札幌站喺正購物中心隔離,就算落雨都可以繼續shopping!(圖片來源:wow-j.com)

擁有超過200間以上嘅商店,除咗有時尚服飾、美妝產品、生活雜貨與各式餐廳外,仲有按摩店、美甲沙龍、美容院和電影院等設施。種類豐富嘅店舖,能夠滿足唔同年齡層行街嘅需求。從1樓到5樓集合咗各種時尚潮流品牌店鋪,1樓~3樓嘅男女裝專區、4樓嘅實用時尚生活專區、5樓嘅街頭風格專區,所有人都可以喺呢度搵到專屬自己嘅時尚Style。

優惠:只要到APIA、ESTA、PASEO、STELLAR PLACE嘅服務處出示護照,即可獲得COUPON 10張,滿2000日圓即可使用一張100日圓嘅折價券進行折!! 買完野記得到7/F退稅!!!

地址:北海道札幌市中央區北5條西2丁目
電話:+81-11-209-5100
營業時間:B1F~6F:10:00~21:00;STELLAR DINING 11:00~23:00
交通:
– JR札幌站直達
從「新千歲機場」最快36分鐘(JR快速airport)
從「旭川站」最快1小時20分鐘(L特急super kamuy)
從「小樽站」最快28鐘(JR快速airport)
– 地下鉄
南北線/東豊線 札幌站直達
– 公車
札幌站前公車總站直達
札幌站北口公車總站 JR札幌站北口直達
札幌站前(東急百貨公司南側)徒步1分鐘
官網:http://www.stellarplace.net.t.ow.hp.transer.com/

 

【閱讀更多】
【訂房最後機會】最啱一家大細過聖誕!4大北海道滑雪度假村推介
【親子遊必去】小朋友都可以揸電單車?超受歡迎 北海道星野TOMAMU度假村
【自駕遊攻略】北海道5間租車公司大比拼!究竟邊間最抵玩?