【福岡】四日三夜親子遊懶人包

0
1336

好想去福岡食好嘢又唔知去邊好,好想一家人大細去日本幾日旅行又怕小朋友唔啱去啲景點喎,咁度就啱哂你啦。2018 Flynow 嘅【福岡四日三夜親子遊】,跟住行程去,有小朋友玩得開心,大人買玩又盡興,仲有好多打卡位,實要留留低一大堆嘅快樂幸福嘅暑假回憶 !

同場加映仲有「屋台攻略」 呀,萬勿錯過 !  

多太睇唔哂? 可以黎我地呢個Facebook Post 留言+1拎番份已經乜都有嘅懶人包打包走啦 ! 仲附有Google My Map地圖咖 !

👉🏻 【懶人救星】2018最新!四日三夜 福岡親子遊懶人包 👈🏻

比你地偷偷地望兩下啦👀

第一日 影相打卡

麵包超人博物館(アンパンマンミュージアム)

位於著名商場博多Riverain(博多ソバレイソ)5至6樓,佔地8,700平方, 5樓是餐廳、麵包超人廣場同兒童遊戲區,6樓則是商店與麵包坊。麵包超人廣場除咗有彩虹滑梯,仲有大型舞台睇麵包超人一眾角色表演。

黎到麵包超人博物館當然要吃造型麵包!喺6樓嘅「果醬爺爺的麵包工廠」,可以買到麵包超人唔同角色嘅造型麵包,賣相非常得意,真係唔捨得食呀!

走之前記得睇埋博多限定商品呀,其他地方分館搵唔到嫁!

營業時間:10:00-18:00(17:00最後入館)
費用:¥1500,1歲以下免費

兵庫姬路城 & 岡山採摘白桃 & 神戶麵包超人博物館一日遊﹕ https://l.flynow.hk/klooka4eb1 

 

博多運河城(キャナルシティ博多)

商場設計極具未來感,除咗可以行街買免稅品之外,最底層嘅太陽廣場配合運河灣度設計,不時有唔同表演睇,例如近期就同海賊王仲有哥斯拉crossover,每晚分別有免費嘅海賊王投影噴水表演,同埋哥斯拉運河城水幕劇,而後者仲有現場互動遊戲玩,觀眾可以用自己嘅手機發射導彈攻擊哥斯拉,一齊保衛地球安全。

活動日期:

海賊王水奇觀2       : 15/7 – 5/8  20:30

怪獸哥斯拉博多登陸: 1/7 – 14/7  20:30

                            15/7-5/8 20:00/21:00

網站﹕https://l.flynow.hk/a00b9 

櫛田神社(くしだじんじゃ)

櫛田神社係博多街道守護神,去到一定要試下傳說可以保健康同長壽踲靈泉鶴井水,舀咗水之後分三次倒喺手到飲。據說一邊飲一邊係心到講「延年益壽」,就會更靈驗。第一啖井水係為自己飲,第二啖為家人,第三啖係替自己身邊嘅所有人。但記得留意井水含有鹽分,飲太多可能會弄巧反拙呀!

想影相嘅話,可以睇下神竹社嘅巨型神轎,每年7月1日會為祭典重新打造,而神轎上面嘅裝飾,都係同博多地區有關嘅武士或者日本古老傳說、動漫等主題人物,非常精美。

如果冬天去嘅話,仲會見到鳥居變成福神嘅樣,傳說穿過依個福神嘅口人仲可以招黎幸運。

開放時間﹕04:00-22:00

屋台

難得去到福岡,就可以去夜晚可以試下去屋台搵晚餐食。屋台(路邊攤),係福岡有好幾個,比較大型嘅主要聚集係春吉橋、冷泉公園、中洲川端站附近。大多都係一間小食店,老闆係中間個位煮嘢食,客人就圍住迫迫地坐高凳。

  • 屋台比較適合有番四五歲唔洗坐BB凳嘅小朋友,又或者係爸爸媽媽自己搵宵夜。
  • 唔係每一間屋台都可以輕鬆用英文或者中文溝通,可能要用少少日文或者剩係可以用好簡單嘅英文去溝通。
  • 怕雞同鴨講都可以先望下有冇外國人幫襯,睇下可唔可以同店方溝通。
  • 怕冇預算就可以去博多車站綜合服務中心或者去福岡市旅客服務中心買天神博多屋台優惠卷,¥1050就可以去14間指定屋台之一去食佢地嘅一款指定美食,可以兩三個人去買一張,再加多小小其他食物,都好抵咖。

睇更多屋台推薦同埋唔講唔知屋台貼士,可以去我地呢度

傳送門﹕天神博多屋台攻略(內含屋台潛規則同屋台推介)

屋台推介

小金ちゃん

屋台式炒麵嘅元祖店,更令炒麵成為福岡屋台名物!老闆先用骨湯煮好拉麵,然後再炒,香氣四溢,口感一流,所以非常受歡迎,人龍幾乎冇斷過!另外仲有明太子玉子燒同餃子都好受歡迎。

營業時間:18:30 – 02:00 (逢星期四及日休息)

 

法式料理屋台レミさんち  [可使用屋台優惠券]

街邊都有得食法國菜?依間福岡首間由法國人開嘅屋台,用平民價錢就可以享受地道法國料理,而飲品除咗日本酒,仲有葡萄酒可以揀。唔想食拉麵、日本料理嘅話,都可以去依間試下。

營業時間:18:30-00:00(逢星期日及一休息)

笑平   [可使用屋台優惠券]

餃子都係店員現包,煎完係會連完整嘅羽衣成碟上。 用嘅拉麵係細麵,吸哂白雲豬骨湯。仲有福岡特產嘅明太子玉子燒,如果唔知叫乜好,直接跟人氣榜叫啦 ! 而且有中文餐牌咖。

營業時間:19:00 – 02:00 (星期一休息)

第二日 求學問

太宰府天満宮(だざいふてんまんぐう)

天滿宮係供奉「學問之神」菅原道真嘅神社,雖然全日本都有,但就係太宰府呢度先係埋葬靈廟。學生可以係入本殿前摸下御神牛嘅頭,可以祁求開智慧同考試過關。臨走都可以買一塊繪馬(小木板)寫低大家嘅願望。雖然暑假檔期就唔係天滿宮嘅花期,但都仲好多庭園同常春植物,風光不減。

開放時間﹕0630-1930 (視季節變更閉館時間)

手信

梅枝餅

天滿宮嘅最大特色就係滿滿嘅梅花,雖然花期大概係1月到3月,暑假去睇唔到,但都可以買番份梅枝餅食。

御守

天滿宮當然都可以祁求御守保平安啦,除左學生必要嘅學業御守,大人都可以要比較少見嘅交通同航空御守。

 

Starbucks (太宰府店)

依間Starbucks由建築師隈研吾設計,多運用大自然嘅設計元素,以大量亂中有序嘅木條拼切出前門,店舖嘅天花同牆身都插滿木方,加上一排青草,充滿自然美,為全店營造溫暖又貼合日本傳統嘅氣氛,最啱就係行到攰個陣入去買杯咖啡抖涼坐下。個feel 同平時香港個種商業味濃嘅Starbucks截然不同,打卡必去。

九州國立博物館(きゅうしゅうこくりつはくぶつかん)

常設展示係無規劃路線,鐘意行邊先都冇所謂,自由選擇參觀順序,為參觀增添樂趣。而星期日下晝2點會有免費嘅後院導覽,可以參觀平時入唔到嘅後台,同埋有導覽解說,好歡迎咖。

營業時間:09 :30 – 17 :00 (入館到16 :30)
              周一及年底假期閉館
費用:¥ 420
官網:https://l.flynow.hk/35f83

第三日 親親大自然

海之道海濱公園(こくえいうみのなかみちかいひんこうえん)

海濱公園是國營公園,佔地甚廣,全長約6公里,面積約300公頃,係差唔多10個香港迪士尼樂園咁大,都好適合係園內租單車慢慢踩慢慢玩。公園四季佳宜,四季都可以欣賞到壯觀花海,另有「動物森林」,可以接觸松鼠猴或水豚等動物,仲有唔少遊樂設施,動態嘅有雲朵彈彈床,靜態嘅亦有森林之家可以整下木工勞作,非常適合帶小朋友黎放電!

同小朋友去一家要去公園入面最長嘅滑梯玩下。不過片入面就有個錯誤示範,唔好大人抱住小朋友一齊玩滑梯,會好易整親咖 !

營業時間:9:30-17:30(3月-10月)、9:30-17:00(11月-2月)
費用:成人¥450,長者¥210,14歲或以下免費
網站﹕https://l.flynow.hk/03215

開放式動物園

除咗可以睇到水豚、袋鼠、松鼠猴、土撥鼠等動物,仲可以帶小朋友去餵綿羊,抱豚鼠,近距離感受動物嘅可愛。

鯨魚雲朵彈彈床(くじらぐもふわんポリン)

極受小朋友歡迎嘅彈床,有一大一細兩個,其中一個以3至6歲小童為對象,最高只有1.7米。彈床旁邊空地仲設有休息空間,爸爸媽媽可以一邊睇住小朋友玩,一邊慢慢坐低休息。

森林之家 森の家 もりのいえ

依到可以用園內收集到嘅自然材料,例如松果、樹枝等,去整勞作。木藝勞作係免費體驗,所以非常受歡迎。

碧空海豚 スカイドルフィン

一眼就望到喺大草地上嘅海豚!海豚塔入面有好多得意嘅遊玩設施,好似抓繩、同平衡木。

水邊遊樂區 みずべのトリム

池塘上方嘅運動園區,主要用木同繩索搭建,喺香港比較少見到。設施種類有21種咁多,必定玩到樂而忘返。

海洋世界水族館(マリンワールド‧うみのなかみち)

因為九州地方位於日本南部,周圍都係溫暖海流,所以館內展示嘅都係亞熱帶生物,從近海到遠洋450種、約3萬隻海洋生物。世界最大級全景水槽,可以睇哂海洋淺層、中層、深層嘅各種生物。仲有不同海洋劇場同餵食表演,啱哂一家大細。

營業時間:09 :30 – 17 :30   (3月– 11月)
                 10 :00 – 17 :00 (12月– 2月)
*黃金週及暑假開放至21 :30
聖誕節開放至21:00
費用:成人 ¥ 2300,初中生 ¥ 1200,小學生 ¥ 1000,4歲以上幼童 ¥ 600

官網﹕https://l.flynow.hk/klook40db9

第四日 行街買手信

玩咗咁多日,到最後一日,係時候買番啲手信同戰利品啦!睇下有乜 鋪頭值得去啦。

天神地下街(てんじんちかがい)

地下街有150多間店鋪,除此之外仲連接附近多間大商場同車站,非常方便。雖然依到嘅店鋪大多唔係走平價路線,但都有好幾間 ¥ 100店同平價雜貨店,總有一間啱你!

官網:http://l.flynow.hk/9e519

中洲川端商店街(なかすかわばたしょううてんがい)

博多最古老同傳統嘅商店街,有唔少老字號嘅店鋪,但亦都不乏地道小店,可以感受當地居

民嘅生活文化。

官網:http://l.flynow.hk/af4ca

JR博多城(アミュプラザはかた)

與車站相結合,主要由「AMU PLAZA博多」同「博多DEITOS」組成。「博多DEITOS」嘅みやげもん市場集齊多種博多名產,亦可以搵到唔少九州名物;而「AMU PLAZA博多」除咗購物之餘,仲有頂層嘅燕林廣場同鐵路神社,入面有搭迷你版嘅燕子電車可以搭。

官網:http://l.flynow.hk/jramud2201

人氣美食推薦

天神地下街

BAKE1﹕人氣半熟芝士撻,每次出爐嘅香氣都會吸引好多人排隊,造成長龍。

營業時間:09: 00 – 21: 00
價錢:¥216 (1個)

中洲川端商店街

吉塚鰻魚﹕百年歷史鰻魚飯名店,皮脆肉嫰,連唔鍾意食鰻魚都會覺得好味。有BB凳同兒童餐具提供。

營業時間:11:00 – 21: 00
預算: ¥3000- ¥3999

JR博多城周邊-阪急百貨B1

努努雞3:平時食炸雞都係熱辣辣,但努努雞就反其道而行,賣凍冰冰嘅炸雞。炸雞酥脆微辣,外皮香甜,雞肉比較乾硬,但別有一番凡味,令人愈食愈上癮!

營業時間:10: 00 – 21: 00
預算: ¥1000- ¥1999

如果想睇更多唔同日本藥妝同雜貨店,就入黎呢度睇下啦

傳送門﹕【福岡親子遊】天神博多行街全攻略

【閱讀更多】
【懶人救星】2018最新!五日四夜 玩盡大阪全攻略
【東京懶人包系列】[第2彈] 2018 五日玩盡東京山手線
【東京懶人包系列】[第3彈] 2018 東京近郊指南 | 繁華大都會以外嘅選擇 + 交通教學